KosaPogi

Pagdating : update

2010-09-06T02:58:00.005+08:00

Hindi ito dapat ang isinusulat ko sa ngayon... nakapangako kase ako sa isang kaibigan na susubukan kong mag-ambag ng isang may katuturan at may slight na kabuluhan sa mundo ng pagbablog at lalong lalo na sa mundo ng pangingibang bayan. Pero promise (ulit), ipopost ko na yun sa mga susunod na araw. ipapareview ko muna.

Dahil Blog ko ito, Pasensya na! hindi ko talaga mapigilang bigyan ng espasyo ang post na ito... Ito ay update sa Post ko nung nakaraang buwan.

Dito ko napapatunayan na ang mga bagay-bagay na gusto mong gawin sa mundo at mga pananaw mo sa buhay-buhay ay magbabago sa isang iglap lang dahil sa mga bagay na hindi inaasahang mangyari.

inaabangan ko pa rin ang pagdating ng may halong kaba..takot at pananabik.

update, picture greetings atbp

2010-08-27T08:16:00.028+08:00

Babala: ito ay walang kakwenta-kwenta:D

Medyo matagal din akong hindi napagsulat ng update dito sa blog ko.
hmmm..
medyo busy?
medyo wala sa matinong pagiisip?
medyo pagod?
medyo paimportante?
medyo pa.miss? (dahil maraming nagbabasa sa blog nya?)

hahaha. lahat ng nabanggit?! jokes:D

sa totoo lang, hindi ko alam kung saan ko sisimulan ang kwento ng aking isang buwang pananahimik. maraming blessings ang dumating pero marami din ang mga bagay na pumalit at naging sakripisyo para sa mga iyun... isang tipikal na buhay. AKYAT - BABA at PAIKOT-IKOT LANG. madadapa - babangon... taas noong maglalakad kahit medyo manakit-nakit at makirot-kirot pa ang dislocated na buto-buto sa paa.

sa isang iglap lang eh, nagbago ang lahat. magbabago ang ihip ng hangin at ang usad ng paglalakbay ay lilingon sa ibang dereksyon... magbabago ang prioridad. lelevel-up ang mga pananaw at magiging masmalayo ang tanaw sa hinaharap...

pero bago pa man lumayo ang ating tinatanaw, narito ang mangilan-ilang TUNAY na TUNAY na poging poging mga Picture greetings na aking natanggap nuong isang buwan. Hindi ko na pinag-aksayahang ayusin pa ng bongga dahil sayang ang effort..lols (jokeness)

next time nalang tayo tumanaw ng malayung-malayo:)

Sa lahat ng bumati sa facebook at nagpadala ng picture greetings, maraming maraming salamat. At sa mga hindi nakapagpadala, di bale na, may next year pa naman.

Pagdating

2010-07-24T12:43:00.003+08:00

Alam mo ba?
Hindi ko inaasahan na ganun ka kabilis.
Hindi ko inaasahan na darating ka ng mabilis pa sa alas-kwarto.
Hindi ko tuloy alam ang gagawin ko...

Alam mo ba?
Hindi ko alam kung matatakot ba ako sayo.
may bahagi ng katawan ko ang nasisiyahan at excited dahil sa balitang pagdating mo. Pero may mga pagkakataon na natatakot at napapaisip ako kung anung bagay ang maibibigay ko sayo na magpapasaya sayo sa iyung pagdating. Isa lang ang kama sa kwarto ko at masikip lang din yun! isa pa nakikitira lang ako sa bahay na iyun at hindi ko alan kung ok lang sa kanila na pansamantalang makituloy ka muna dun habang hindi pa ako nakakahanap ng ibang malipatan.

Ikaw naman kase, pabigla-bigla ka! wala ka manlang pasabi... wala bang facebook dyan? bakit di ka nagPM? o di kaya nag-email... o wala bang telepono o celpon dyan? isang txt lang naman ayus na sa akin eh.

Madalas, naiisip ko yung mga pinagdaanan ko dito... dito sa mundo. lalo na nuong nagsisimula pa lang ako... Ayaw ko sana na maranasan mo din ang mga yun. Pero on the way ka na pala... wala na kong magagawa. Hindi pa naman pwedeng ipostpone ang pagdating mo dahil express pala yung prosesong kinuha mo... Ingat ka nalang sa byahe. wag kang masyadong malikot at makulit. alagaan mo ang sarili mo at wag pasaway.

Alam kong hindi ka pa dumarating eh, may kasalanan na ako sayo... na minsan pumasok sa isip ko na hindi ka pa dapat dumating... na minsan sinabi kong resulta ka lang ng init ng katawan at libog pero promise, natatakot man ako... mas-excited ako sa pagdating mo at gagawin ko ang lahat maging maayos ang lahat.

kosa
23:07:2010
21:51

Birthday Post 2010

2010-07-16T21:49:00.004+08:00

Oi, Kumusta na?
Tulad ka pa rin ng dati!
Parang wala ka pa ring pinagbago... bukod sa pogi ka pa rin eh, Nasayo pa rin ang ilang katangian na pwedeng magpabagsak sayo. Anu ba ang sikreto mo? Madalas kong sabihin sayo nuon na kung hindi ka magbabago eh mawawala sayo ang lahat ng bagay na hinahangad mo sa mundo! Pero kung tinitignan ko ngayon ang layo ng nilakad mo, taas ng nilipad mo at bilis ng galaw mo.

may pagbabago naman na pala kahit papaano!

Maswerte ka lang siguro!
At alam ko kung saan galing ang mga yan!!!

Isa sa napapansin ko sayo ngayon eh, nakakalimot ka na sa nakagawian mo. Ang kausapin ako. Kausapin si Papa Jesus at si Mama Mary! Di ba, dati naman madalas. Kausap mo kaming tatlo ng sabay sabay lalo na bago ka matulog. Hindi na rin mabilang ang sumbong na sinabi mo sa akin. Mga reklamo na sinabi mo kay Papa Jesus at mga wish na hiniling mo kay Mama Mary! Alam mo bang na-mi-miss ko ang mga panahon na yun! at sigurado rin ako na namimiss ka rin ni Papa Jesus at Mama Mary!

Bakit di mo subukang bumalik sa dati. Handa pa rin naman kaming makinig sa mga kwento mo. sa mga reklamo mo. sa mga sumbong mo! Isama mo na rin ang mga iyak mo. hagulgol ng puso mo at mga pagtangis mo! Ako pa rin ang dati mong kakampi! Ako pa rin ang dati mong karamay! Hindi masama ang minsan eh magpakita ka ng emosyon. Hwag kang magtapang-tapangan na parang hindi nasasaktan.

Ang mga bagay na laman ng puso mo ay pilit mo pa ring pinipigilan.
Umuusad ang buhay... Umiikot ang mundo.

Hindi pwedeng maghintay ka nalang ng biyaya na mahuhulog sa harap mo. Alam kong alam mo kung ano ang ibig kong sabihin. Alam ko ang hinahangad ng puso mo. Alam ko ang lahat sayo... mahirap ka lang talagang diktahan lalo na kung isip at pride ang lagi mong pinapakinggan at pinapairal. Hindi mo naiisip na kapag natutulog ka, ang isip mo ay natutulog din! Samantalang ang puso mo eh nananatiling buhay at pumipintig!
Hanapin mo sya. Suyuin mo.
Ito na ang tamang Panahon.

Isipin mo ang mga bagay na gusto mong gawin. Gawin mo ng paisa-isa. Ituon mo ang iyung pansin at konsentrasyon sa bawat hakbang na gagawin mo. Hindi masama ang magmulti-task pero siguraduhin mong ang iyung nginunguya eh kaya mong lunukin ng sabay-sabay.

Subukan mong matulog sa mga oras na bakante ka. Tulad ngayon. Kapag kaharap mo na kase ang konchuter na yan, Hindi ka na maawat kakangiti. kakatawa at kung anu anu pang emosyon na pumupukaw sa iyo. Nalilimutan mo na tuloy ang sarili mo. Alalahanin mong iisa lang ang katawan mo... walang nabibili at maslalong walang nahihiram.

Hindi mawawala ang mga kontra-bulate sa mundong ito. Sila yung magdudulot sayo ng problema at inis sa buhay. Sila yung mga taong kahit iwasan mo ay pilit sasalubong sayo. dapat sa kanila, hinaharap mo at nilalampasan. Wag kang matakot, hindi ka naman nila kakainin ng buhay. darating ang oras na makikita mo kung ano ang kahinaan nila at masasapul mo sila!

Matapos ang ilang taon ng makalaylay dilang paglalakbay sa Mundo, Alam mo na ba kung ano ang gusto mo? Alam mo na ba kung saan ka pupunta?

