Para sa Echusera't Echusero: Hayden Mho scandal

Hindi ako nakapagPost ng kahit anung uri ng kabobohan sa mga nagdaan araw dahil sa medyo tinotopak lang ako... ohhh wag ka nang umangal kase totoo naman yun...lol kelan ba ako nag-post ng maykwenta? hehehe tingin ko ngayun at ngayun lang.

Teka, bago ako mgdadadaldal ng walang kwenta, nagpapasalamat muna ako sa mga echusero at mga echusera na laging pumapasada sa aking blog. Ganun na rin sa mga nag-ym at nag-email pa sa akin kung bakit walang update tong walang kwenta kong kinakukutaan. May tumawag pa nga at nagtxt eh..lol i don't usually entertain phone calls pero dahil madalas akong nakakalimot sa aking sarili nitong mga nakaraan ay napapasubo na rin. HUMIHINGI ako ng pasensya. medyo busy lang...

Pabalik na ang byaheng baku-baku... isa sa pinakamalaking rason nyan ay dahil malapit na ang Bertdey ni Kosa. hahaha kaya naman sa mga gustong magbigay sa akin ng regalo, ipapangalandakan ko na po na bukas na ang aking palad sa pagtanggap ng Pera, damit, pagkain at kung anu anu pang uri ng pwedeng iregalo sa akin.hehe


Bago ko makalimutan, nais ko lang ibahagi sa inyo na dahil sa aking kalibugan eh, nahanapan ko ng paraan upang mapasa aking mga kamay ang Video scandal ni Dr. Hayden Mho kasama ang ibat ibang babae kasama sina Katrina Halili at Maricar Reyes. ohhhhaaa... kung hindi mo pa napanood yun, maiinggit ka nalang..lols jokeness.

isa lang sa napansin ko kay Dr. Hyden Mho sa video, Hindi sya mahilig dumede... Panay kain lang. Kain ng kain lang..lols pero iba pa rin sana ang Dede.. haha

pinag-iisipan ko nga eh kung kailangan ko bang i-upload dito sa kuta ko yung video na yun... Tingin mo, kailangan ko bang i-share sa mga echusera't echusero yung video na yun?

Happy Father's Day Post! Paano ba?

Happy Father's Day Po sa lahat ng Fathers sa Mundo.

Nakakataba ng Puso na andaming bumabati sa akin ng Happy Fathers Day! Pero pinakamasarap sigurong marinig yun mula mismo sa ating mga anak noh?

Pero paano naman kaya natin babatiin ang mga Ama na Hindi nagpaka-ama? hahaha... hanggulo noh? Pero natanung ko yun kase, Hindi ko alam kung paano babatiin ang Tatay ko ngayong Fathers day! Paano nga ba? Taena... sa araw-araw kase na ginawa ng diyos sa Buhay ko eh, mailap pa sa puting kalabaw kung makita, makasama, makausap o ni maka-text ang Tatay ko. Sa madaling salita, Tatay kong kakaiba. Tatay na di ko kilala at Tatay na hindi ko kaKosa.

Sa Tana ng Buhay ko, di ko sigurado kung may sampung beses kaming nagkita ng tatay ko. Pinakamatagal na sigurong pinagsamahan namin ay isang-linggo tapos wala na naman... kitakita na naman after 5 or even 10years. Ang pinakamahaba nga na pagsasama namin sa iisang bahay ay nuong elementary pa ako! Naalala ko yun kase, dun nya ako napalo(dahil pasaway ako) na sinabihan ko naman sya ng Hindi masyadong magandang salita!

Madami akong nababasang kwento ng kabayanihan ng mga Tatay sa ibang mga Blog. Mga hardworking na tatay. Responsable. may pagka-istrikto atbp. Minsan nakakainggit pero madalas napapatanung ako kung, paano kaya ang naging buhay ko kung kasama namin sa aming paglaki ang tatay ko? naging oks kaya ang Buhay namin? naging masmasaya kaya ako at kami ng mga kapatid ko?
Mga Tanung na alam kong Hindi na masasagot kailan man...

