KosaPogi

Katahimikan

2010-03-16T15:46:00.004+08:00

Madalas,
kapag may mga bagay tayong gustong mapagtanto.
Malaman.
Maunawaan.
Maintindihan
at
maliwanagan..

Isang katahimikan ang ating hahanapin...

Sa ilang sandaling pananahimik ng Pahinang ito.

Wala pa ring linaw ang mga tanong na bumabalot sa Isip ko.

Naghahanap pa rin ng Kasagutan ang bawat tanung sa Puso ko.

Litong-lito parin ang diwa ko.

Uhaw sa pang-unawa ang aking kaluluwa.

Manhid ang pakiramdam.

Blankong kaisipan.

Kailangan ko pa ng masmatagal na katahimikan!

ssssshhhhh...
walang mag-iingay!

Update

2010-03-08T07:12:00.003+08:00

Update.

Ito ay walang kakwenta kwenta ulit na update sa Buhay ko.
walang kokontra dahil ako ang Hari dito!

Bad News Muna.

huhuhuuuuu:(
Madami ang nag-aakalang nasa Pilipinas na ako. Pero sa kasamaang palad eh, hindi ako matuloy-tuloy. Madaming problema. madaming aberya. nawawalang kapapelan. pa-rebook ng pa-rebook. May kailangang tapusin at iba pang hindi magagandang rason para Hindi matuloy. leche!
At dahil ilang beses na akong nagpapaalam at nagpapa-despedida laklakan to the max eh, naisipan kong pangatawanan na at umarteng nasa Pilipinas na nga! Since wala naman akong kaibigan sa totoong buhay na dumadalaw sa aking blog eh, Lusot! aaaaat! walang magkakalat sa FB na ako ay Hindi pa nakakatapak sa Pinas!!! Ang pasaway, mababaog!!!

GoodNews.

Official na akong Taken.. oo mga kosa, sinagot na ako ni Sunshine! at anu naman ang goodnews dun? hahaha. wala nalang basagan ng trip.. Pagkatapos kase ng ilang sandaling bolahan at lokohan eh, sinagot din ako ng matamis na ILOVEYOUTOO ni Sunshine.
Oo mga kosa, **yabang mode muna tayo** Ganun kalufeeeet si Kosa. walang tawag tawag. walang personal appearance. walang representative. walaaaaa! txt tx lang!

Seryoso.

Nahaharap ulit ako ngayon sa isang hamon bilang isang Poging Poging syota! Bukod sa mahirap talagang iwork out ng isang Malayuang relasyon. Mahirap kilalanin at kapain ang bagong ugali ng mga taong nag-matured na... sa mahigit pitong-taon na hindi pagkikita... siguradong madami na ang nag-iba at nagbago.

Ako, Bilang isang Syota. Gagawin ko naman siguro lahat ng makakaya ko para maging maayos at smooth ang pag-arangkada ng relasyon na yun! Hindi na kami mga bata at alam na rin namin ang mga gusto namin sa buhay. Siguro malayo man kami sa isat-isa pero naniniwala ako na hindi yun hadlang. Sa makabagong panahon ngayon ay posible na ang lahat. Given na yun... mahirap iwork out ang isang malayuang relasyon pero kailangan nag ng konting tiis at tiwala sa isat-isa. di ba? isama na rin natin yung commitment eh. kailangang isapuso at isa isip sa lahat ng Oras.

Pahabol.

Salamat nga pala sa ilang mga taong napagtanungan ko ng ilangmahahalagang impormasyon.. Hindi na ako magbabanggit ng pangalan dahil sobrang dami nyo na to name names. Basta salamat salamat! Alam nyo na kung sino kayo.

Nagtanung ba ba ako sayo dati?
May naipayo ka na ba sa akin?
wala paaaa? ahhh
Umepal ka! dali nah!
wag ka na mahiya!

salamat:)

Election na!

2010-03-04T18:15:00.002+08:00

Langit. Lupa. Impyero.
Laro ni Senadora

Habang naglalakad sa gilid ng kalsada, Biglang nasagasaan si Senadora. Isinugod sa pinakamalapit na pagamutan pero ideneklarang Patay na.

Sinalubong sya ni San Pedro sa Pintuan sa pagitan ng Langit at Impyerno.

"Maligayang Pagdating sa kabilang buhay!!!" ang bati ni San Pedro. " Bago ka tuluyang maging permanenteng residente ng kabilang Buhay at maiwasang mapabilang sa lumolobong populasyon ng mga kaluluwang ligaw sa Mundo ay kailangan mo munang mamili kung saan mo gustong madestino! Madalas kaseng magbago ang isip ng mga Politikong katulad mo kapag nakita nila ang pagkakaiba ng Impyerno at Langit." dagdag pa ni San Pedro.

"Gusto ko sa langit" ang sabi ni Senadora.

"Pwede yan! Pero may SOP tayo dito na kailangang sundin. Bago ka gumawa ng permanenteng desisyon ay kailangan mong mamalagi at mamuhay ng tig-isang araw sa Langit at Impyerno" ang tugon ni San Pedro.

"ok fine!" ang sagot ni Senadora.

Sinamahan ni San Pedro ang Senadora papunta sa hagdanan pababa sa Impyerno at tumuloy itong mag-isa pababa.

Bumukas ang isang malaking pintuan at bumungad ang malawak at berdeng golf course. Sa di kalayuan ay nandun ang isang class na restaurant at nakatambay duon ang kanyang mga dating kaibigan at kapwa politiko na dati nyang nakatrabaho at nakasama sa pangungurakot.

nagtatawanan. nag-iinuman. kumakain. nagsasaya. nagkukwentuhan. naglalaro.

Kinagabihan, isang magarbong sayawan naman... nakabarong tagalog ang mga lalake at naka-gown naman ang mga babae... masaya ang lahat at nagsasayawan sa saliw ng mga musikang paborito ng Senadora. nandun din ang palakaibigan na si Satanas. nakikipabiruan. nakikipagsayawan at inaasikaso ang lahat ng bisita lalo na ang Senadora.

Hanggang sa tumunog ang isang orasan.. Tapos na ang isang araw at tinatawag na sya ni San Pedro para sa isang araw naman na pakikipamuhay sa langit.

Nagpaalam ang Senadora at umakyat sa Hagdanan papunta sa kinaroroonan ni san Pedro.

"Ngayon naman, try mo rin ang Langit" ang sabi ni san Pedro.

Umakyat sa hagdanan paakyat sa langit ang Senadora at tumambad ang puting kurting kumukubli sa Langit.

Bumungad sa Senadora ang mga Taong hindi nya kilala. Mga nilalang na kontento sa simple at payak na pamumuhay. Nagkakantahan. nagdadasal. naglalaro. patalon-talon sa mga malalambot at mapuputing ulap. Nagbabasa. Nagbablog. Nage-FB at nagwa-YM... Tahimik at payapa.

natapos ang isang araw na hindi nya namamalayan...

Bumalik sya sa kinaroroonan ni San Pedro.
"ngayon, nakita mo na ang pagkakaiba ng Langit at Impyerno... Saan mo gustong maging Permanenteng Residente?" ang tanung ni San Pedro.

Natigilan at nag-isip ang Senadora... "Masyadong Payapa at tahimik ang Langit... sa impyerno nalang ako!" ang sagot ng Senadora.

Ibinigay ni San Perdo ang katibayan ng pagiging Permanenteng mamamayan ng Senadora sa Impyerno at tumuloy na ito Pababa para samahan ang kanyang mga kaibigan at kakilala.

Bumukas ang malaking pintuan at Hinila na sya ni Satanas paloob. Nakita nya ang mga Kaibigan nyang gusgusin. nanlilimahid at namumuhay ng miserable. Ang buong paligid ay puno ng basura, mabaho at makulimlim...

"Hindi ko maintindihan" ang sabi ng Senadora. "Kahapon, nandito ako at lahat ay nagsasaya! nasaan na ang magarbong sayawan? ang golf course? at ang Restaurant?" dagdag pa nya.

Nakangiti at inakbayan sya ni Satanas at sinabing " Kahapon, kami ay nangangampanya! ngayon; Nakaboto ka na at hindi mo na mababago pa!"

Kaya sa darating na Mayo 2010, Maging wais! Pumili ng Karapat dapat! Bumoto ng Maayos!