Madalas mong ipagyabang na alam mo kung saan ka pupunta! May palista-lista ka pa ng mga bagay na gusto mong gawin... Pero magiging masmabuti ka bang tao kapag nagawa mo yun? Magiging masaya ka kaya kapag nakuha mo lahat yun? Mag-isip ka ng malalim. Pakinggan mo ang sinasabi ng konsensya mo. Bilangin mo ang pinipintig ng Puso mo.

Tama yan.

Hwag mong kalilimutan ang obligasyon mo sa mga magulang mo at sa mga taong mahal mo... Pero wag mong kalimutan na may obligasyon ka din sa sarili mo. Sa dami ng nagbigay payo sayo... Hanggang ngayon wala ka pa ring kadala-dala. Hindi masama ang tumanggi at lalong hindi bawal ang magsabi ng totoong nararamdaman.

Ngayong malapit na ang birthday mo, sana ay dumami pa ang dumating na biyaya. sana manatiling malusog ang pangangatawan at magkaroon ng tunay na kasiyahan ang iyung puso. Sa ilang taon mong pakikipagsapalaran sa mundong ito, alam kong maraming aral ka ng natutunan... maraming problema at pagsubok ka ng nalampasan. maraming tao ka ng nakilala at maraming uri ng panahon ka ng hinarap... sa Oras na ito, hindi lang sila ang proud sayo kundi ako din ay very proud sayo.

Happy Birthday ulit!

Barista Baker

2010-07-13T00:20:00.006+08:00

Ito ang unang pagkakataon na magkukwento ako tungkol sa trabaho.. Oo, may bago akong trabaho at magtu-2months na rin ako.
Isa itong bahay kapehan na nagbebenta ng madaming uri ng mga kumplikadong kape, kumplikadong mga maiinit o malalamig na inumin at kung anu anu pang mga baked goods kaya naman barista baker ang tema ng buhay ko ngayon.

Sa totoo lang, nageenjoy ako sa trabahong ito. hindi naman sa malaki ang kita kundi, sa mga taong lagi mong nakakasama at nakakatrabaho. isama mo pa yung mga chikabebe na lagi mong nalalawayan ang kape at nakakadaupang palad (kapag magaabot ng sukli). At wag kalimutan ang sandamakmak ng tips na kung iipunin mo ay makakabili ka ng bagong bagong iphone4 (at yung iniipon ko sa loob ng mahigit isang buwan eh malapit ng makabuo ng isang iphone4)... yahoooong yahooo.

Isa lang talaga ang sumisira sa mundo ko bilang isang Poging nilalang. Matapos kong magmagandang loob na pumayag na ipahiram ako sa ibang store ng panandalian ay makaka-encounter ako ng magpapatumbling sa akin ng bongga! at nangyari yan sa akin kaninang kanina lang.

Batang Pasaway: sino nag-bake? (straight face)

Kosa: ako po!(very Proud!)

Batang Pasaway: Bakit di mo ako ginawan ng back up? (naninita)

Kosa: ikaw ba magbe-bake? sorry po (pa-cute)

BP: yes. wala ka man lang ginawang back up (nagmamaganda)

Kosa: huh? (nagulat) kelangan bang gawan kita ng back up?

BP: oo!!! (sabay lagay sa bewang ang kanang kamay, at nagbubeautiful eyes pa.) kase yun ang ginagawa ng pinalitan mo!!!

Kosa: haaaa? ginawa ko lang yung nasa prediction.. yun ang patakaran di ba? doble nga yung prediction nyo sa prediction ng store namin eh!

BP: eh bukas sino ang magbe-bake, ikaw? (sabay tutuk ng spatula kay Kosa) kase kelangan ko ng back up!!

Kosa: huh? kelangan ba talagang gawan ka ng Back up? eh kung gagawin namin yun, eh di Wag ka ng pumasok!!!

***itutuloy***

Pagkatapos ng nakakapagod na gabi ay masisisi mo ba ako kung kelangan kong mairita sa mga taong nagiinarte at gustong ipagawa sayo ang trabahong naghihintay sa kanila?

sige nga!!! Isa pa! lalayasan ko store nyo!

status: Hindi happy.

Malapit na Birthday ko!

2010-07-02T19:55:00.005+08:00

Malapit na ang birthday ko.
Madadagdagan na naman ang edad ko. at sa tingin ko madadagdagan na naman ang mga responsebilidad sa buhay ko. Minsan natatakot ako pero may halong kaba at excitement... Hindi ko maipaliwanag.. isa kase itong responsebilidad na walang bawian... taena! sa susunod na post na yun! mahaba 'to!

Balik tayo sa nalalapit na kaarawan ko...
Kumusta naman ako?

ok lang. wala pa ring bago. alipin pa rin ng bansang putang inang leche kung maningil ng tax. kulang nalang na pati pag-ihi at pagdumi eh papatungan na ng tax. kumusta naman yun? bukod kase sa halos lahat ng bilihin dito ay de-tax; na-double pa ngayong buwan na 'to! kaya yung dating 12% na tax sa kahit anung bilihin ay parang spaghetting pataas ng pataas na magiging 20+% na ang papasaning tax ng lahat na mamimili!? watda leche!? buti naman sana kung may umento sa sahod! taena talaga! ayoko ng mamuhay sa bansang itooooooo! hehe. joke lang:D

Nalalapit na ang birthday ko at kahit anong pagmamakaawa ko sa paghingi ng picture greeting eh iilan lang talaga ang mga may busilak na pusong nagpaunlak... kahit na halatang effortless. ok naaaa! ang importateng mahalaga eh yung sayang maidudulot sa puso ng isang katulad kong mababaw lang ang kaligayahan.

iniisip ko nga; may nagmamahal ba talaga sa akin sa mundong ito? karamihan (hindi lahat...kase andyan ka pa!) kase ng mga kasabayan kong nagsimula sa pagbablog at naging kaibigang tunay na tunay ay nanahimik na at hindi na masyadong aktibo sa pagsusulat dahil sa kung hindi man nawala na ng tuluyan eh, hindi na nagpaparamdam dahil nagkalablayf na o lumevel up na ang career:( Ako din naman, medyo hindi na nga rin ako nakakapagsulat. bukod sa wala na rin akong oras, masnakakarelax makibasa at umosyoso sa blog ng iba.

Teka, anu bang tinutumbok ng post na ito?

as usual, wala naman... ito ang huling hirit para sa nagsusumamo kong paghingi ng picture greeting para sa darating kong kaarawan... sana makapagpadala kayo bago mag 18 ng July. at saan ipapadala? dito lang yan; kosa_s21@yahoo.com.ph

maraming salamat!

kitakits

Simple

2010-06-22T14:57:00.003+08:00

Teka,
wait lang...
Isa lang ulit itong walang kakwenta kwentang post!

Simple lang ito promise!
Hindi kailangan ng effort at lalong hindi kailangang maging kumplikado... Patuloy parin akong nagmamakaawa na humihingi ng picture greeting para sa aking birthday! next month na 'to at medyo excited na ako. hehehe. bakit ba ako excited? hindi ko alam... basta excited ako! period. hehe:D

Speaking of simple!
Sa isang birthday na pinuntahan ko nuong isang araw, may isang pagkain na takaw pansin sa aking atensyon. Isang pagkain na familiar sa aking panlasa at paningin... luto daw yun ng katrabaho ng kaibigan ko. Mga cook kase sila sa isang kilalang hotel dito.

"ahhhh.. ang sarap nman ng kare-kare nyo...asan ang bagoong?"

"hindi kare-kare yan tsong! chuchuchuchuu..(hindi ko maalala yung sinabing words) on peanut butter sauce" daw!!!

sabay turo kung nasaan ang bagoong!!!

what the leche!? eh kare-kare nga lang yun eh! ginawa pang kumplikado sa buhay ang pangalan!!!

naalala ko tuloy yung kaklase ko nuong kinder... (at oo, nagkinder ako! lolz) hirap na hirap sya sa pagsusulat nya ng buo nyang pangalan dahil sa haba! hindi nga magkasya sa papel nya yung pangalan nya eh... mantakin mong Mark Anthony Julius ang pangalan nya at isama mo pa ang apat na syllables na apilyido! kumusta naman yun? at ang malufeeeeet!!!! ang tawag sa kanya sa bahay nila, Potpot lang!

nashare ko lang... pasensya na!!! Hindi naman kumplikado di ba?

at ang aral sa post na ito.