Sa mga oras na ito, kapag sinasabihan ako ng Happy Fathers day, naalala ko ang tatay ko... hahaha. nakakatuwa nga eh. Pero hindi naman ako "galit na anak sa kanyang ama". Naniniwala pa rin kase ako na, Ang isang bagay na wala ka ay Hindi mo maaaring ipamigay sa iba. Sa susunod na mga panahon, gusto ko rin na maging mabuting anak sa akin yung mga anak ko. At bilang isang anak, kailangan ko munang maging mabuti sa aking ama bago ako magkaroon ng mabubuting anak.

Happy Fathers Day sa Lahat ng Ama kabilang na sa aking Ama!

At higit sa Lahat, HAPPY FATHERS DAY sa aking SuperNanay dahil sa mga sandaling nangangailangan kami ng kalinga ng isang ama, eh sya ang nandun!

Happy Fathers Day Nay!

Labing-limang Halo-halong Pananaw, Komento at Kuro-Kuro.

Na-tag ako kamakailan ni Pablong Pabling na sinundan naman ng pangungulit ni Dhianz na kahit hindi nya ako naisama sa Tag nya ay gawin ko nalang daw. Pero base sa aking pagbabalik tanaw ay nagawa ko na yata yung tag na yun... kaya ito nalang ang pagdamutan ninyo..lols



Narito ang ilan sa aking mga paniniwala at comments na nagmarkang bakas sa bawat blog na aking dinaanan sa mga nagdaang panahon. Pasensya na dahil ang ilan sa aking mga pananaw ay medyo kakaiba... may pagkamakulit at may pagkapasaway.

1. Naniniwala ako na ang bawat tao ay may kanya-kanyang talento... maging ang pagiging simpleng masayahin at cool ay talento din... Hindi lahat ng tao kayang maging masaya at maging cool...hehe

2. Ang sikreto sa pagiging bata ay pagiging masaya. May mga batang mukhang matanda at mga matatandang mukhang bata. kaya sa mga nagtataka kung bakit mukha akong teenager eh, pagngiti sa lahat ng iyung problema sa bawat umaga.

3. Ang Love, parang takbuhan lang yan... kailangan READY ka... masaya pero nakakapagod... pero in the end mararating mo din yung finished line... talo man o panalo oks lang yan! atleast nakatakbo ka! exercise din yun!

4. Alam mo ba kung gaano kaseryoso ang Buhay? tumingin ka sa mga "grown ups" di ba palaging nakakunot noo? di marunong tumawa at ngumiti... masungit at palaging seryoso... ganun kadaming problema ang mga "grown ups". Kaya naman mabuti na yung isip batang tulad ni Kosa.

5. Ang buhay ay puno ng Reklamo... kapag mainit humingi ka kay papa GOD ng ulan. Kapag naman naulan, humihingi ka ng tag-araw... anu ba talaga kuya? Hindi na alam ni Papa God kung anu ang ibibgay sayo. Ganyan ka-demandind ang TAO. peace:)

6. MagHirap man lahat ng bansa sa Mundo dahil sa recession, alam kong ang Pinas ay hindi masasama sa listahan na yan... Tanging ang Pinas lamang ang nag-eexport ng nag-iisang orig na produkto na hindi kayang kompitensyahin ng kahit na Sino at kahit na anong Bansa. ANG OFW...

7. Naniniwala ako na ang Success eh nasa tabi-tabi lang pero ayaw mong pansinin. Madalas kaseng nagiging basehan ng success ang pagkakaroon ng maraming Pera at magandang trabaho... Pero(sa aking palagay) MALI po yun!!! Para sa akin, ang success ay nasusukat sa kung gaano ka kasaya at kakontento sa buhay mo at sa lahat ng mga simpleng meron ka.