**ang blogpost na ito ay hango (hindi kinopya) sa isang kumakalat ng email para sa isang wais na pagboto sa darating na eleksyon**

Love Life

2010-03-02T13:55:00.003+08:00

Love Life.
Sabi ng karamihan, isa itong bagay na kinakailangang pag-ukulan ng oras at panahon. Pansinin nyo ang mga artista? Kapag may lovelife, matumal ang dating ng trabaho... Bumubulusok ang career pababa. Tingan mo ang mga matatalinong estudyante karamihan sa kanila kapag nagka love life, bumababa ang grade sa school... o di kaya ito napaka-common, Ang mga Blogger, kapag may love life na, bigla nalang naga-hibernate ng bongga ng walang paalam sa mga readers nila... Ang mga buhay na ebidensya ay ang magkasintahang Gwapong gwapong nakakuta sa UAE at ang kanyang syotang sapiin ng mikrobyo galing sa Takure.**peace sign** dati, hindi nawawalan ng iseshare na aral, kwento, kalokohan atbp na walang kakwenta kwenta... ngayon? ewan ko...:D

Pero teka, bago ko pa mayurakan ang kanilang mga de kuladang dangal eh, proceed muna tayo sa love life issue.

Gaano nga ba nakakaapekto ang Love life sa Buhay?

Sabi ng mge beterano sa pagiging single eh, kapag makulay daw ang love life mo ay tiyak na matitigbak ang iyung career pangkabuhayan o di kaya anu pa mang bagay na iyung pinagkakaabalahan. Maaaring Trabaho. Pag-aaral. career bilang artista o singer. bilang sikat na blogger. atbp.

Paano ka nga naman makakapag-concentrate sa pagpapayaman. pag-aaral o pagtatrabaho kung subsub ka naman sa dibdib ng syota mo? Di ba nga, hindi ka naman pwedeng sumubsob sa dalawang bagay ng sabay? Kaya naman saan mo ba pipiliing sumubsob, sa dibdib ng lovelife mo o sa career mo? na kapag minalas-malas ka pa eh sa kalsada ka pa masusubsob:D masaklap yun!

Isa pa dun eh ang mga kaibigan mo. Madami ang nakakalimot sa kanilang mga katropa, kakosa, kasangga at kabarkada sa oras na nagka-love life na sila! (bato-bato sa langit.. ang tamaan; sorry nalang:D) Kasangga mo sila sa oras ng pangangailangan. Katulong mo sila sa bawat laban ng buhay mo. Kakosa mo sila sa bawat tagay ng iyung tagumpay. katropa mo sila sa bawat baku-bakung byahe na dinaanan ng buhay mo. Sa isang iglap... Nagka-love life ka lang nakalimutan mo na sila...
Pero kapag nagkaproblema ka naman sa iyung syota, sinu ang takbuhan? Para kang timang! mag-iiyak at magsusumbong na parang batang inagawan lang ng laruan ng kalaro.

Meron din naman Lovelife na nauuwi sa Hindi masyadong maganda. Nauuwi sa paglalalaslas ng kung ano-ano. Pag-inum ng sandamakmak na mga gamot. at pagkaka-ospital!
Meron pang nauuwi sa madudugong krimen... kalunos-lunos na pangyayari. maraming nadadamay na mga inosente at walang kinalaman.

Pero ako, Hanggang dito nalang.
May Love life.
Pero sana, hindi naman umabot sa puntong magdulot ito sa akin ng mga hindi magagandang bagay. Hindi ako isang Super Syota na Pwede mong ipagyabang sa buong mundo. Pwede mo kang maging proud sa akin pero hanggang dun nalang... Isa lang akong Simpleng Syota na marunong magmahal ng tapat at umaasang mamahalin din tapat.

***************

pasasalamat

Isang taos pusong pasasalamat para sa isa sa pinakaHenyong Blogger. salamat parekoy sa mga alalay na iyung inukol sa akin habang inaayos ko ang aking walang kakwenta-kwentang Blog. ang pinakahuli eh yung binigay mo sa akin na panuntunan kung paano lalagyan ng personalized favicon ang aking blog (tama ba yung term? basta yun na yun!) salamat sayo Parekoy. Isa kang tunay na Henyo.

Gusto nyong makilala ang Isa sa PinakaHenyong Blogger? click mo na yan! Go!

Be Happy

2010-03-01T18:22:00.005+08:00

Yan ang gusto kong i-share sa inyo mga Kosa! Kung wala naman kayong makita sa kahit saang sulok ng Buhay nyo para maging masaya, wag ka pa ring mawalan ng Pag-asa.
Dahil Masaya ako!!!
at dahil masaya ako;
Pwede bang maging masaya ka nalang Para sa akin?
Simple lang naman ang Hiling na 'to di ba? Minsan lang ito...

Pero madalas, nakakatakot maging masaya ng sobra-sobra! Kadalasan kase, kapag nagiging masaya ang isang tao, may katapat naman na lungkot ito... Pero atleast naging masaya naman ako... at bilang pakonswelo, masmagiging masaya ako dahil, naibahagi ko yun sa inyo!

Update : Sunshine

2010-02-24T09:08:00.008+08:00

babala:
isa itong walang kakwenta kwentang Post!
pero kung ikaw ay aking taga subaybay ng aking teleserye ng totoong buhay, Go! lang sa pagbasa... wala namang mawawala sayo.

ito ang kwento(*big grin*);
Wala akong ka plano-planong magluto ng bagong putahe para sa aking Blog sa ngayon dahil wala akong maisip na matino. Problemado dahil wala akong arawang Raket pangkabuhayan.

Habang nakikipagtitigan ako ng walang kakurapkurap sa monitor ng konchuter ay sobrang hindi ko mapigilan ang mapangiti... humagalpak sa tawa at masamid sa iniinom na coke with matching puto na nginunguya habang nagbabasa ako ng ibat ibang uri ng babasahin. Napapadaan ako sa iba't ibang mga blog na medyo nagpapa-smile sa akin ng very very nice. Hanggang sa madapo ang aking attention sa isang mahalagang email galing sa aking Sunshine.. Yeaaaah. isang araw lang na wala akong email sa kanya eh dumagsa ang text, email at missedcall sa aking inboxes at sa aking telepono.

Hindi ko mapigilang humagalpak sa tawa sa sobrang baduy ng mga message na aking natatanggap. Taena.. Ito yung pinaka-ayaw kong bahagi ng ligaw-ligaw stage. Ang magmukang Super concern ang isang tao... Tingin ko tuloy nagiging soooobrang corny! sobrang baduuuuy! sobrang nakakatawaaaa! Kailangan ba talaga kaseng may lokohan at bolahan pang mangyari habang nagliligawan? Hindi ba pwedeng magtanungan nalang ng; "Gusto mo ba ako? tayo na kung gusto mo ako! dahil gusto rin kita..."
Hay... buhay nga naman!!! Hindi talaga maiiwasan ang nakagawian.

Sa madaling salita, slight update lang po ito tungkol sa aking Sunshine. hehe. Ayus naman ang lahat. Puro papuri ang aking natatanggap. Wala na ang uhuging bata na hindi naliligo at mapagkakamalan mong lumangoy sa ilog Grasa at isang sindi lang eh magliliyab ng Bonggang bongga! Poging pogi na daw ako (pangit ako dati). Hindi daw nya ako nakilala nuong unang i-add ko sya sa FB at sa FS.(wag nyo na syang hanapin sa FB at Fs ko dahil sa ibang account ko sya nakaadd). lols at mukang ambangu-bangu ko daw at ansarap-sarap (i-hug). hehehe

Sa totoo lang, sinubukan kong magsulat tungkol sa high school life namin ni sunshine kasama na ang mga extra at supporting characters pero nauuwi ito sa sobra-sobrang kakesohan. Yung Tipong, hindi sapat ang tissue-tissue lang. Yung tipong Kumot dapat ang dala-dala mo dahil tiyak na tutulo ang luha mo. babaha ang uhog kasama na laway, pawis at sipon mo. in short, ieedit ko pa. Para maging slightly light ang dating.

Kaibigan

2010-02-22T04:56:00.005+08:00

Nagpapasalamat ako sa lahat ng kaibigan kong dumarating sa Buhay ko.

Hindi ko na kayo mabilang pero patuloy pa rin ako sa pangungolekta. Madalas naman kase, walang garantisadong nagi-stay ng forlife! Kaya sa lahat ng aking mga Kaibigan, Blogger o non-Blogger. Showbiz o non-showbiz. Pogi o not Pogi. magi-stay man o nag-stopover lang, salamat salamat! sa inyong pagdaan at pase-share ng mga poging-poging alaala! Kaya naman, The Best at Pogi tayong Lahat.

at isa ito sa madalas kong isigaw sa Mundo kapag may kumukutya sa inyo!!!

Sunshine Update:

Tulad nuong nakaraan, Patuloy pa rin ang aming bolahan ni Sunshine. Mahirap pa rin talagang sumingit at magdemand ng konting konting panahon at oras dahil hindi pa naman kami. Taena talaga. Yung attitude ko sa mga past relationship ko parang bumabalik sa akin... Tama bang mag-email ako halos araw-araw tapos makakatanggap ako ng isang email sa isang linggo wala naman sinasagot sa mga tanong ko... taena talaga. Mga babae talaga, paasa... Hindi nalang sabihin kung meron o wala..lols Jokeness.