Sa mga hindi pa nagpapadala ng picture greeting para sa birthday ko, Parang awa nyo na pong please... penge po ng picture greeting:D simpleng simple lang po ang dapat nyong gawin! ito ang sampol. (palink lang pareng Gasul.. di na ako nakapagpaalam) hehe. tatanawin ko po itong malaking utang na loob... at sa mga nagpadala na, maraming salamat po!

sa mga gustong magpadala, ipadala lang ito sa kosa_s21@yahoo.com.ph
maraming salamat po!

mura

2010-05-27T04:48:00.004+08:00

Taenang shit!
Napadaan lang..
Akalain mong papatapos na pala ang Mayo? Isang nakakakulubot betlog at nakakahugot murang isipin na parang sobrang tulin talaga ng panahon at hindi ko na kayang habulin at lasapin ng bonggang bongga ang mga araw na dumaraan! Parang hindi ko na nararamdaman ito... parang dumadaan ang isang araw sa isang kurap lang... isang linggo sa isang sandali lang... isang taon sa---watever!

At akalain mong ilang linggo nalang eh magbuburdey na naman ako? fuck it! taenang leche! at makakalahati na naman pala ang 2010?

Oo nga! Hindi ito sabi-sabi dahil kita mo naman, muntikan na akong hindi makagawa ng walang kakwenta-kwentang post para sa buwan na ito ng Mayo. ganun kabilis ang mga pangyayari. Kasimbilis kuno ng 'taragis na PCOS machine sa pagbibilang ng mga boto pero sa hindi malamang dahilan eh hindi pa rin napo-proklama ang mga nanalong presidente at bise-presidente hanggang ngayun... di ba nakakaleche yun? shit! taena... mga fuck u sila!

Teka, Napansin mo ba? parang napansin ko kase, parang andaming mura sa post kong ito.. hahaha. sorry naman! parang cool lang kaseng pakinggan. tulad ng Taena... Leche. shit. fuck u sila! p'taragis atbp.

tulad kanina, napalingon ako sa salamin... napasambit ako ng, "ampogi ko talaga, taenang shit!!" di ba sobrang cool? hahaha.

speaking of mura, may mga bagay at oras na hindi angkop ang pagmumura lalo na kung nasa seryosong sitwasyon o di kaya nasa hindi kilalang pagkakataon. Pero para sa akin, hindi naman lahat ng oras eh masama ang magmura. Nasa paraan lang ng pagkakasabi at nasa nagsasabi. ito ay opinyon lang ng isang walang kakwenta kwentang nilalang at hindi ng buong sambayanan... :peace:

At ang aral sa post na ito?
wala naman... malapit lang naman na ang birthday ko! at dahil dyan, isang bonggang bongga Please ang pakiusap ko sa inyo. penge ng Picture greeting! hehehe. madali lang naman yun di ba? Pakisend nalang sa kosa_s21@yahoo.com.ph o, kung busy-busy'han naman ang drama mo, pwede kang magpadala ng mms sa aking alcatel sa telepono bilang na O929-466-2842. ayun ohh! sobrang dali! effortless kumbaga!

maraming salamat inadvance!

Winner

2010-04-27T21:45:00.010+08:00

Usapang winner ito at wala ulit basagan ng trip dahil blog ko 'to eh iba-blog ko ang gusto kong iblog... hehehe...

Hindi ko alam kung may patutunguhan nga ang usapang winner na 'to dahil kung ang pagbabasehan ay ang aking pananaw, malamang sa malamang ay may konti tayong mga pagkakaiba.

Pero tulad nga ng sabi ko, Blog ko ito at kung may hirit ka eh, isirit mo yan sa sarili mong blog. kung wala ka naman blog at gusto mong magreklamo, sumugod ka sa barangay at magreklamo ka kay kapitan.

At bilang pampalubag loob.
Ikaw!!!! oo, ikaw nga! alam ko,
isa kang certified winner!

kung isa ka sa kanila, Winner ka!

Ikaw na nagtatrabaho ng marangal! Hindi mo kailangang maging maging leader, team leader, supervisor, manager, presidente o ceo o may-ari sa iyung pinapasukang trabaho o kumpanya para matawag na winner!

Ikaw na gumagawa ng kabutihan para sa ibang tao. Nagsasakripisyo at nagmamalasakit sa ibang tao. Hindi mo kailangan ng pagkilala mula sa kahit kanino para matawag na winner. Nasa puso at damdamin yan! dahil bawat isa sa 'tin ramdam natin kung tyo ay mabuting tao o hindi! dahil kung ikaw ay isang winner, Ramdam mo!

Ikaw na responsableng mamamayan! sumusunod sa mga simpleng panuntunan at patakaran sa ating lipunan. Hindi mo man ramdam yan, pero sa simpleng pagiging exempted sa pinoproblema ng lipunan eh, Winner ka!

Ikaw na mapagmahal sa kalikasan. may magagawa ka! simulan mo. Mahalin mo ang kalikasan at mamahalin ka rin nito. at dahil dyan, winner ka!

Ikaw na mapagmahal sa Hayop. May pakiramdam din sila. Nasasaktan. nasusugatan at may kakayahang magmahal. kaya kung ikaw ay mapagmahal sa hayop, Winner ka!

Ikaw na isang OFW. sa sakripisyo, pagtitiis at pagsusumikap mo... at para sa matatag na ekonomiya ng ating bansa... winner ka!

Ikaw na responsableng anak. Sabi nga sa kasabihan, kailangan mo munang maging isang responsableng anak bago maging isang responsableng magulang dahil; Hindi mo pwedeng ibigay ang isang bagay na wala sayo. at dahil isa kang responsableng anak! winner ka!

Ikaw na masaya sa iyung ginagawa. May mga iba na ang batayan ng pagiging winner sa iyung trabaho ay ang klase ng iyung trabaho at ang iyung posisyon. Pero para sa akin, Hindi sa lahat ng oras eh pwedeng gawing batayan yun. Dahil sa pagiging simpleng masaya sa iyung trabaho.. ikaw man ay blogger, istudyante, pulube, tindera, manikurista, serbidora, labandera, litratista, o kahit na tambay ka pa! basta masaya ka, masasabi kong winner ka!

Ikaw na bumabangon sa tuwing bumabagsak! May mga bagay kang natututunan sa iyung bawat pagbagsak na hindi mo matututunan sa kahit saan... at dahil dyan, winner ka!

at kung usapang winner lang din naman, ito ang pinaka-winner! <---sundan ang link...

Kosa Who

2010-04-20T16:00:00.004+08:00

Level up

Ito ang Part 2 kaya naman, wala pa ring kokontra!
Bago ko ibuhus ang panghuling saga ng Politiko series ng aking Blog eh, muli kong bibigyang Pugay ang aking sarili! aawwwww.

Mahigit anim na Buwan simula nuong nailathala ang unang Bahagi ay masasabi kong may konting pagbabago sa Byaheng baku-baku ni Kosa! Taena... Kasabay ng pagbabagong ito ay ang patuloy na pamamayagpag ng walang kakwenta-kwentang kutang ito. naman! hayaan mo na pampalubag loob lang... hehe

Matapos ang unang kwarter ng 2010.

Isa pa rin akong poging poging Blogero na kinakanlong ng Canada. Sa naunang Plano, dapat ay nakabakasyon grande na ako sa mga oras na ito. Ayon sa naunang Plano, April hanggang June sana ang aking bakasyon. Pero dahil sa mga konting pagbabago sa musika ng buhay ni Kosa eh! takam na takam pa rin akong malasap ang mainit-init na bakasyong Pinas.

Taken. Yep. Walang halong biro.
Sa wakas ay may naloko din si Kosa! awoooooh! At kahit kelan lang kami ngkaunawaan ng aking si Sunshine eh, Parang nagmamadali yata kaming lumevel up at tahakin ang masmasalimuot na mundo ng____________alamuna. hehe

Yung mga ibang impormasyon eh ganun pa rin!
25 years old pa rin ako.
Poging pogi pa rin.
pangatlo pa rin sa limang magkakapatid.

Isa pala ito sa ilang nagbago.
Naghahanap pa rin ng kahit anung raket pangkabuhayan ngayon.
Sa loob ng kulang tatlong taon, nagsawa na rin ako sa lagi kong ginagawa sa bawat araw. Hindi naman sa wala akong pasensya... Pero kadalasan kase sa mga interview ko, kapag nalaman nila na may ongoing akong trabaho ay hindi nila ako tinatanggap. sa dami kase ng mga walang trabaho ngayon, Hindi yun nakakapagtaka. Tulad ng kahit anong Laro sa Buhay, kailangang Lumevel Up! kaya naman nagdesisyon akong magpahinga muna sabay hanap ng panibagong trabaho... yung tipong, masmagiging masaya ako sa bawat araw ng pagtatrabaho.

wala dapat napipilitan sa bawat Trabaho na tinatrabaho. Masmagiging maganda ang resulta ng isang trabaho kung ginagawa ito ng maykonting ngiti at tulo laway sa labi.. hehe

Anu ba ang gusto kong sabihin sa Post kong ito?
wala namang importante..
Siguro, dahil narealize ko lang na
Dito Bawat laro ng Buhay, walang permanente! Kapag nagsawa ka na sa iyung ginagawa, Lumevel Up ka! Para sa pagbabago. Para sa panibagong challenges at para umusad ka at matapos ang Laro! Yun yun eh..
Dahil kung sa Level one at level one ka lang... walang pagbabago. walang pag-usad. walang chance na matapos ang buong Laro:D

Tiwala sa Pagbabago

2010-04-10T14:41:00.007+08:00

May hawig ang Tiwala at Pagmamahal.
Pareho silang masaya...
Pareho silang masarap... Parang pagkain lang:D

Masaya ang mainlove.
dahil kampante ka at nagtitiwala.