8. Ang bawat tao, parang tsokolateng nakalagay sa ibat ibang lalagyan... may nakalagay sa masmaganda at seksing katawan... maspogi at masmaganda pumorma. Pero sa kalaunan, makikita mo na may kanya-kanyang tamis na pwedeng i-offer ang kahit na sino TULAD NG TSOKOLATE.

9. Naniniwala ako na ang talino ay nakabase sa kung gaano mo iniintindi ang mga taong nagkakamali at kung paano mo inuunawa ang mga taong masmababang-uri kung mag-isip at magbigay ng kuro-kuro kaysa sayo. Hindi sa kung gaano ka galing mag-ingles, gaano ka kagaling sa matematika at spelling.

10. Para sa akin, ang pagsagot sa bawat tanung ng Buhay ay parang byaheng baku-baku lang. iba iba ang ruta... iba iba ang sinasakyan at iba-ibang level ang pag-usad. Sa kalaunan, mararating mo ang destinasyon ng sagot at malalaman mong ang rutang iyung tinahak ay ang tunay na sagot sa'yong mga tanung.

11. Tayo ay nabubuhay sa malayang pamamahayag pero sa bawat pahayag na ating ginagawa, dapat kaya natin itong lusutan at pangatawanan kung sakaling magka-aberya... Humingi ng sorry kung kinakailangan at tumanggap ng pagkakamali dahil "kapag wala tayo sa harap ng salamin, ibang tao ang nakakakita sa dumi na nasa ating mukha".

12. Naniniwala ako na, Hindi lahat ng nagpapakalalake ay lalake..lols Pwede ring magpakalalake ang mga babae at mga bading. Sabi nga ng kasabihan "usapang lalake 'to" o di naman kaya ang simpleng pagiging responsable ay katulad na rin ng pagpapakalalake.

13. Mahirap mag-asawa ng taong masmatalino, masmayaman at masmaraming lamang sayo. Sa teleserye ng totoong buhay, aminin man natin o hindi kapag nag-asawa tayo, hindi natin maiiwasan ang pananaw ng ibang tao lalo na ang kabilang partido.

14. Unfair ang Mundo... Sa isang pagkakamali na naiambag mo, ang isandaang mahigit na kabutihang ginawa mo ay mabuBurado.

15. Marami ang ibig sabihin ng magulong Buhok. Maaring madaming Kuto at kinamot lang... Nakipag-away at nakipag-sabunutan! Pwede ring style lang talaga. o di naman kaya mahangin lang sa labas.
Ganyan ang Buhay.


ayan lang muna sa ngayon... pasensya na sa ilang mga pasaway na pananaw.

Binyagan nga naman.. Ninong Kosa na naman!

Nitong nakaraang araw, nakatanggap ako ng isang pasabi na kukunin akong ninong ng kanyang anak. Kaibigan ko sya at Kababata sa Pinas. Matalik kaming magkaibigan noon hanggang sa mawalan na kami ng komunikasyon at nilipad na ako ng Hanggin papalayo sa Nanlilimahid na kahirapan at Dumi sa Pinas.

Ngayon isa na syang mommy sa isang cute na cute na Baby Girl... Masasabi kong wala na yata sa kanya ngayon ang dati nyang ugali. Makipagbabaran sa inuman. Malakas pa sa akin lumalak ng alak. Nananabako. walang pakiaalam sa mundo.

Pero ang unang naitanung ko sa sarili ko, Bakit kaya ako kinuha nitong ninong ng kanyang anak samantalang alam nya kung gaano kasama akong tao. Kung anung mga kalokohan ang pinaggagagawa kong nuong kabataan ko(hindi pa naman ako ganun katanda, matured lang) Kung gaano ako kairesponsable. kung gaano ako kapasaway at kung gaano ako kawalang kwenta. Di sana ako magtataka kung hindi nya ako kilala personally at kung hindi kami magkasama nun sa aming mga kalokohan.