Sa kabilang banda, naeexcite at nata-challenge ko ng bonggang bonga:D

Jobless

2010-02-20T16:47:00.005+08:00

Simula nuon pang isang Araw,
Wala na akong full time na trabaho...

Mahirap iwanan ang nakagawian na sa loob ng mahigit dalawang taon.

Hindi ito ang unang pagkakataon na bumitiw ako sa Trabaho. Bago pa man ako tuluyang napadpad dito ay dalawang trabaho na sa pinas ang iniwanan ko at naghanap ng iba.

Madalas, pakikisama sa kapwa empleyado ang nagiging rason ko sa pag-alis. Dalawa sa prinsipyo ko sa buhay ay ang maging masaya araw-araw at mamuhay na hindi ipinagpipilitan ang sarili sa kahit kanino man.

May mga Negatibo at Positibong dulot ang Pagka-Jobless

Narito ang mga Negative.

1. Bawas kita. Bawas budget.
2. Hindi mo na makikita ng madalas ang mga minahal mong kasama sa trabaho.
3. Mawawala ang iyung mga benepisyo (dental, medical, free lunch; atbp)
4.Magugulo ang daily routine.
5. Mai-stress (saan kukuha ng ipapadala sa Pinas?).
6. Boring to the max (ang walang ginagawa).
7. maghahanap na naman ng Trabaho (panibagong adjust at pakikisama na naman).

Narito naman ang mga Positive.

1. Relax (walang stress).
2. Wantusawa sa Pagtulog.
3. Wantusawa sa Pagi-internet (Pagba-bloghop, FB atbp).
4. Pasyal Pasyal to the max (kahit mag-isa)
5. (umasang) Makakahanap ng masmagandang trabaho.
6. Hindi mo na makikita ang mga katrabaho na maiitim ang budhi.
7. Maraming bagong makikilala (sa bagong trabahong mahahanap).
8. Makakapagpahinga ng ilang sandali (para fresh).
9. May mga bagong natutunan (kung gaano kasaklap ang maging jobless).

Marami pang ibang dulot ang Pagka-Jobless. Depende sa kung sino ka, Anu ang estado mo sa buhay, Depende sa estado mo sa iyung kinakukutaan na Bansa, At kung gaano karami ang kinakailangan mong kitaing salapi sa bawat Buwan... yun nga lang... sana, Hindi ako mapauwi ng 'di oras. hehe

Bilang Poging Pinoy (ako yun! hehe) na nakikipagsabayan sa Ibat-ibang lahing estranghero na nakakuta din dito sa Canada; Kailangan doble ang yung sipag, may tyaga, maabilidad, responsable at marunong makisama. Pero kung ang iyung Bossing ay Tukmol (bobo.. walang alam sa mundo), colorblind (mali mo lang ang nakikita), Hindi marunong kumilatis, Epal, may kinikilingan (kalahi nya), inggitero at all-knowing. Walang kwenta ang effort. walang pupuntahan ang paghihirap at tyaga... At talagang Hindi ko na rin talaga kinaya.

So far, ine-enjoy ko naman ang pagiging Tambay (wag lang sanang forever).
Pagtyagaan na muna ang extra-extra.

Dear Tita Jamby

2010-02-16T09:27:00.002+08:00

Dear Tita Jamby,

Kumusta na?
Kumusta ang kampanya, Ok ba ang ikot-ikot?
Kumusta naman ang mga issue issue?
Kumusta ang Presidential survey?
I hope ok lang kayo; at naging maayos ang iyung Puso day!

By the way po, ako po si Kosa. 25 taong gulang. rehistradong botante ng Republica ng Pilipinas. OFW. Nakakuta dito sa Canada. Simpleng mamamayan. Maraming di alam sa mundo. Pero gusto ko pong ipahayag ang aking damdamin at nararamdaman sayo(hindi po ito pag-ibig kundi pagkadismaya ~~at poot~~).

Hindi tayo magkakilala ng personal.. Pero alam mo bang ibinoto kita nuong nakaraang eleksyon (na tumakbo ka) kahit hindi kita kilala? Hindi kita kilala pero ibinoto kita dahil kay Juday (opo, engot ako). Hindi ko alam kung saan ka nun nagmula.. Hindi ko rin alam na anak mayaman ka; inakay ng mga sinaunang lipi ng Politiko. Well, sa paglilibot libot ko sa world wide web, Nakakapanlumo at nakakagulantang na sa isang napakasimpleng nakaraan eh gumagawa ka ng ingay na hindi mo alam kung may maidudulot na maganda o pangit sayo.. Pero sad to say; Isang malaking pagkakamali yan! Nasabi mo na ang nasabi mo at Sinabayan na ni Juday ang Aegis sa pagkanta ng Luha at ni April Boy na Diko Kayang Tanggapin.

Aktwali po, Nuon ko pa nahalatang napakahilig mong umepal sa mga lalakeng kapwa mo senador. Hindi po masama ang Umepal pero lahat po ng sobra eh; pangit sa katawan. Alam ko rin na ikaw ang nagtutulak sa batas para sa pagkakapantay-pantay ng kalalakihan at kababaihan... Alam ko rin po na kayo ay naging pinuno ng apat na Committee ng Senado. Kabilang na ang Para sa kapakanan ng mga Bata at kababaihan ganun din ang Para sa Kapayapaan, Pagkakaisa at Pagkakasundo (Peace, Unity and reconciliation) at Ang Komite ng Cultural Communities. Dapat po, maging mabuti kayong halimbawa sa mga mamamayan lalo na sa mga bata. Ipakita ang diwa ng pakikipagkaisa at pagkakaunawaan. Isa Puso ang tunay na ugaling Pinoy.. Para po yatang natutulog kayo sa senado at hindi nyo alam Layunin ng mga komite na pinamumunuhan nyo.

Mula sa simpleng Mahinhin na Pilipina, Magmumuka na tuloy kayong Palingkera. Palingkerang na Punong-puno ng inggit sa katawan. Naghahanap ng mapupuna sa kapwa Kandidato para punahin. Hindi po ba kayo humaharap sa salimin pagkagising sa umaga?

Umayos po kayo sa mga pinaggagawa mong Froglet ka! haha. Palagi mong tinitira si Tito Manny Villar. Samantalang kung susumain pareho naman kayo ng Hangarin sa Pilipinas... Ang ~~mangurakot, magpayaman pa lalo at~~ makapagserbisyo Publiko... Naalala ko pa nga yung forum (na napanood ko) na dinaluhan nyo nuon sa isang Unibersidad sa Manila kung saan tinanong ka ng isang estudyante kung "bukod sa mga negatibo, may kasasabi ka bang Positibo kay Tito Manny?" at ano ang isinagot mo, "Maayos ang pagkakatina ng Buhok nya"?

Walang effort na pag-assess. Walang utak na sagot. Halatang Bitter. Mukhang inggit. May galit.

Bakit hindi mo magawang batikusin si Tito Noynoy? dahil natatakot ka kay Tita Kris? Kung epal ka kase, mas-epal yun kahit tabingi ang ilong...

At sa Artista endorsment, Sino ba ang nag-eendorso sayo ngayon? Tingin ko po wala ng magkakagusto pang mag-endorso sayo matapos mong sabihing Pinag-sisisihan mo ang pagkuha kay Juday nuon para i-endorso ka. Kawawa naman si MamaJuday... pinagmukha mo syang walang silbi.

Isa kang trying hard-second rate Miriam Santiago to be na nagtatali-talinuhan.

Masgusto ko pa nga si Tita Miriam kaysa sayo dahil nagbibigay sya ng tuwa, saya at serbisyo Publiko. eh, Kayo po Kaya nyo kayang magpabaril sa Luneta? Kaya nyo kayang Tumalon pababa mula sa Lumilipad na Helicopter? Kaya ni Tita Miriam yan! at kita mo naman sya still alive and kickin'...

Mahirap man pong tanggapin Para sayo pero ang Laban po ng Pagkapangulo ngayon ay sa Pagitan nalang ni Tito Noynoy at Tito Manny.. sige, isali nati si Tito Gibo. at OUT KA NA!

Sana po ay mabasa nyo ito at makapulot ng kahit konting aral para sayong ikabubuti. at uulitin ko lang po; wag masyadong epal. wag masyadong inggitera. wag masyadong makipag-kompitensya sa kalalakihan (hindi po masama ito, pero nagiging masama kapag sobra). wag maysyadong ksp. wag masyadong tali-talinuhan. ahhhh.. basta, wag masyado po! dahil LAHAT NG SOBRA MASAMA SA KATAWAN.

Gumagalang,
Kosa. 25. Blogger
Botante ng Pilipinas
Feb.15, 2010
Van. BC. Canada

Happy Puso Day

2010-02-14T05:23:00.004+08:00

Whatever; wherever; whoever...
Happy Puso Day mga kaKosa!!!