Masaya ang may minamahal.
dahil nagmamahal ka at nagtitiwala.

Masaya ang nagmamahal.
dahil umaasa ka at nagtitiwala.

Masaya ang minamahal.
dahil naniniwala ka at nagtitiwala.

Masaya ang naniniwala at kasabay ng pagtitiwala.
yung walang halong biro...

Pero minsan, may mga bagay na hindi mo na dapat pang sabihin pa. Yung tipong parang nahihiya na pati tenga para pakinggan! soooobrang baduy! sobrang corny! yung tipong, masasambit mo ang, Just show it baby! you don't have to say it! na may kasamang pagmumura dahil sa inis.

Madalas, may mga pangakong napapako kaya naman ayaw na ayaw kong magsabi ng mga bagay-bagay at mangako ng mga pangako na mapapako lang naman sa huli!
wala akong planong manloko ng mga tao.
wala akong kailangang patunayan.
wala akong kailangang boto para sa darating na Mayo!

Hindi ako matalino... maabilidad lang.
Hindi ako mayaman... masipag lang.
Hindi ako artista... artistahin lang.
Hindi ako manloloko... palabiro lang.
Hindi ako mandarambong... malusog lang.
Hindi ako kurakot... kuripot lang.
lalong,
Hindi ako sikat!
Hindi ako Pulitiko!
Hindi ako Paasa!

Sa mga Pulitiko na nangangako ng kung anu-anung mga Pangako!
pagbabago. pag-unlad. milagro. langit. lupa. kabuhayan atbp.
Mga TAE kayong Lahat!

if i know para sa sarili nyo lang ang iisipin nyo kapag naluklok kayo sa posisyon! sumasakit ang aking buto-buto kapag naiisip ko kung gaano na kalaki ang ginagastos ng mga Politiko sa kampanya pa lang! Saan kaya nila babawiin ang gastos na to?

sa mga mapapadpad sa walang kakwenta-kwentang kutang ito,
WAG MAGPAPALOKO SA MGA PULITIKO.
pag-aralan mabuti kung sino ang karapat dapat sa inyung nag-iisang Boto.

Ako ay isang Simpleng nilalang na nagmamahal lang at hindi magsasawang magmahal habang buhay. Isang simpleng anak. kapatid. pinsan. kaibigan. kaklase. kakilala. kapitbahay. kapuso. kapamilya. katrabaho. kaBlog. kasintahan. Isang simpleng Poging poging blagero na umaasa ng pagbago sa darating na Mayo. Pagbabago na magaahon sa Pinas mula sa kahirapan. Pagbabago na magiging Pundasyon ng masmatatag na Pinas. sana sa susunod na pagtapak ko lupain ng Pinas, malaya pa rin ang lahat. masmaayos. mastahimik. maspositibo.

***************************

narito ang isang pudpud na videong umariba pa nuong isang taon.. Pero nagbago man ang ruta ng Pulitika, nararamdaman kong isa lang ang tinutumbok ng mga kawatan... Maging mapagmassid. makialam.

Libre

2010-04-05T15:14:00.005+08:00

Ang Pagiging masaya ang isa sa pinakalibreng bagay sa mundo. Hindi mo kailangang bilihin dahil ito ay nasa tabi-tabi lang. Abot kamay at abot kaya kahit gaano ka pa kasimple, kapihikan o kahit gaano ka pa kasensitibo. Isa itong prebilehyo para sa bawat isa sa atin...

Sobrang daming bagay ang pwede mong gawing dahilan para maging masaya at magsaya!

Kung wala kang dahilan, maghanap ka! kung wala lang mahanap... gawin mong dahilan ang paghahanap para makaramdam ng saya.. magulo noh? Pero sana na-gets mo.

Ilan sa mga bagay na ibabahagi ko ay ang mga bagay na nagbibigay ng konting saya sa akin o kundi man ay sa Puso ko.

Matulog. Madalas nuong nakaraang mga taon ay nabuhay ako na kulang na kulang sa tulog hanggang sa nasama na sa pang-araw araw na buhay ko ang kasabihang "mabuti na ang walang tulog; kaysa walang gising". Teka, paano yun? masaya na natutulog? ahhh.. baka naman masaya pagkagising.

Kumain. Hindi naman ako matakaw sa pagkain. Parang yung kasabihan lang na; "makita lang kitang kumakain ay masaya na'ko".. ayun oh! sabay kain na rin para masssmasaya pa:D

Mag-FB. makipagkulitan. makipagbasagan ng trip. magkipagkwentuhan ng mga walang kwentang bagay.. pero atleast masaya.

Mag-isip ng Positibo. actually, madami to! pero ito ang isang zampol, Isipin mo ang mga bagay na meron ka pero wala sa iba! **habang nasa trabaho, kakatitig sa monitor, nagkamuta ang mata! yung iba wala.. atleast ikaw meron..(hehe. baduy na Joke)! Pagbagon mo tuwing umaga, may tulo-laway ka sa Pisngi! atleast unique ka! hindi lahat ng tao may talent na ganyan..(pudpud na joke:D.. pagbigyan na lang pls..).**

Kwentuhan. Madalas, marami kang makakawentuhan. mga bago man o dati pang kakilala, alam kong isa lang ang bubuhay at magibibigay saya sa kwnetuhan.. Ang pag-usapan ang buhay ng may buhay:D

Mamasyal. Sa Mall. Sa tabing dagat. sa kanayunan... kung saan saan pa! Tulad ko, wag kalimutan ang kamera... kahit de-film pa yan! ang mahalaga ay ang importanteng ma-capture mo ang sandali ng iyung pamamasyal na may kasamang saya.

Mag-imagine. Ayuf. yung mga simpleng imagination lang... wag yung kumplikado... isipin mong marami kang pera... na kaya mong bilhin ang lahat. Pero wag mong kakalimutan na sa isip-isip mo lang yun.

atbp...

Maraming bagay ang nagbibigay sa atin ng konting kaligayahan at saya kahit sa panandaliang oras lang. Isipin mo ang mga simpleng bagay pero pwedeng magbigay sayo ng saya. Mga bagulang mo. Mga kapatid. Ang iyung sinisinta. Isipin mo ang mga biyaya na meron ka. Pwede ka ring magsaya dahil malusog ka. Nakikita ang mga magandang kalikasan at ang liwanag ng araw... Naririnig ang malalakas at maingay na tugtog ng kalikasan... Sumasabay sa takbo at ikot ng mundo...

Kung wala kang makapa ni isa sa mga ito, wag kang mawalan ng Rason.. meron pa!!! Bakit di ka magmuni-muni at kausapin si Papa Jesus. Ibahagi mo sa kanya ang lahat ng iyung nararamdaman. Magpatulong ka sa kanyang pasanin ang iyung kalungkutan. Humingi ka sa kanya ng konting rason para sumaya... dahil sa buhay na ibinigay nya, alam kong may kasamang pagpapala yan at kasama na ang pagiging masaya. dahil, masaya ang mabuhay... kaya mabuhay ka ng masaya!

KUMAG AKO

2010-03-24T14:29:00.006+08:00

Napapansin kong medyo napapabayaan ko na itong blog ko dahil sa kakafacebook at kakapanood ng kung anu anu pang lecheng Pelikulang walang kakwenta-kwenta! May mga tagos hanggang buto at nanunuot pa ang kakesohan! Meron din namang wala lang. aksaya oras lang!

Hindi na ako gagawa ng kung anu-anu pang review o mamamahagi ng kung anu anu pang tungkol sa mga movies na yun dahil hindi ko gawain yun!

*buntong hininga!*

*buntong hininga ulit*

Oo na! isang dahilan yan para tawagin nyo akong KUMAG!
enoh naman ngayon kung kumag ako? POGI naman! wahaha

Anu ba talaga ang ibig sabihin ng Kumag?