Base kase sa aking pagkakaalam,
Ang mga Ninong at Ninang na dapat kunin ay ang mga may kakayahan na tumayong pangalawang magulang para sa'yong anak sa mga sandaling wala ka sa kanyang tabi. Yung magandang ehemplo at magbibigay sa kanya ng magandang impluwensya.

Minsan kase umamin na tayo... ANg binyagan at pagpili ng Ninong at Ninang madalas eh napupulitika na rin. Kumbaga kung ikaw si Mayor kahit gaano kabulok ang iyung liderato eh marami pa rin ang kukua sayo bilang Ninong o di kaya ninang...
Pampasikat baaa... o di kaya para kapag nagkaproblema ka ay may umaanak sayong bigatin. O di naman kaya ay may magpapaaginaldo sayo na hindi kuripot sa bawat paskong darating..lols

haaaaaaayssss... Binyagan nga naman!!!
pero aaminin ko na rin, ang pagkakapili bilang isang Ninong ay nakakataba ng Puso. Sila kase yung nakakakita sa tunay mong potential at kakayahan bilang isang pangawalang magulang at magandang ehemplo sa kanilang anak. Hindi ko man kasing yaman si Mayor o di kaya kasing sikat si Hayden Mho ay napili pa rin ako bilang isang Ninong kahanay ang ilan din naming matitinong kababata at kaiskwela nuon.

May isang Kasabihan 2

Naisip ko lang nitong nakaraan..

There's a Joy in Giving! Naniniwala ako nyan...
Pero,
Madalas, ang Pagtulong ay may hangganan... Hindi mo pwedeng ibigay ang lahat ng nasa'yo Hanggang sa wala ng matira sa'yo.

Para sa Gustong maging OFW: Isipin mo

Paunawa:
Ito ay nakatutok sa OFW pero sa ngalan ng mga mambabasang hindi naman OFW, applicable din po ito sa ibang tao saan man sa blogosperyo.

Ito ang pangalawang yugto dun sa aking nakaraang Post. Actually, wala naman akong bagong sasabihin dito... itututloy ko lang yung naudlut nating kwentuhan nuong nakaraan.. Medyo tinipid ko lang yung kwento ko kase baka wala na naman akong maisulat sa susunod.

Madami ang nabubuhay sa maling akala... mga akala tungkol sa pangingibang Bansa... Hindi madali ang umalis sa Pinas. Iwanan ang mga mahal sa Buhay... iwanan ang nakalakihang uri ng masaya at "bahala na Bukas" na pamumuhay. Hindi rin madali ang makitungo sa mga taong kelan mo lang nakilala at madalas eh pinagsasabihan ka kung anu daw ang Tama... Sabi ko nga, they always have something to say with regards to any topics and issues. Madaming mga feeling intelihente sa abroad lalo na kung alam nilang bago ka lang at walang alam.

Narito ang ilan sa mga wais Tips para sa mga ilang OFW o mga gustong maging OFW.

1. Hindi masama ang magtanung-tanung sa kapwa OFW... makakatulong ito sa pakikipagkaibigan. PERO!!! Huwag agad maniwala. masmabuting mag-research ka din. Kumunsulta sa mga website na may kinalaman sa mga gusto mong malaman.

2. Neverever Burn Bridges! Kailangan iwasan ang mga issue na magbibigay sayo ng kaaway. kapag may ayaw ka sa isang tao (kapwa OFW, kaibigan o lalo na sa kamag-anak) umiwas ka hanggang kaya mo kaysa sa magkaroon kayo ng Hindi pagkakaunawaan.

3. Maging Palakaibigan. Lahat pwede mong maging kaibigan pero piliin mo kung kanino ka magtitiwala at magse-share ng secrets!

4. Magtabi ng konting kaperahan para sa oras ng pangangailangan. HUWAG ipadala ang LAHAT ng kita sa Pinas! mag-ipon ka rin dito!