Paasa

2010-02-08T21:47:00.005+08:00

Ito yung pagkakataon na minsan naiisip ko ang bawat kahulugan ng mga bagay na ginagawa ko para sa ibang tao. May mga bagay kase akong ginagawa sa mga espesyal na tao sa aking Buhay na ginagawa ko rin sa mga taong ordinaryo lang sa akin. Sabihin na nating ang mga espesyal ay ang mga taong pinagmumulan ng aking kal*b*gan at mga ordinaryo ay ang mga kaibigan at mga simpleng kakilala.

Yung tipong ikinukuha ng pagkain sa isang salu-salu. Binibigyan ng inumin. Tinatanung kung anu pa ang gusto. Sinasabihan na kung kailangan ng tulong eh andito at isang txt lang ako.

At kadalasan, nagkakaroon ng maling interpretasyon ang mga ito. Sa mga simpleng bagay na ito, nagmumula ang ilang mga walang katuturan at walang kwentang Prediksyon.
Yung mga tipong,

"May gusto 'to sa akin".
"Mahal ako nito"
"May pagnanasa 'to sa akin"

awwwww... ganun ba talaga ang ilan? sa isang simpleng pagmamalasakit lang eh mauuwi sa isang maling paniniwala.
Isama mo na rin ang pag-akbay. holding hands. Pagdadala ng kanilang ilang mabibigat na gamit at marami pang iba.
May mga iba nga dyan na naglaplapan at nagjerjer'an na't lahat eh wala lang..taena talaga.

Ito ang maliwanag; Hindi dahil parang concern na corcern na ang isang Tao sayo. sobrang Bait. katxt at kausap mo ng mgadalas eh may gusto na sya sayo. Baka naman mabait at Pogi lang sya o hindi naman kaya ay may plano syang utangan ka.

naalala ko tuloy yung sabi sa akin ni Pareng Bob Ong dati;
Hindi porke't madalas mong kachat, kausap sa telepono katext ng wantusawa eh maygusto sayo at magkakatuluyan kayo. Meron lang talagang taong friendly, sweet, flirt, malandi, pafall at paasa.

Sunshine Update:
Makalipas ang ilang linggo, ongoing pa rin ang bolahan namin ni Sunshine. lols nakakatuwa. Sinabi ko sa sarili ko nuon na hindi na ako magmamahal ng masmatalino sa akin. Pero napag-isip-isip ko, wala na pala akong makikitang masbobo sa akin.. hehe. Pero bakit parang hindi nya ma-gets yung ilang punto ko. Kailangan o ba talagang word by word lahat? haiyst!

Hindi ko alam ang status namin ngayon. MU? friends? close friends? lols Pero sigurado ako na hindi pa kami:( Pero ayus naman ang lahat. email dito. email dun. txt dito, txt dun. getting to know each other more!

Pebrero

2010-02-05T15:47:00.006+08:00

Isa ang Pebrero sa pinakaPaborito kong buwan ng Taon.
Oo! Masgusto ko pa nga ang Pebrero kaysa sa buwan ng Disyembre at kung anu pa man na buwan Bukod sa Hulyo... Marami akong magagandang alaala na kaysarap sariwain sa tuwing sasapit ang Pebrero. May mga masasaya.. May mga tagumpay...Yung tipong Pagtawanan dahil sa kabaduyan at kababawan o di kaya eh taas noo mo paring ipagyayabang hanggang ngayon. Meron din namang mga pagkabigo at malulungkot. yung mga pangyayari na Iiyakan mo pa rin hanggang ngayon.. yung tipong maglalalasing ka at maglalaslas ng pulso sa kapaitan ng napagdaanan mo. Hindi rin nawawala ang mga pangyayaring naghihintay ng katapusan o di kaya ay mananatili nalang na patlang at walang magiging katapusan.

Pebrero sa Buhay ni Kosa.

Unang Kilig.
hahaha.. oo naman kinikilig din ako dati. yung tipong kilig kapag patapos na ang pagwiwi. ganun na ganun...

Unang Tibok.
JS namin nun! napakaraming nagbago sa paningin ko. Parang sa isang iglap lang eh nagbago sila ng anyo at naiwan nalang ako bigla sa pagkabata... Dalaga na sila. Napakaganda nilang lahat.. angsarap nilang kausapin at sabihing, "ate, angganda mo, pwede ba tayong magsayaw?"

Unang Pag-ibig.
Unang pagkakataon, binihag nya ang puso ko. Unang pagkakataon na naging makata. pa-cute. papansin. Unang pagkakataon na umibig at inibig. Unang pagkakataon na napasubo sa responsibilidad bilang isang nagbibinata. anggghirap.

Unang Landi.
Ang sagwa ng term. (hindi yung tipong paglandi ng hayuf ha!? Tao ako:D) Pero ganun nga siguro talaga yun. Darating at darating yung panahon na mararamdaman mong panahon na... oras na! lols

Unang Halik.
Ito yung pagkakataon makikipaghalikan kang akala moy may nilalamutak ka lang na isang masabaw na masabaw na pakwan...hehe. di mo maimagine? eh yung parang chinong humihigop ng sabaw (masmaingay masOK)? ganun na ganun! Pero as time goes by, matututo naman kayong magkabit ng silencer.. alam mo yun?!

Unang Sandali.
Taena.. madumi ang iniisip mo! Iba 'to. excited ka masyado. sandali lang yun! yung tipong Lahos ang bawat oras ay parang sandali lang. Yung tipong isang parang kasisimula pa lang ng tugtog at nagsasayaw kayo.. tapos eh, Tapos na pala at kayo nalang ang naiiwawan na nagsasayaw sa madlang sayawan:))

Unang sigaw.
Ito yung sandaling magigising ka sa umaga at mapapasigaw ka alang bigla dahil may tighiyawaaaaaat?! ka na pala sa ilong. noo. pisngi o kung saan pa man na bahagi ng iyung mukha! Yung sandaling iispin mo kung paano mo ito itatago sa madla at lalo na sa iyung sinta.

Unang Iyak. Unang sakit.
Dito nagsimula ang lahat. Pagkatapos ng masasayang oras at sandali. Matapos ang ilang Buwan ng bolahan at lokohan.. Magtatapos din ang lahat. hahaha. Ito yung panahon na tipong kikitlin mo na ang sarili mong buhay dahil wala na daw katuturan.. taena kesong keso talaga! Pero totoo.. marami sa kanila ang dumanas ng ganun! hehe. Oo, SILA lang dahil hindi ako kasali.

Actually, Parang hindi naman yata sa buwan ng Pebrero nangyari ang mga Unang (pangyayaring) ito na nangyari sa buhay ko.. Pero ang sigurado ko lang, Lahat ng mga Unang (pangyayaring) ito sa buhay ko eh nagsimula sa Pebrero... Anggulo noh? Lols. Dito rin ako UNANG natuto kung paano ako didiskarte sa panggastos para sa Unang Date. Unang panononood ng Sine. Unang Pangkain sa labas. Unang panregalo atbp.

Andami talagang sinimulan ng Pebrero sa buhay ko. Kaya naman napakalapit talaga ng Loob ko sa Pebrero.

Come Fellow OFW's, Vote With Us! ( This is a repost)

2010-02-03T13:29:00.005+08:00

For decades, we've been lauded as "Bagong Bayani" as a recognition by the same government who has caused our mass exodus into foreign lands.

Let's breathe the title of modern day heroes and accept its appended challenges and responsibilities. Despite our distance and diversity, we take pride in being a part of the Filipino abroad’s global recognition as shapers of the world.

Now, the time has come to unleash the heroes within us as the majestic sun rises in the East and its rays of hope shines upon our nation this coming May 2010 election.

This is a call for our collective voice in the 2010 election. We encourage all Overseas Filipino Workers (OFWs) and their families to actively participate and be part of our country’s historic electoral process.

For several years, we’ve made our presence felt in building our nation. In every single dollar remittance that is being delivered in our family’s doorsteps, we OFWs have helped in sustaining the Philippines’ economic growth.

Our experiences in and out the country have led us to become seasoned professionals who are now politically mature to discern what’s best for our home country. Now is the moment to make a difference. We are part of the 12 million Filipinos dispersed across the world and we can definitely make a difference.

We will solidify our stand to choose the right leaders fo
r our country. We will influence our family and loved ones back home, the recipient of our hardships and struggles abroad, to act too. We will guide them in making their choices this coming May 2010 because we believe that their actions will not only shape our country’s future but the future of the generations to come.

Our nation has suffered from the action (and inaction) of irresponsible and corrupt government officials but we must remain steadfast in our hope and desire of having a better country. Our nation is already battered and divided. This coming election, its fate resides in US.

If there is a time to live as modern day heroes, to make a difference as global Filipinos, to embark on something worth doing, IT IS NOW!