Sa aking isang minutong pananaliksik ko, Ang ibig sabihin pala ng Kumag ay seksi! Kakaiba! Nag-iisa at walang katulad. Nagbablog. makwento... minsan walang kwenta(ako lang yun!) pero madalas eh makabuluhan! Yung tipong kapag sinaid mo ang tunay na nakapaloob na aral eh, makikita mo ang formula kung paano lulunasan ang tag-tuyot na nararanasan sa Pilipinas! Solusyon sa paglaganap ng HIV at ang walang puknat na away Pulitika. Pwede ring makuha sa mga kwentong iyun ang tunay na solusyon sa global warming at krisis pang-ekonomiya! Kontra Lindol at Tsunami. Makikita din sa mga kwentong kumag na yun ang mga clue kung paano matutunton ang yamashita treasure at ang mga kinaroroonan ng mga bandindo't teroristang tinutugis ng batas na may milyum-milyong pabuya sa ulo.

ohhhh? di ba! Astig maging kumag?
ikaw? Kumag ka ba? hehehe

Kaya naman, bago pa angkinin ng iba ang Pagiging Kumag eh aariin ko na ng bonggang bonga!

I AM KUMAG. I AM CRAZY AND
I LOVE http://www.kumagcow.com BECAUSE_______
**insert Janina San Miguel completing the because-because... here**

because.... their was.. there.. they was the one... whooooozzzz...

Pero hindi ko gagayahin si Bb. San Miguel na magpapaliwanag ng kung anu anu! dahil sa mga simpleng pagkakapareho lang namin ni Kumagcow bilang mga Pogi. Seski. walang katulad at totoo sa sarili eh sapat na!!! yun ohhh! At higit sa lahat! Dahil parepareho tayong mga Pinoy Bloggers yun lang yun!

Kahit na nakakuta pa kayo sa pinakamasukal na host sa mundo ng pagbablog eh mahal ko kayo! mapa-wordpress, blogpost, muliply, FSblog, datkomista o taga saan ka pa! Love ko kayong lahat!
Pero masLove ko si Sunshine!

Maligayang ika-1000 na Post Kumagcow! sana masmarami pang post ang maibahagi mo sa mundo ng Blog! Itagay moooo!

**ang post na ito ay pakikiisa sa pagdiriwang ni kumagcow ng kanyang ika-1000 na post! pampabwenas**

LDR

2010-03-23T14:45:00.003+08:00

Long Long Distance Rrrrrr... watever!

Wala akong planong gumawa ng kahit anung blog post ngayon... Pero dahil gusto kong magkwento eh, pasensya na!

Unang una mga Kosa eh, sobrang hirap talaga magpatakbo ng isang LDR. Yun bang para kang sumasakay sa isang rollercoaster na nakatalikod ka na! Nakapiring ka pa! Yung tipong hindi mo alam kung kelan papataas at kelan papababa...

Nakakahilo.
Nakakaexcite.
Nakakainis.
Nakakagulat.

Minsan magigising ka nalang isang Umaga, meron ka na palang death threat... "Bakit ka hindi nagtetextback? Magtxtbak ka asap.. Kung hindi, katapusan mo na!!!" ohh.. saan ka pa?

Minsan naman... nakakataba ng Puso na! nakakakilig betlogs pa...
"Kumain ka na ba?"
"wag magpapaguton!"
"wag magpapagod masyado!"
at pinakamalufeeet sa Lahat,
yung "iloveyou...." na walang puknat!

Parang nagbobolahan lang...
Sinabi na nga kahapon.
Sasabihin na naman bago matulog.
Sasabihin na naman bukas ng umaga.
paniguradong sasabihin na naman mamayang lunchbreak.
sasabihin na naman mamayang meryenda!
sasabihina ulit mamayang hapunan.
Anu ba talaga?

Kailangan ba talagang ulit-ulitin?
awww. Jokes!

Ginagawa ko lahat para umusad ng maayos ang LDR na to.. Nakaset sa highest level ang aking international txt (hindi naman unli*). Twice a month na sulat/card (via mail). tatlo hanggang apat beses na email araw-araw. At madaming kwentuhan. Nangyari sa buong araw. Tungkol sa mga kapatid. katrabaho. ang buong pamilya. ang mga kapitbahay... minsan bumabalik sa nakaraan. Pinag-iisipan ko na rin ang gumawa ng mga baduy na voice tape na tulad pa nung nauso nuong nagliligawan pa lang yung mga tito at tita ko. oha! atleast eh makikita ang effort dun! wahaha

Natutuwa talaga ako kapag naiisip ko ang set up na to! Parang hindi mapapausad ito ng mga ordinaryong tao... sa madaling salita, kami ay parehong SuperHuman! ( at superhuman ang lahat ng kasali samin) hahaha.

Wala sa lapit o layo ang basehan ng isang relasyon. Wala rin sa kung gaano kayo kadalas magkita. wala sa kung gaano kayo kadalas magsahawakan ng kamay... wala sa kung gaano nyo kaalam ang kinaroroonan at ginagawa ng bawat isa!

Ang mahalaga siguro, yung tiwala sa isa't isa. Yung commitment nyo pareho! isama mo na rin ang extra-extrang pang-unawa at pangbibigayan!

Dahil natural lang na may umiinit ang ulo. Napipikon. naiinis at wala sa mood!
Ako? mainis man ako kay Sunshine, ayus lang... hindi pa rin halata! Isisi man nya lahat ng kamalian sa mundo, ayus lang! smile pogi pa rin! Ibunton man nya lahat ng problema sa bansa sa akin... Politika! ekonomiya! HIV! paglobo ng Populasyon atbp? keri pa rin! Ipabuhat man nya lahat ng problema ng daigdig sa akin... paglindol! Pagbaha! tsunami atbp! kayang kaya ko! dahil alam ko sa loob-loob ko! namimiss lang ko nito!

At message ko sayo Sunshine!
Steady ka lang dyan! darating din ang araw na magkakasama tayo! Hwag lang magalala... Babawi ako ng bonggang bongga sayo! Promise ko yan!

Katahimikan

2010-03-16T15:46:00.004+08:00

Madalas,
kapag may mga bagay tayong gustong mapagtanto.
Malaman.
Maunawaan.
Maintindihan
at
maliwanagan..

Isang katahimikan ang ating hahanapin...

Sa ilang sandaling pananahimik ng Pahinang ito.

Wala pa ring linaw ang mga tanong na bumabalot sa Isip ko.

Naghahanap pa rin ng Kasagutan ang bawat tanung sa Puso ko.

Litong-lito parin ang diwa ko.

Uhaw sa pang-unawa ang aking kaluluwa.

Manhid ang pakiramdam.

Blankong kaisipan.

Kailangan ko pa ng masmatagal na katahimikan!

ssssshhhhh...
walang mag-iingay!

Update

2010-03-08T07:12:00.003+08:00

Update.

Ito ay walang kakwenta kwenta ulit na update sa Buhay ko.
walang kokontra dahil ako ang Hari dito!

Bad News Muna.

huhuhuuuuu:(
Madami ang nag-aakalang nasa Pilipinas na ako. Pero sa kasamaang palad eh, hindi ako matuloy-tuloy. Madaming problema. madaming aberya. nawawalang kapapelan. pa-rebook ng pa-rebook. May kailangang tapusin at iba pang hindi magagandang rason para Hindi matuloy. leche!
At dahil ilang beses na akong nagpapaalam at nagpapa-despedida laklakan to the max eh, naisipan kong pangatawanan na at umarteng nasa Pilipinas na nga! Since wala naman akong kaibigan sa totoong buhay na dumadalaw sa aking blog eh, Lusot! aaaaat! walang magkakalat sa FB na ako ay Hindi pa nakakatapak sa Pinas!!! Ang pasaway, mababaog!!!

GoodNews.

Official na akong Taken.. oo mga kosa, sinagot na ako ni Sunshine! at anu naman ang goodnews dun? hahaha. wala nalang basagan ng trip.. Pagkatapos kase ng ilang sandaling bolahan at lokohan eh, sinagot din ako ng matamis na ILOVEYOUTOO ni Sunshine.
Oo mga kosa, **yabang mode muna tayo** Ganun kalufeeeet si Kosa. walang tawag tawag. walang personal appearance. walang representative. walaaaaa! txt tx lang!

Seryoso.

Nahaharap ulit ako ngayon sa isang hamon bilang isang Poging Poging syota! Bukod sa mahirap talagang iwork out ng isang Malayuang relasyon. Mahirap kilalanin at kapain ang bagong ugali ng mga taong nag-matured na... sa mahigit pitong-taon na hindi pagkikita... siguradong madami na ang nag-iba at nagbago.

Ako, Bilang isang Syota. Gagawin ko naman siguro lahat ng makakaya ko para maging maayos at smooth ang pag-arangkada ng relasyon na yun! Hindi na kami mga bata at alam na rin namin ang mga gusto namin sa buhay. Siguro malayo man kami sa isat-isa pero naniniwala ako na hindi yun hadlang. Sa makabagong panahon ngayon ay posible na ang lahat. Given na yun... mahirap iwork out ang isang malayuang relasyon pero kailangan nag ng konting tiis at tiwala sa isat-isa. di ba? isama na rin natin yung commitment eh. kailangang isapuso at isa isip sa lahat ng Oras.