Let us empower ourselves as OFWs. With one voice and one heart, let's vote and get counted! Only responsible voters can bring responsible leaders in office on May 2010. Let the new leaders of our land rise from the votes of OFWs.

Sayang naman! Pagkatapos ng siyam na Taon?

2010-02-03T12:08:00.004+08:00

After a long 9years of being together as a boyfriends and girlfriends,
Napagdesisyunan nyong maghiwalay!? Nakakabigla... nakakagulantang.. Hindi ako makapaniwala. Na ang iniidolo kong samahan at relasyon eh mauuwi lang sa wala...
Hindi ko alam kung anu ang dahilan..
Hindi ko alam kung sino ang dahilan..
Hindi ko alam ang puno't dulo.
Hndi ko alam... wala akong Alam.

Bakit nga ba mga mga Relasyon na nauuwi sa hiwalayan?

Yung tipong, sa una eh akala mo "kayo na forlife"
Yung tipong makabagbag damdamin na; "Hahamakin ang Lahat"
Mga nakakasulasok na "ikaw ang buhay ko"
Mga pakyemeng "mamatay ako kapag nawala ka sa buhay ko"

Wag mong sabihin na hindi ka nakakarelate? Nakailang syota ka na ba? Kung wala eh hindi ka nga talaga makakarelate pero napakaimposible nga naman talaga yun! Pero kung mapilit kang "oo; wala ka pang nagiging syota ever" eh; May Mali sa'yo.. sa mukha mo o di kaya sa ugali mo...

Natural na sa isang tao ang magkamali.. Mabulagan sa mga nakikita.. Akala mo sya na! pero Hindi pala. Pero iilan lang naman yun! Hindi sa lahat ng oras at hindi sa lahat ng pagkakataon. Ang mga relasyon na nagtatagal lang ng ilang buwan eh masasabi mong mga pagkakamali lang.. Trip lang.. Libog lang.. O di kaya eh subok lang.. Yung tipong isang hampas lang ng hanging amihan o hanging habagat eh wala na!! giba-giba na!

Paano mo naman ilalarawan ang isang relasyon na tumagal na ng ilang taon.. Isa, dalawa, tatlo?! Paano pa ang mag-iisang dekada? Di ba iilan lang ang nakakatagal sa ganun? di ba dapat sa kanila eh sumasampa na sa next level?

Haaays. Napakahirap magbigay ng payo minsan.. Pero likas talaga sa akin ang maging pakialamero.. Likas na feeling all-knowing. Likas na maepal! Likas na...alamoyun?!
Hahaha... Nakakatuwa, Habang nag-uusap kami, napakarami kong nasabi... marami akong naipayo.. marami akong nasapul na sitwasyon... marami akong nasabing posibleng dahilan.. mga pwedeng rason.. nakakainis dahil hindi ko na maalala yung mga pinagsasabi ko kanina habang mabilis ang pagbigkas ang aking mga labi...

(**pero teka, iisipin ko muna!**)

Mga madalas na dahilan ng Paghihiwalay.

Third Party.
ang walang kamatayan na sitwasyon.. alamunayun! Pwedeng ibang lover. trabaho. career. family at kaibigan.. basta. pwede mo silang tawaging third party kase pinili nya sila over you! yun na yun!

Career.
may mga tao talaga na pinipili ang career over lovelife! may prinsipyo kase ang iba na ang oportunidad eh minsan lang kumatok at hindi yun pwedeng pigilan nino, kahit na ang iyung shota.

Family.
may mga mahihina ang loob na hindi kayang ipaglaban ang pagmamahal sa pamilya.. Meron din naman mga sumusuko nalang dahil ayaw sa kanila ng mga magiging in-laws nila.. pero iilan lang naman sila. madalas mong mapanood sa TV at pelikula (pinoy) kung anu ang nagyayaari. magtatanan.. magkakaanak. magkakabati-bati. hehe.

Hindi Pagkakaunawaan.
May mga magsosyota na wala sa parehong level ng katinuan. Hindi dahil Poging pogi at maganda na kayo eh kayo na ang bagay! May nga factor pa rin na dapat iconsider. Pareho ba kayo ng gusto sa buhay? pareho ba kayong maunawain? Madalas kase, kapag alam mong pogi o maganda ka, laging nakakabit yung word na "marami dyan iba, nagkakandarapa sa'kin".

Pride.
Ang relasyon, talagang tinatamaan ng pagsubok. May mga taong nahihiyang tumanggap ng pagkakamali. Ayaw umunawa. ayaw magbigay. Laging sila ang tama.
Minsan hindi naman masamang magsorry at magpakumbaba.

Sobra na.
Txt txt lagi. Tawag tawag lagi. Selos selos na wala kwenta! mga materyal na bagay. atbp. Anu pa ba ang demand ng syota mo? Basta, Lahat ng sobra.. Hindi maganda ang resulta. Maaring nagdedemand ka na ng masyadong marami o hindi naman kaya, isang araw magising ka nalang na pakiramdam mo, pinagsasamantalahan ka na. Pinapaikot. Pinapasa at ginagamit lang.
Babaan ang expectations and Learn how to say "No!" or "not now!" (para sa isip bata)

Background mo.
Hwag mong paniwalaan ang kasabihan na walang mahirap o mayaman sa pag-ibig. wag kang maniwala na bale wala sa kanila ang iyung katayuan sa lipunan at pamumuhay dahil sa huli, aminin man natin o hindi, Hindi lang ang mapapangasawa mo ang pakikisamahan mo... Buong pamilya nya. Buong angkan nya. Lahat ng kaibigan at kakilala nya eh kasama. tingin mo?

Ang aking epal na ito ay wala pong kinalaman sa kahit kanino.. Bunga lang po ito ng aking walang kwentang pakikipag-usap sa aking sarili.
Open po ako sa anu mang komento, Kuro-kuro reklamo at sumbong... Para po sa mga ito, magpadala lang ng EMAIL dito at asahan nyo po na sasagutin ko...

Subok lang...

2010-01-28T19:17:00.012+08:00

Dear Sunshine!

Teka, bago mo pala basahin 'tong sulat ko eh! kumuha ka muna ng popcorn na kukutkutin mo para hindi ka maboring... sabay play nung video sa baba galing youtube...

ayaaaaan.. pwede mo ng ituloy ang pagbabasa.

Kumusta ka na?
Kelan mo ba ulit bibigyan liwanag ang araw sa mundo ko?
Ilang araw ka ring walang paramdam ehh.
Kelan ba yung huling nagchat tayo sa Facebook? Mga 1week ago? naglaro pa nga tayo ng game na hindi ko alam kung paano laruin eh.. kahit hindi ko alam laruin; nag-enjoy ako! Pramis!

Salamat nga pala sa number na binigay mo... Kahit papaano, matetext na kita ng madalas. at wag mong kalimutang magtxtback sa roaming ko ahhh! Alam ko naman na nakaunlimited ka eh! kasasabi mo lang kanina! wag kang mapalusot!!! hehe. Joke.oh sige kahit kapag may oras ka nalang. hindi ako magtatampo...

Miss na kita!

Nasabi ko na ba sayo na mahal kita?
Masakit sa buto-butong isipin na parang hindi pa... Kelan ko kaya masasabi yun sayo?
Ikaw naman kase... Lagi namang mga tsismis ang tinatanung mo sa akin... mga dating kaklase... kaibigan atbp. Naisasantabi tuloy yung porma ko na sabihin sayo yung nararamdaman ko.

Kahit kelan, napakahina talaga ang pagkalalake ko sa pagsasabi ng totoong nararamdaman sa isang taong mahal ko. Alam mo ba, masaya akong kasama ka nuong nasa High School pa tayo... Naalala mo pa ba nuong nilalakad ko sayo si J**on M.? hahaha. Natawa ka noh? at Nakakatawa naman talaga! Parang ipinamigay ko yung mahal ko sa ibang tao. Ginawa ko lang naman yun dahil akala ko masmamahalin ka nya.(**palusot**) BUkod sa maspogi naman ako sa kanya ng wamport, Makasarili. Maraming iniisip at marami pa akong pangarap nun! Oo. isa akong malaking tanga! Pero ngayon aaminin ko na... Mahal Kita!

Akala ko nuong una, libog ka lang... ~~dumaan na ako sa maraming terminal kung saan sumasaid ng kalibugan.~~ Taon. Buwan. Araw. oras at minuto ay lumipas na pero andun ka pa rin... mahal kita. mahal kita. mahal kita. Ako'y sigurado na!

Hindi ko minamadali ang sagot mo. Pag-isipan mo lang at pakiramdaman ang Puso mo. Kung meron pang puwang na pwedeng dapuan ang kagaya kong lagalag at naghahanap ng kanlungan, Hayaan mong iparamdam ko kung paano ako magmahal. Pramis(totoo na to!) Hindi na mauulit ang mga pinagdaanan mo. Tumatanda na tayo:D Seryoso na ako...

Kosa
01.28.2010.
03:27am

Loveletter vs Txtmssge vs email atbp

2010-01-26T13:36:00.005+08:00

Weeeeh.
Nakakapagtaka dahil kahit hindi ako dapat gagawa ng walang kakwenta-kwentang post ngayun eh, andito ako't nagtitipa na naman ng mga walang kakwenta-kwentang salita na ibabahagi. itatanung at idudulog sa inyo kung ano ang masasabi nyo.

Ang Tanung;

Labletter, chat at txt message, anung pagkakaiba?

Kung ikaw eh edad bente-kwatro pataas (depende sa lipunang nilakihan) naabutan mo ang mga karumaldumal na panahon ng mga love letters. Oo, ito yung mga panahon na naglipana, mabentang mabenta, talamak at usong uso ang Pagkopya ng loveletters at ipapamigay sa kung sinu mang gusto mong ligawan. Tulad ng mga forwarded na mga txt messages na naglalaman ng kung anu-anung mga nakakabulag at nakakasukang pambobola; Ganundin ang Loveletters nuong kapanahunan nya. Yung tipong kung ikaw ay may nakakatandang kapatid na babae at maraming manliligaw eh, siguradong kahon kahon collection nya ng loveletter na madalas eh ipinupuslit mo para kopyahin at papalitan lang ang mga pangalan. Pero hindi rin magpapahuli sina Kuya dahil kung labletter din lang ang pag-uusapan eh alam kong may nakatago lagi silang kodigo pansaklolo sa mga panahon ng kagipitan... Yung mga tipong Letters booklet na nabibili sa bookstore na talagang naglalaman ng maraming uri ng sulat para sa ibat ibang pangangailangan.

Pero sa makabagong panahon, nawawala na ng tuluyan ang ispiritu ng Loveletter. Kulang nalang na isali sa mga listahan ng mga endangered species sa mundo.

At sino ba ang salarin? Ang mga tao rin! Dahil sa paglikha at pagtuklas ng mga makabagong uri ng komunikasyon, natabunan na at nakakalimutan na ang importansya na dulot ng labletter. Andyan si all-in-one-celpone. Tawag. txt. chat. videocall. email. isali mo na rin ang facebook. friendster at marami pang uri ng makabagong paraan.

At speaking of importansya,
Anu ba ang importansya na dulot ng Loveletter?
huh? marami... effort wise, kailangan nakasulat sya sa isang mabangong mabangong stationery. lukot free attttt! sealed with a kiss... (ammm baduy!)
sabi nga ng marami, baduy talaga ang nagmamahal! depende na rin siguro sa edad. kapag medyo tumatanda na, nawawala na yung OA at kabaduyan. pero kung carry mo naman... go ahead!

Para saan ba't maghihiwaley din kayo!! ** insert devil laugh**

Kasabay ng paghihiwalay nyo, sisirain ng babae ang lahat ng regalo mo. Kasama na throw pillows, alahas, mga pares-pares (cutomized) na t-shirt nyo, mga pictures nyong magkasama, mga bagay na may kaugnayan sayo at ang pinakamalupit na pinakahuli, pupunitin ang lahat ng loveletters na ibinigay mo pagkatapos eh susunugin sa isang tapunan ng basura at luhaan.

waaaaah. taena. Ganun kalaki ang ginagampanan na tungkulin ng love letter sa isang relasyon. Pinaka-highlight kumbaga.

Pero kung kayo eh, talagang forever na magmamahalan, magsasama at hindi magkakasawaan, mananatili rin itong espesyal at kayamanan para sa iyung sinta. Yung tipong kapag nagkasunog sa kabilang compound eh dala-dala ni lola ang isang mahiwagang baul kung saan ito nakatago kasama ang kanyang mga dyamante, ginto't pilak na namumulaklak... ting-aling-aling-bastossss.. letche!

Ang Love letter naman kase ay isang paraan para ipahayag ang nararamdaman ng isang nagmamahal. Anu ba ang pagkakaiba ng narinig mo sa telepono, nabasa mo sa email, o di kaya sa kulang kulang sa titik na txt message? wala naman di ba?

Ang pinakamahalaga eh ang tunay na pagmamahal. Yung tunay na nararamdaman...
Kung gusto mong ipakita ang pagmamahal mo, gumawa ka ng bonggam bonggang loveletter. Atleast eh, masasabing may effort ng konting konti... Nakakapagsulat ka nga sa opisina. Sa blog mo. sa wall ng ka.FB mo... eh yung para sa mahal mo pa kaya? sige subok lang... Baka sakaling may magandang mangyari sa mundo...

Hehehe. Mga babae talaga! demanding. waaaahahaha.
Peaceout!

**salamat sa ideyang ibinigay ng isang kaibigan na nagsasagawa ng bonggang bonggang survey para dito..hehe. another nonsense post**

.

Bakit di mo subukan?

2010-01-22T11:02:00.011+08:00

Nuong isang araw ka pa nagrereklamo.
Kahapon, Yun pa rin ang Reklamo mo.
Kanina, Yuuuuun pa rin ang walang katapusan mong reklamo!
Puro ka nalang reklamo.
Laging reklamo tungkol sa kanya.

Sinabi ko na sayo.
Kelan ka ba makikinig sa akin?
Kelan ka ba maniniwala sa akin?
Hanggang Kelan ka ba aasa?
Hanggang Kelan ka ba maghihintay sa wala?

Uuliitin ko ulit sayo at tandaan mo.
Kung Hindi ka na masaya sa Buhay mo...
Kung Hindi ka na masaya Kasama sya...
Bakit di mo subukang sumali sa Buhay ko?
Mage-enjoy ka, Pangako!

Para sa Aking 2010

2010-01-15T00:54:00.007+08:00

Nuong nakaraang taon, sobrang dami kong ginustong gawin na hindi ko nagawa. Sobrang dami rin ang hindi ko naplanong gawin pero bigla nalang nangyari at parang utot nalang sumulpot. Sa kasamaang palad, hindi ako naglista kaya naman ngayon eh, hindi ko malaman kung saan dun ang planado at hindi.

At para hindi na yun maulit pa,
Narito ang ilan sa aking mga gustong gawin sa taong 2010:

1. Bakasyon Grande 1
umpisa pa lang 'to ng taon pero sisiguraduhin kong makakapagbakasyon sa 'pinas ngayong taon na ito. makapagliwaliw. lakwatcha at todo laklakan!

2. Magbalik sa School.
Hindi po ako repeater. wala lang... Parang gusto ko lang ulit magbalik iskwela... at take note! Gobyerno ang magpapaaral sa akin. Tae. Hindi ako matalino. Pulubi lang ako kaya ako pag-aaralin ng gobyerno. ang siste, loan "kuno" ang pampapaaral sa akin. pero dahil sa kaalamang kulam na nasagap ko sa isang mahiwagang libro, ilang kumpas lang magiging instant FREE ito. yeheeeey!

3. Lablayf.
Sa taong ito, medyo pagbibigyan ko ang sarili ko na pagtuunan ng pansin ang pag-ibig. yeaha! kesong keso! nitong nakaraan kase eh hanggang "fling" lang ang mga nangyayari. Hindi ko kayang maglabas ng demand na oras, panahon at pera. ang hiiiiirap mag-mentain ng relasyon!

4. Lipat Bahay.
Nagbabalak akong magsarili na ng tirahan (nasa proseso na!). Mahirap kaseng maging palamunin ng ibang tao. Maraming bagay ang hindi mo kayang gawin (tulad ng pagkakaroon ng lablayf at bisyo) kapag ikaw eh nakatira sa isang lunggang hindi naman sayong-sayo.

5. Magtipid . Mag-ipon
Mahirap humawak ng pera. Mahirap magkaroon ng credit card. lahat ng kita ko napupunta lang sa pambayad utang. taena. paano naman kase, kapag hawak ko ang credit card ko pakiramdam ko pera ko ang ginagastos ko sa bawat binibili ako. Kaya nman simula ngayon, hindi na ako masyadong gagastos. mga importanteng bagay nalang ang bibilhin ko. immmmportante lang!!!

6. Bakasyon Grande Part 2!
Pinaplano kong dumaan sa S.Korea kapag uwi ko ng Pinas. makapamasyal kahit 2-3days lang eh ok na! maganda kaya dun? Mura ang pagkain?

7. Makaligo sa Dagat.
Kelan na nga ba yung huli kong tampisaw sa dagat, 31 months ago?
Kahit naman isinusumpa ko ang dagat dahil ito ang sinasabing dahilan ng aking dermatologist nuon na sanhi ng pagkakaroon ko ng maraming. maraming. soooooobrang daming tigidig sa mukha eh, namimiss ko pa rin sya! wag lang ulit titira sa tabing dagat ng walong-buwan!