Pahabol.

Salamat nga pala sa ilang mga taong napagtanungan ko ng ilangmahahalagang impormasyon.. Hindi na ako magbabanggit ng pangalan dahil sobrang dami nyo na to name names. Basta salamat salamat! Alam nyo na kung sino kayo.

Nagtanung ba ba ako sayo dati?
May naipayo ka na ba sa akin?
wala paaaa? ahhh
Umepal ka! dali nah!
wag ka na mahiya!

salamat:)

Election na!

2010-03-04T18:15:00.002+08:00

Langit. Lupa. Impyero.
Laro ni Senadora

Habang naglalakad sa gilid ng kalsada, Biglang nasagasaan si Senadora. Isinugod sa pinakamalapit na pagamutan pero ideneklarang Patay na.

Sinalubong sya ni San Pedro sa Pintuan sa pagitan ng Langit at Impyerno.

"Maligayang Pagdating sa kabilang buhay!!!" ang bati ni San Pedro. " Bago ka tuluyang maging permanenteng residente ng kabilang Buhay at maiwasang mapabilang sa lumolobong populasyon ng mga kaluluwang ligaw sa Mundo ay kailangan mo munang mamili kung saan mo gustong madestino! Madalas kaseng magbago ang isip ng mga Politikong katulad mo kapag nakita nila ang pagkakaiba ng Impyerno at Langit." dagdag pa ni San Pedro.

"Gusto ko sa langit" ang sabi ni Senadora.

"Pwede yan! Pero may SOP tayo dito na kailangang sundin. Bago ka gumawa ng permanenteng desisyon ay kailangan mong mamalagi at mamuhay ng tig-isang araw sa Langit at Impyerno" ang tugon ni San Pedro.

"ok fine!" ang sagot ni Senadora.

Sinamahan ni San Pedro ang Senadora papunta sa hagdanan pababa sa Impyerno at tumuloy itong mag-isa pababa.

Bumukas ang isang malaking pintuan at bumungad ang malawak at berdeng golf course. Sa di kalayuan ay nandun ang isang class na restaurant at nakatambay duon ang kanyang mga dating kaibigan at kapwa politiko na dati nyang nakatrabaho at nakasama sa pangungurakot.

nagtatawanan. nag-iinuman. kumakain. nagsasaya. nagkukwentuhan. naglalaro.

Kinagabihan, isang magarbong sayawan naman... nakabarong tagalog ang mga lalake at naka-gown naman ang mga babae... masaya ang lahat at nagsasayawan sa saliw ng mga musikang paborito ng Senadora. nandun din ang palakaibigan na si Satanas. nakikipabiruan. nakikipagsayawan at inaasikaso ang lahat ng bisita lalo na ang Senadora.

Hanggang sa tumunog ang isang orasan.. Tapos na ang isang araw at tinatawag na sya ni San Pedro para sa isang araw naman na pakikipamuhay sa langit.

Nagpaalam ang Senadora at umakyat sa Hagdanan papunta sa kinaroroonan ni san Pedro.

"Ngayon naman, try mo rin ang Langit" ang sabi ni san Pedro.

Umakyat sa hagdanan paakyat sa langit ang Senadora at tumambad ang puting kurting kumukubli sa Langit.

Bumungad sa Senadora ang mga Taong hindi nya kilala. Mga nilalang na kontento sa simple at payak na pamumuhay. Nagkakantahan. nagdadasal. naglalaro. patalon-talon sa mga malalambot at mapuputing ulap. Nagbabasa. Nagbablog. Nage-FB at nagwa-YM... Tahimik at payapa.

natapos ang isang araw na hindi nya namamalayan...

Bumalik sya sa kinaroroonan ni San Pedro.
"ngayon, nakita mo na ang pagkakaiba ng Langit at Impyerno... Saan mo gustong maging Permanenteng Residente?" ang tanung ni San Pedro.

Natigilan at nag-isip ang Senadora... "Masyadong Payapa at tahimik ang Langit... sa impyerno nalang ako!" ang sagot ng Senadora.

Ibinigay ni San Perdo ang katibayan ng pagiging Permanenteng mamamayan ng Senadora sa Impyerno at tumuloy na ito Pababa para samahan ang kanyang mga kaibigan at kakilala.

Bumukas ang malaking pintuan at Hinila na sya ni Satanas paloob. Nakita nya ang mga Kaibigan nyang gusgusin. nanlilimahid at namumuhay ng miserable. Ang buong paligid ay puno ng basura, mabaho at makulimlim...

"Hindi ko maintindihan" ang sabi ng Senadora. "Kahapon, nandito ako at lahat ay nagsasaya! nasaan na ang magarbong sayawan? ang golf course? at ang Restaurant?" dagdag pa nya.

Nakangiti at inakbayan sya ni Satanas at sinabing " Kahapon, kami ay nangangampanya! ngayon; Nakaboto ka na at hindi mo na mababago pa!"

Kaya sa darating na Mayo 2010, Maging wais! Pumili ng Karapat dapat! Bumoto ng Maayos!

**ang blogpost na ito ay hango (hindi kinopya) sa isang kumakalat ng email para sa isang wais na pagboto sa darating na eleksyon**

Love Life

2010-03-02T13:55:00.003+08:00

Love Life.
Sabi ng karamihan, isa itong bagay na kinakailangang pag-ukulan ng oras at panahon. Pansinin nyo ang mga artista? Kapag may lovelife, matumal ang dating ng trabaho... Bumubulusok ang career pababa. Tingan mo ang mga matatalinong estudyante karamihan sa kanila kapag nagka love life, bumababa ang grade sa school... o di kaya ito napaka-common, Ang mga Blogger, kapag may love life na, bigla nalang naga-hibernate ng bongga ng walang paalam sa mga readers nila... Ang mga buhay na ebidensya ay ang magkasintahang Gwapong gwapong nakakuta sa UAE at ang kanyang syotang sapiin ng mikrobyo galing sa Takure.**peace sign** dati, hindi nawawalan ng iseshare na aral, kwento, kalokohan atbp na walang kakwenta kwenta... ngayon? ewan ko...:D

Pero teka, bago ko pa mayurakan ang kanilang mga de kuladang dangal eh, proceed muna tayo sa love life issue.

Gaano nga ba nakakaapekto ang Love life sa Buhay?

Sabi ng mge beterano sa pagiging single eh, kapag makulay daw ang love life mo ay tiyak na matitigbak ang iyung career pangkabuhayan o di kaya anu pa mang bagay na iyung pinagkakaabalahan. Maaaring Trabaho. Pag-aaral. career bilang artista o singer. bilang sikat na blogger. atbp.

Paano ka nga naman makakapag-concentrate sa pagpapayaman. pag-aaral o pagtatrabaho kung subsub ka naman sa dibdib ng syota mo? Di ba nga, hindi ka naman pwedeng sumubsob sa dalawang bagay ng sabay? Kaya naman saan mo ba pipiliing sumubsob, sa dibdib ng lovelife mo o sa career mo? na kapag minalas-malas ka pa eh sa kalsada ka pa masusubsob:D masaklap yun!

Isa pa dun eh ang mga kaibigan mo. Madami ang nakakalimot sa kanilang mga katropa, kakosa, kasangga at kabarkada sa oras na nagka-love life na sila! (bato-bato sa langit.. ang tamaan; sorry nalang:D) Kasangga mo sila sa oras ng pangangailangan. Katulong mo sila sa bawat laban ng buhay mo. Kakosa mo sila sa bawat tagay ng iyung tagumpay. katropa mo sila sa bawat baku-bakung byahe na dinaanan ng buhay mo. Sa isang iglap... Nagka-love life ka lang nakalimutan mo na sila...
Pero kapag nagkaproblema ka naman sa iyung syota, sinu ang takbuhan? Para kang timang! mag-iiyak at magsusumbong na parang batang inagawan lang ng laruan ng kalaro.

Meron din naman Lovelife na nauuwi sa Hindi masyadong maganda. Nauuwi sa paglalalaslas ng kung ano-ano. Pag-inum ng sandamakmak na mga gamot. at pagkaka-ospital!
Meron pang nauuwi sa madudugong krimen... kalunos-lunos na pangyayari. maraming nadadamay na mga inosente at walang kinalaman.

Pero ako, Hanggang dito nalang.
May Love life.
Pero sana, hindi naman umabot sa puntong magdulot ito sa akin ng mga hindi magagandang bagay. Hindi ako isang Super Syota na Pwede mong ipagyabang sa buong mundo. Pwede mo kang maging proud sa akin pero hanggang dun nalang... Isa lang akong Simpleng Syota na marunong magmahal ng tapat at umaasang mamahalin din tapat.