8. Magkaroon ng sariling Negosyo.
Wish ko lang.. haha. Pero tama. yun na nga yun! pero late this year na siguro. Pagkatapos kong magpakadalubhan sa isang larangan na gusto kong pag-aralan, magtatayo ako ng small time (muna) negosyo. Yung tipong kikita ka na, makakahila ka pa ng mga naghahanap ng trabaho sa pinas! ultimate Goal yun!

9. Magpramis at Manumpa
Super ultimate wish. Sana sa taong ito, tawagin ako ng gobyerno ng bansang aking kinakukutaan para manumpa bilang isa sa pinakabagong Permanenteng mamamayan ng bansang ito (**sana sana Papa Jesus... help me**).

10. Reunion sa Reunion
Matagal ng pinaplano ng aming High School batch ang isang reunion. Sana mataon na nasa Pinas ako. Kung hindi man, makita manlang yung mga dati kong Kaklase. ka.Dorm. katrabaho. Kakilala. kababata at Kamag-anak eh ayus na ayus na!

11. Makaboto
Makaboto ng Presidente. Bise Presidente at mga Senador. Medyo hindi ko na rin inaasahan na magiging maganda ang resulta ng botohan na darating. Pero wala namang masama kung bumoto pa rin... Malay mo. sana Hindi na magkaroon ng daya.

12. Inter---active
Gusto ko pa rin maging aktibo sa internet at pagbablog kahit na wala na akong kaasim-asim sa panlasa ng karamihan. nagsulputan na kase ang mga bagong kuta ng mga matitinik na blogger. At pakiramdam ni Kosa eh napag-iwanan na sya. lalo na sa last quarter ng 2009 kung saan talamak ang pasadang inatupag. walang time sa pagbablog at pagbablog hop!

sana may ma-meet din akong blogger in flesh! Hindi nalang puro txt. Ym. Fs. Fb at kung anu-anu pang walang kwenta!

Ano pa ba?
Pakiramdam ko marami pa akong nakalimutan. dadagdagan ko nalang once in a while. Pero ngayon eh ito na muna ang kabuoan. Pag-iisapan ko pa yung iba.
Atleast ngayon eh may guidelines na ako.

Pinoy Channel

2010-01-10T03:51:00.005+08:00

Ok payn!
Uunahan na kita, walang kwenta 'tong post na to.

Oo nga! sa Titi... este Title pa lang, medyo nakakapa mo na ang bayag... este itlog na pinag mulan ng consepto ng blog post na 'to!

Kapuso o Kapamilya

Dalawang kakilala at kaibigan ko ang sabay na nangungumbinsi sa akin para sa isang produkto na magdadala daw sa akin ng konting saya at ligaya lalo na kapag nasa bahay. Ang siste, parang panandalian daw akong makaramdam ng pagiging athome! Pinas na Pinas ang dating at makakalimutan ng ilang sandali na sa labas ng bahay eh, Ingles pala ang usapan.

Malakas.
Madugo.
Dumadagungdong.
Wala sinasantong lugar.
Kanya kanyang sistema.
Kanya kanyang pakulo.
Kanya kanyang pautot.
Kanya kanyang discount-discount.
Kanya kanyang panghikayat.
Laban kung Laban.
Siraan kung siraan.
walang inuurungan!
Kapamilya kung kapamilya!
Kapuso kung kapuso!
Ganyan ang labanan ngayon ng mga sales talker ang dalawang TV network ng Pinas sa isang Pagtitipon na aking napuntahan nuong isang araw.

Isa lang naman sana itong simpleng get together pero dahil minsanan lang nila ako kung makita at alam nila na hindi ako subscriber ng kahit anung Pinoy channel at pareho silang ahente ng Pinoy international channel eh inooffer nila sa akin na subukan ang Pinoy channel. medyo napatunganga lang naman ako sa kalakaran ng sales talk nila. Ganun ba talaga ang marketing?

sinu ba talaga ang numero unong istasyon?
ABScbn o GMA?
sinu ang may masmagagandang palabas?
sinu ang may kredibilidad?
sinu ang award winner?
sinu ang may massikat na artista?

Ang sa akin lang naman, Hindi naman dapat na magpataasan ng ihi kapag may kailangan kang patunayan. nadadaan yan sa konting pagiging cool... pagrespeto at pakikinig sa sinasabi ng iba. Hindi kailangan na isaisahin o isali ang mga negatibong bagay... (sabi nga ng mga intsik) MALAS!
Kaya ayan tuloy, wala ni isang nabentahan!

Sa aking simpleng opinyon

Nasa taong binebentahan yan kung ano ang bibilhin nya. Kung ano ang gusto nya! Kung anu ang hinahanap nya! Kung gusto mo ng Drama... Teleserye ng totoong buhay!? pwes sa Kapamilya ka. Kung ang hanap mo naman ay Dokumentaryong malufeeet. Balita at Serbisyo Publiko? Kapuso yan! At panghuli, sa akin lang HINDING HINDI ako magbabayad para lang makapanood ng wawawi o anu pa man na palabas na pwede ko namang panoorin ng Libreng libre!

*****************************************

Isang Pahabol na Happy Birthday pala para sa aking Nanay!

Birthday nya kahapon. at tulad nuong isang taon, ang wish ko ay wish ko parin para sayo Nay!

aylabyu Nay!

One day : Isang araw lang!!! Pramis!

2010-01-05T08:35:00.008+08:00

Pssssst!
Ikaw!!!
oo ikaw nga!
wala ka bang magawa?
Gusto mo ba ng
magandang simula para sa 2010?
mag-exercise?
tumulong sa iba?
makisaya?
makitawa?
pwedeng pwede yan sa isang bagsakan lang!

Panoorin mo 'to...

Opo, hindi ka nga nagkakamali! Isa itong patalastas para sa nalalapit na Takbuhan para sa libreng Kolehyo na may layuning tumulong sa mga istudyanteng nangangailangan at karapat-dapat na tulungan. Malay mo! malay natin, isa sa matulungan ng proyektong ito ay isa sa magiging pag-asa ng ating bayan sa hinaharap.

Bakit nga ba mahalaga ang takbuhan na 'to?

Una. May mga kabataan talaga na gustong makatuntong sa Kolehyo pero dahil sa simpleng rason na kahirapan ng buhay, nalalagyan ng tuldok ang kanilang mga pangarap. Alam ko kung gaano kahirap mag-aral ng walang kahit na anung suportang nakukuha sa iba. Hindi sapat ang pagkakaroon lang ng lakas ng loob at determinasyon. Sa buhay Pinas, mahirap mag-aral at magtrabaho ng sabay.

Pangalawa. Gawin mo tong katuwaan lang. Masaya ang tumabo kasama ang kapanalig mo ng paniniwala. Malay mo, dito mo makikilala ang matagal mo ng hinahanap:D apiiiir!

Pangatlo. Panibagong kapaligiran. Nakatulong ka na, may exercise ka pa!

Pang-apat. Magandang umpisahan ang taon ng Paggawa ng makabuluhan. Sabi ng ng mga Tsino, Kontra-malas..hehe

Pang-lima. wala na akong maisip. Basta gawin mo nalang..hehe malay mo makita mo si Poging pogi Ako dun! (kapals)

So, paano yan!? Isang araw! isang araw lang, Pramis!!! Kitakits sa SM mall of Asia sa January 31, 2010?

******************************

Ang Post na ito ay ginawa para sa kampanyang pagtakbo ni Stacey. Para sa makabuluhang pagtakbo at mga matutulungan para sa libreng kolehyo.
Please Visit www.staceyavenue.com or http://sports37.net/ for more info.

2009

2010-01-02T10:32:00.003+08:00

2010 na!
At sa taon na ito marami akong gustong gawin at makamit sa buhay ko. Pero alam kong hindi ganun kadali ang bawat hakbang na aking tatahakin.

Sa nakaraang 2009
Medyo magulo ang ruta ng aking byahe.
Maraming tagumpay at pagsubok.
Maraming pagkadapa at pagbangon.
Maraming umalis at dumating.
Maraming maingay at mapayapa.
Marami. Hindi mabilang.
Hindi ko kayang isa-isahin.
May pwedeng isapubliko.
May masmagandang gawin nalang na pribado.

Ilan sa mga bagay na nangyari sa akin nuong 2009:

1. Nanatiling Poging pogi at walang kwentang Blogger:D

2. Nagkaroon ng maayus-ayos na trabaho at kita.(dumami rin ang pagkakagastusan..wala rin).

3. Naging busy sa mga walang kwentang bagay (sikretong malufeeeet yun!)

4. Nagkaroon ng panandaling Lablayf. pero sobrang hirap talagang mag-alaga ng bata at isip bata nagmamahalan nga, lagi namang nagkukulitan. nagkakatampuhan. nagbabangayan, nagbabangayan at marami pang bangayan! sakit sa ulo.