***************

pasasalamat

Isang taos pusong pasasalamat para sa isa sa pinakaHenyong Blogger. salamat parekoy sa mga alalay na iyung inukol sa akin habang inaayos ko ang aking walang kakwenta-kwentang Blog. ang pinakahuli eh yung binigay mo sa akin na panuntunan kung paano lalagyan ng personalized favicon ang aking blog (tama ba yung term? basta yun na yun!) salamat sayo Parekoy. Isa kang tunay na Henyo.

Gusto nyong makilala ang Isa sa PinakaHenyong Blogger? click mo na yan! Go!

Be Happy

2010-03-01T18:22:00.005+08:00

Yan ang gusto kong i-share sa inyo mga Kosa! Kung wala naman kayong makita sa kahit saang sulok ng Buhay nyo para maging masaya, wag ka pa ring mawalan ng Pag-asa.
Dahil Masaya ako!!!
at dahil masaya ako;
Pwede bang maging masaya ka nalang Para sa akin?
Simple lang naman ang Hiling na 'to di ba? Minsan lang ito...

Pero madalas, nakakatakot maging masaya ng sobra-sobra! Kadalasan kase, kapag nagiging masaya ang isang tao, may katapat naman na lungkot ito... Pero atleast naging masaya naman ako... at bilang pakonswelo, masmagiging masaya ako dahil, naibahagi ko yun sa inyo!

Update : Sunshine

2010-02-24T09:08:00.008+08:00

babala:
isa itong walang kakwenta kwentang Post!
pero kung ikaw ay aking taga subaybay ng aking teleserye ng totoong buhay, Go! lang sa pagbasa... wala namang mawawala sayo.

ito ang kwento(*big grin*);
Wala akong ka plano-planong magluto ng bagong putahe para sa aking Blog sa ngayon dahil wala akong maisip na matino. Problemado dahil wala akong arawang Raket pangkabuhayan.

Habang nakikipagtitigan ako ng walang kakurapkurap sa monitor ng konchuter ay sobrang hindi ko mapigilan ang mapangiti... humagalpak sa tawa at masamid sa iniinom na coke with matching puto na nginunguya habang nagbabasa ako ng ibat ibang uri ng babasahin. Napapadaan ako sa iba't ibang mga blog na medyo nagpapa-smile sa akin ng very very nice. Hanggang sa madapo ang aking attention sa isang mahalagang email galing sa aking Sunshine.. Yeaaaah. isang araw lang na wala akong email sa kanya eh dumagsa ang text, email at missedcall sa aking inboxes at sa aking telepono.

Hindi ko mapigilang humagalpak sa tawa sa sobrang baduy ng mga message na aking natatanggap. Taena.. Ito yung pinaka-ayaw kong bahagi ng ligaw-ligaw stage. Ang magmukang Super concern ang isang tao... Tingin ko tuloy nagiging soooobrang corny! sobrang baduuuuy! sobrang nakakatawaaaa! Kailangan ba talaga kaseng may lokohan at bolahan pang mangyari habang nagliligawan? Hindi ba pwedeng magtanungan nalang ng; "Gusto mo ba ako? tayo na kung gusto mo ako! dahil gusto rin kita..."
Hay... buhay nga naman!!! Hindi talaga maiiwasan ang nakagawian.

Sa madaling salita, slight update lang po ito tungkol sa aking Sunshine. hehe. Ayus naman ang lahat. Puro papuri ang aking natatanggap. Wala na ang uhuging bata na hindi naliligo at mapagkakamalan mong lumangoy sa ilog Grasa at isang sindi lang eh magliliyab ng Bonggang bongga! Poging pogi na daw ako (pangit ako dati). Hindi daw nya ako nakilala nuong unang i-add ko sya sa FB at sa FS.(wag nyo na syang hanapin sa FB at Fs ko dahil sa ibang account ko sya nakaadd). lols at mukang ambangu-bangu ko daw at ansarap-sarap (i-hug). hehehe

Sa totoo lang, sinubukan kong magsulat tungkol sa high school life namin ni sunshine kasama na ang mga extra at supporting characters pero nauuwi ito sa sobra-sobrang kakesohan. Yung Tipong, hindi sapat ang tissue-tissue lang. Yung tipong Kumot dapat ang dala-dala mo dahil tiyak na tutulo ang luha mo. babaha ang uhog kasama na laway, pawis at sipon mo. in short, ieedit ko pa. Para maging slightly light ang dating.

Kaibigan

2010-02-22T04:56:00.005+08:00

Nagpapasalamat ako sa lahat ng kaibigan kong dumarating sa Buhay ko.

Hindi ko na kayo mabilang pero patuloy pa rin ako sa pangungolekta. Madalas naman kase, walang garantisadong nagi-stay ng forlife! Kaya sa lahat ng aking mga Kaibigan, Blogger o non-Blogger. Showbiz o non-showbiz. Pogi o not Pogi. magi-stay man o nag-stopover lang, salamat salamat! sa inyong pagdaan at pase-share ng mga poging-poging alaala! Kaya naman, The Best at Pogi tayong Lahat.

at isa ito sa madalas kong isigaw sa Mundo kapag may kumukutya sa inyo!!!

Sunshine Update:

Tulad nuong nakaraan, Patuloy pa rin ang aming bolahan ni Sunshine. Mahirap pa rin talagang sumingit at magdemand ng konting konting panahon at oras dahil hindi pa naman kami. Taena talaga. Yung attitude ko sa mga past relationship ko parang bumabalik sa akin... Tama bang mag-email ako halos araw-araw tapos makakatanggap ako ng isang email sa isang linggo wala naman sinasagot sa mga tanong ko... taena talaga. Mga babae talaga, paasa... Hindi nalang sabihin kung meron o wala..lols Jokeness.

Sa kabilang banda, naeexcite at nata-challenge ko ng bonggang bonga:D

Jobless

2010-02-20T16:47:00.005+08:00

Simula nuon pang isang Araw,
Wala na akong full time na trabaho...

Mahirap iwanan ang nakagawian na sa loob ng mahigit dalawang taon.

Hindi ito ang unang pagkakataon na bumitiw ako sa Trabaho. Bago pa man ako tuluyang napadpad dito ay dalawang trabaho na sa pinas ang iniwanan ko at naghanap ng iba.

Madalas, pakikisama sa kapwa empleyado ang nagiging rason ko sa pag-alis. Dalawa sa prinsipyo ko sa buhay ay ang maging masaya araw-araw at mamuhay na hindi ipinagpipilitan ang sarili sa kahit kanino man.

May mga Negatibo at Positibong dulot ang Pagka-Jobless

Narito ang mga Negative.

1. Bawas kita. Bawas budget.
2. Hindi mo na makikita ng madalas ang mga minahal mong kasama sa trabaho.
3. Mawawala ang iyung mga benepisyo (dental, medical, free lunch; atbp)
4.Magugulo ang daily routine.
5. Mai-stress (saan kukuha ng ipapadala sa Pinas?).
6. Boring to the max (ang walang ginagawa).
7. maghahanap na naman ng Trabaho (panibagong adjust at pakikisama na naman).

Narito naman ang mga Positive.

1. Relax (walang stress).
2. Wantusawa sa Pagtulog.
3. Wantusawa sa Pagi-internet (Pagba-bloghop, FB atbp).
4. Pasyal Pasyal to the max (kahit mag-isa)
5. (umasang) Makakahanap ng masmagandang trabaho.
6. Hindi mo na makikita ang mga katrabaho na maiitim ang budhi.
7. Maraming bagong makikilala (sa bagong trabahong mahahanap).
8. Makakapagpahinga ng ilang sandali (para fresh).
9. May mga bagong natutunan (kung gaano kasaklap ang maging jobless).

Marami pang ibang dulot ang Pagka-Jobless. Depende sa kung sino ka, Anu ang estado mo sa buhay, Depende sa estado mo sa iyung kinakukutaan na Bansa, At kung gaano karami ang kinakailangan mong kitaing salapi sa bawat Buwan... yun nga lang... sana, Hindi ako mapauwi ng 'di oras. hehe

Bilang Poging Pinoy (ako yun! hehe) na nakikipagsabayan sa Ibat-ibang lahing estranghero na nakakuta din dito sa Canada; Kailangan doble ang yung sipag, may tyaga, maabilidad, responsable at marunong makisama. Pero kung ang iyung Bossing ay Tukmol (bobo.. walang alam sa mundo), colorblind (mali mo lang ang nakikita), Hindi marunong kumilatis, Epal, may kinikilingan (kalahi nya), inggitero at all-knowing. Walang kwenta ang effort. walang pupuntahan ang paghihirap at tyaga... At talagang Hindi ko na rin talaga kinaya.

So far, ine-enjoy ko naman ang pagiging Tambay (wag lang sanang forever).
Pagtyagaan na muna ang extra-extra.

Dear Tita Jamby

2010-02-16T09:27:00.002+08:00

Dear Tita Jamby,

Kumusta na?
Kumusta ang kampanya, Ok ba ang ikot-ikot?
Kumusta naman ang mga issue issue?
Kumusta ang Presidential survey?
I hope ok lang kayo; at naging maayos ang iyung Puso day!

By the way po, ako po si Kosa. 25 taong gulang. rehistradong botante ng Republica ng Pilipinas. OFW. Nakakuta dito sa Canada. Simpleng mamamayan. Maraming di alam sa mundo. Pero gusto ko pong ipahayag ang aking damdamin at nararamdaman sayo(hindi po ito pag-ibig kundi pagkadismaya ~~at poot~~).

Hindi tayo magkakilala ng personal.. Pero alam mo bang ibinoto kita nuong nakaraang eleksyon (na tumakbo ka) kahit hindi kita kilala? Hindi kita kilala pero ibinoto kita dahil kay Juday (opo, engot ako). Hindi ko alam kung saan ka nun nagmula.. Hindi ko rin alam na anak mayaman ka; inakay ng mga sinaunang lipi ng Politiko. Well, sa paglilibot libot ko sa world wide web, Nakakapanlumo at nakakagulantang na sa isang napakasimpleng nakaraan eh gumagawa ka ng ingay na hindi mo alam kung may maidudulot na maganda o pangit sayo.. Pero sad to say; Isang malaking pagkakamali yan! Nasabi mo na ang nasabi mo at Sinabayan na ni Juday ang Aegis sa pagkanta ng Luha at ni April Boy na Diko Kayang Tanggapin.

Aktwali po, Nuon ko pa nahalatang napakahilig mong umepal sa mga lalakeng kapwa mo senador. Hindi po masama ang Umepal pero lahat po ng sobra eh; pangit sa katawan. Alam ko rin na ikaw ang nagtutulak sa batas para sa pagkakapantay-pantay ng kalalakihan at kababaihan... Alam ko rin po na kayo ay naging pinuno ng apat na Committee ng Senado. Kabilang na ang Para sa kapakanan ng mga Bata at kababaihan ganun din ang Para sa Kapayapaan, Pagkakaisa at Pagkakasundo (Peace, Unity and reconciliation) at Ang Komite ng Cultural Communities. Dapat po, maging mabuti kayong halimbawa sa mga mamamayan lalo na sa mga bata. Ipakita ang diwa ng pakikipagkaisa at pagkakaunawaan. Isa Puso ang tunay na ugaling Pinoy.. Para po yatang natutulog kayo sa senado at hindi nyo alam Layunin ng mga komite na pinamumunuhan nyo.

Mula sa simpleng Mahinhin na Pilipina, Magmumuka na tuloy kayong Palingkera. Palingkerang na Punong-puno ng inggit sa katawan. Naghahanap ng mapupuna sa kapwa Kandidato para punahin. Hindi po ba kayo humaharap sa salimin pagkagising sa umaga?

Umayos po kayo sa mga pinaggagawa mong Froglet ka! haha. Palagi mong tinitira si Tito Manny Villar. Samantalang kung susumain pareho naman kayo ng Hangarin sa Pilipinas... Ang ~~mangurakot, magpayaman pa lalo at~~ makapagserbisyo Publiko... Naalala ko pa nga yung forum (na napanood ko) na dinaluhan nyo nuon sa isang Unibersidad sa Manila kung saan tinanong ka ng isang estudyante kung "bukod sa mga negatibo, may kasasabi ka bang Positibo kay Tito Manny?" at ano ang isinagot mo, "Maayos ang pagkakatina ng Buhok nya"?

Walang effort na pag-assess. Walang utak na sagot. Halatang Bitter. Mukhang inggit. May galit.

Bakit hindi mo magawang batikusin si Tito Noynoy? dahil natatakot ka kay Tita Kris? Kung epal ka kase, mas-epal yun kahit tabingi ang ilong...

At sa Artista endorsment, Sino ba ang nag-eendorso sayo ngayon? Tingin ko po wala ng magkakagusto pang mag-endorso sayo matapos mong sabihing Pinag-sisisihan mo ang pagkuha kay Juday nuon para i-endorso ka. Kawawa naman si MamaJuday... pinagmukha mo syang walang silbi.

Isa kang trying hard-second rate Miriam Santiago to be na nagtatali-talinuhan.

Masgusto ko pa nga si Tita Miriam kaysa sayo dahil nagbibigay sya ng tuwa, saya at serbisyo Publiko. eh, Kayo po Kaya nyo kayang magpabaril sa Luneta? Kaya nyo kayang Tumalon pababa mula sa Lumilipad na Helicopter? Kaya ni Tita Miriam yan! at kita mo naman sya still alive and kickin'...

Mahirap man pong tanggapin Para sayo pero ang Laban po ng Pagkapangulo ngayon ay sa Pagitan nalang ni Tito Noynoy at Tito Manny.. sige, isali nati si Tito Gibo. at OUT KA NA!

Sana po ay mabasa nyo ito at makapulot ng kahit konting aral para sayong ikabubuti. at uulitin ko lang po; wag masyadong epal. wag masyadong inggitera. wag masyadong makipag-kompitensya sa kalalakihan (hindi po masama ito, pero nagiging masama kapag sobra). wag maysyadong ksp. wag masyadong tali-talinuhan. ahhhh.. basta, wag masyado po! dahil LAHAT NG SOBRA MASAMA SA KATAWAN.

Gumagalang,
Kosa. 25. Blogger
Botante ng Pilipinas
Feb.15, 2010
Van. BC. Canada

Happy Puso Day

2010-02-14T05:23:00.004+08:00

Whatever; wherever; whoever...
Happy Puso Day mga kaKosa!!!

Paasa

2010-02-08T21:47:00.005+08:00

Ito yung pagkakataon na minsan naiisip ko ang bawat kahulugan ng mga bagay na ginagawa ko para sa ibang tao. May mga bagay kase akong ginagawa sa mga espesyal na tao sa aking Buhay na ginagawa ko rin sa mga taong ordinaryo lang sa akin. Sabihin na nating ang mga espesyal ay ang mga taong pinagmumulan ng aking kal*b*gan at mga ordinaryo ay ang mga kaibigan at mga simpleng kakilala.

Yung tipong ikinukuha ng pagkain sa isang salu-salu. Binibigyan ng inumin. Tinatanung kung anu pa ang gusto. Sinasabihan na kung kailangan ng tulong eh andito at isang txt lang ako.

At kadalasan, nagkakaroon ng maling interpretasyon ang mga ito. Sa mga simpleng bagay na ito, nagmumula ang ilang mga walang katuturan at walang kwentang Prediksyon.
Yung mga tipong,

"May gusto 'to sa akin".
"Mahal ako nito"
"May pagnanasa 'to sa akin"

awwwww... ganun ba talaga ang ilan? sa isang simpleng pagmamalasakit lang eh mauuwi sa isang maling paniniwala.
Isama mo na rin ang pag-akbay. holding hands. Pagdadala ng kanilang ilang mabibigat na gamit at marami pang iba.
May mga iba nga dyan na naglaplapan at nagjerjer'an na't lahat eh wala lang..taena talaga.

Ito ang maliwanag; Hindi dahil parang concern na corcern na ang isang Tao sayo. sobrang Bait. katxt at kausap mo ng mgadalas eh may gusto na sya sayo. Baka naman mabait at Pogi lang sya o hindi naman kaya ay may plano syang utangan ka.

naalala ko tuloy yung sabi sa akin ni Pareng Bob Ong dati;
Hindi porke't madalas mong kachat, kausap sa telepono katext ng wantusawa eh maygusto sayo at magkakatuluyan kayo. Meron lang talagang taong friendly, sweet, flirt, malandi, pafall at paasa.

Sunshine Update:
Makalipas ang ilang linggo, ongoing pa rin ang bolahan namin ni Sunshine. lols nakakatuwa. Sinabi ko sa sarili ko nuon na hindi na ako magmamahal ng masmatalino sa akin. Pero napag-isip-isip ko, wala na pala akong makikitang masbobo sa akin.. hehe. Pero bakit parang hindi nya ma-gets yung ilang punto ko. Kailangan o ba talagang word by word lahat? haiyst!

Hindi ko alam ang status namin ngayon. MU? friends? close friends? lols Pero sigurado ako na hindi pa kami:( Pero ayus naman ang lahat. email dito. email dun. txt dito, txt dun. getting to know each other more!