5. Nalampasan ang ilan sa mga bagay na kinatatakutan. Pagkakalbo, Pagkaunemploy at pagiging pulubi.

6. Nagkaroon ng masmaraming kaibigan. sa Personal ba buhay at maging sa buhay internet.

7. Nagkaroon ng mangilan-ilan na kaaway (o masmagandang tawaging kasalungat ng paniniwala). sila yung mga pasaway at maswalang kwenta kesa sa akin(peace:D) at napagdiskitahan ng aking mababaw na kaisipan. sorry na po!

8. Nabigo sa Planong pag-uwi nuong September at sinundan pa ng December. (kaya naman sisiguraduhin kong makapagbakasyon ngayong 2010).

9. Nakapagsumite ng Aplikasyon na naglalayong gawin na akong Permanenteng mamamayan dito sa aking kinakukutaan... awwww. sana po Papa Jesus, maaprubahan. pls pls pls po.

10. Nasunod ang ilang luho. masakit sa bulsa (ako rin pala ang magbabayad..letche).

11. Nagkaroon ng sariling domain.. huuuwawww (akalain mong ang walang kwentang kutang ito eh maysariling domain.).

12. Malusog kahit bugbog sa pang-aabuso at trabaho..hehe

Yan lang ang pumasok sa isip ko. Mga bagay na nagbigay ng kulay sa aking 2009. Matamlay ba? walang kwenta? maputla? ehhhh ganyan naman talaga ang buhay abroad eh. Boring na boring! Sana sa 2010, masmaging masaya at makabuluhan ang aking buhay. Kitakits.

Walang kwentang Update

2009-12-27T23:26:00.004+08:00

Bago ang lahat eh,
Binabati ko nga pala tayong lahat ng isang merry merry christmas! sana eh naging mapayapa ang nakaraang christmas sa ating buhay. Tama na yung malusog at medyo busog sa kaligayahan ang ating mga puso. Marami man sa atin ang hindi masyadong kuntento; tumingin nalang tayo sa ~~pogi kong litrato at~~ mga bagay na dapat ipagpasalamat.

speaking of pasasalamat,
isang bonggang bonggang pasasalamat pala sa trenta pesos na smartload na ibinigay sa akin ng poging poging si pareng saul...lols dahil ganun talaga kagaling si kosa na bumola't mang-uto eh, wala tayong magagawa. jokeness. salamat ng maraming marami parekoy. sa uulitin. sana sa susunod madagdagan na ng isa pang zero:D

Ito na siguro ang huli kong post para sa taong 2009.

Busy.
busy.
bUsY.
buSY.
at
BUsY
kase ang byahe ng aking buhay nitong nakaraan. Sobrang dami kong hinahabol at sobrang dami kong kailangang ayusin sa buhay ko pero parang maslalo naman yatang gumugulo.

Pero hayaan na nga nating umayos ng kusa ang mga bagay na magugulo!!! lalo lang kaseng gumugulo ang mga bagay-bagay habang pinapakialaman natin ang agos nito. ganun kapasaway ang takbo ng buhay... suwail. papampam. maarte. paimportante. ksp. kerengkeng. pero aminin na nating ito naman ang nagpapasarap dito.

Sabi nga ng matatanda, walang perpektong bagay sa mundo.. Tulad ng Buhay. Lahat may kapintasan. at Lahat may mga pagsubok na dapat lampasan at pagdaanan. At sa huli andun ang gantimpala... tulad ng trenta pesos na Load! pagkatapos ng ilang minutong panggagancho at pang uuto, Presssto! ayun na!!! hehe. Maraming salamat ulit parekoy atleast meron.. kesa naman sa wala. butata. bokya. o di naman kaya dinaya! yun lang yun!

Happy New Year po!

KABABAWAN

2009-11-27T10:43:00.006+08:00

Mababaw lang talaga ang kaligayahan ko... Isa sa patunay nun eh, ang aking masayang pakiramdam habang napapanood ko ang video na toh!

Isang clip ng isang episode ng Oprah show.

Para maintindihan mo eh, panoorin mo na rin! hehehe. kung hindi ka makarelate eh siguro manhid ka! lolz...

Sobrang dami ang ibig sabihin ng video na ito kapag bibigyan mo ng kahulugan!
Hayaan mong maglaro ang iyung imahinasyon at kaisipan.
Tiyak, darating ka sa putong sinsabi ko.

Ito naman ang Pinoy version(?)..hehe

astig din ito..

kumusta ka na?

2009-11-24T19:43:00.002+08:00

Kumusta ka na?

Tanung na madalas ibigay sa mga taong galing sa sakit o di naman kaya ay matagal nawalay sayo.

Ang madalas na natatanggap na sagot, ~~ito pogi parin~~ "Ok lang" o di kaya "ok naman".

Sobrang layo mo na! Sobrang taas mo na! Hindi mo na naririnig ang aking pangungumusta. Ni pagsagot nga ng simpleng dalawang salita hindi mo na magawa...

Kilala mo pa ba ako? naalala mo pa ba yung pinagdaanan natin? Madalas, naalala ko yung mga sandaling magkasama tayo... yung mga sandaling namamasyal tayo... mga sandaling hawak ko ang kamay mo. mga sandaling yakap mo ako?

Busy ka siguro sa career mo. Sa trabaho mo. Sa buhay mo.
Ok lang naman ako. gusto ko lang tuluyang magpaalam sayo.
Sa nakalipas na 5 taon, natuto at nakaya nating mabuhay na wala ang isat-isa. Nagtagumpay sa bawat landas na pinili at tinahak. Ikaw sa kanan. akong naiwan, napadpad sa landas pakaliwa. Hindi na kita naabutan... Sa aking pagmamadali napasakay ako sa byaheng baku-baku hanggang sa tuluyan akong liparin dito... Papalayo sayo. Papalayo sa pangarap mo para sa akin. Papalayo sa landas na gusto mong tahakin ko.

Ito ang oras na iiyak ako ng todo. babaha ang luha ko. hihikbi ang puso ko. Ito ang sandali na papakawalan kita at ang lahat ng tungkol sayo. Ito ang oras na iisipin kong gagawin ko ang mga plano ko sa buhay ko na para sa sarili ko at hindi para umangat upang maging karapatdapat para sayo. Ito ang oras na papakawalan kita. Hindi na kita iisipin. Hindi na kita sasaktan. Hindi ko na rin sasaktan ang sarili ko.

Blogging : Pagkatapos ng Isang Taon

2009-11-19T16:52:00.004+08:00

Nuong magsimula akong magblog, walang pumasok sa isip ko kundi ang magsulat ng walang kakwenta kwenta. yun lang. wala ng iba.

Matapos ang isang taon, parang sobrang haba na ng panahon na inilagi ko sa mundong ito. Nakakaadik. Kapanapanabik. nakakamiss ang bawat saglit.

Nagsusulat ng mga walang kwentang karanasan. Pananaw. kuro-kuro. opinyon atbp. and at the same time, nakikialam at tumutunghay sa buhay ng ibang bloggers.
Para kang sumusubaybay sa teleserye ng totoong buhay ng bawat nilalang na may kanikanyang tema ng kwento. kwento sa ibat ibang bagay. Pag-ibig. Personal na buhay. Iskwela. Trabaho. Pagluluto. Pasyal-pasyal. at marami pang hilig sa buhay na hindi na kailangan pang isa-isahin.

Nakakatuwa.
Nakakalungkot.
Nakakapanabik.
Nakakagulat.
Nakakagulantang.
Nakakalib*g.
Nakakagutom.
Nakakaadik.
Nakakakiliti.
Nakakagigil.
Nakakadiri.
Nakakatawa.
atbp

Marami pang bagay na Nakaka-- ang dulot ng Blogging sa aking Buhay. Bukod sa libangan, pamatay oras, marami din akong natutunan, nalaman, nakilala at naging kaibigan.

sa Loob ng isang taon na pakikisalamuha ko sa ibang mga bloggers, nagpapasalamat ako sa bawat sandali na dumaan kayo sa walang kakwenta kwentang kutang ito. sa mga simpleng paramdam. sa mga sandaling kulitan. sa mga simpleng payo, pananaw at opinyon.

Sobrang marami kase akong inaayos sa mga panahon na ito. Sa trabaho. Sa lablayf;D. Sa responsebilidad sa Pamilya. sa career(meganun). sa mga pinaplano sa hinaharap. sa Pinas vacation sa summer2010! at iba pang mga extracurricular activities na hinihingi ng panahon at pagkakataon.

hindi ko alam kung anu ba ang tinutumbok ko sa post kong ito. pero ang sigurado, nagpapasalamat ako sayo! oo sayo!! oo ikaw nga! salamat sa lahat. alam mo na kung anu yun!