5. Manatiling in-touch sa mga mahal sa Buhay. Sa mga May asawa, alam nyo na kung anu ang gagawin nyo (behave!). sa mga single naman Hindi masama kung makikipag-harutan kayo paminsan minsan. Pero kailangang isipin nyo kung talaga kung ano ang gusto nyo at kung bakit nagpapakahirap tayo sa Abroad. (KUMITA NG PERA... MAG-IPON!?)

6. Magsipag sa Trabaho. Piliting alamin ang madaming pasikut-sikot sa mga gawain sa kumpanyang kinabibilangan. Masmaraming trabahong alam mo, masmaraming posibilidad na umangat o hindi masibak sa kumpanya!

7. Maghanap ng makabuluhang libangan. Pampawala ng lungkot at pagka-miss sa pamilya. Hwag sugal!! baka matalo ka lang...lols

8. Bigyan mo din ng REGALO ang sarili mo. Hwag mong ilaan ang lahat ng iyung kita sa iyung pamilya o kamag-anak na nasa Pinas. Kung ano ang gusto mo, Bilhin mo (ikaw ang nag-hihirap dito.. wag kang tanga! jokeness!)!

9. Hindi masama kung gigipitin mo din sa Pera ang mga taong umaasa sayo sa pinas. Kapag Bigay ka kase ng bigay ng pera sa kanila, baka isipin nila na parang tsokoTAE lang na pinupulot ang Pera sa abroad. Yun eh kung kaya mo silang tiisin at disiplinahin.

10. Alamin mo ang karapatan mo at hwag paaapi sa ibang Lahi lalo na kung alam mong tama ka at sila ang mali. Manatiling updated sa mga policy na inilalabas ng embahada ng Pilipinas at sa Imigrasyon ng Bansang iyung kinasasadlakan... Malay mo may bagong bukas na magandang oportunidad na makakatulong sayo.

Yun lamang po muna sa ngayon...

May kasunod pa ito...


Pahabol:
medyo nagkaroon ng mainit na tensyon sa blogosperyo nitong nakaraan. sana eh hindi na yun lumaki pa. Lahat tayo ay nananawagan ng isang mapayapang mundo kaya sana sa munting paraan ay umayos tayo at hwag ng palakihin ang issue. may kanya-kanya tayong pananaw at kuro-kuro pero sana ay magpahayag tayo ng may akyuridad at tamang basehan. Respeto na rin sa ating sarili at sa ating kapwa blogero... kapwa tao... kapwa Pinoy!

Akalain mong ma-late tong post kong ito.. June na pala!

Kanina ko lang napansin na patapos na pala ang buwan ng Mayo... Hindi naman sa tatanga-tanga ako pero talagang pakiramdam ko eh, sobrang bilis ng agos ng Buhay.. ilang tulog nalang at HUnyo na naman.. Magtatapos na ang summer vacation ng mga Batang nagpapakasaya sa kawalan ng pasok sa eskwela... wantusawang paglalaro, walang limit na panood ng TV, at paggising ng kahit anung oras na Gustuhin. Mapapalitan na ito ng paggising ng maaga para pumasok sa school at paggawa ng assignments at mga school projects. Wala munang laro-laro at panonood ng Tv hanggang madaling araw.

Naaalala ko tuloy ang alaala ng aking kamusmusan kung saan, Pinipilit pa ako ng aking nanay na gumising ng maaga at pumasok sa iskwela... Ngayun ko nararamdaman kung gaano talaga kahalaga ang edukasyon para sa isang tao...

Minsan ko ng sinabi na hindi ako naniniwalang edukasyon ang tuntungan para maabot mo ang lahat ng iyung mga hinahangad sa Buhay.. Pero minsan iniisip ko, paano nga kaya kung naging masipag ako sa pag-aaral? naging matalino... naging edukado? Saan na kaya nakabase ang aking buhay ngayun? nakaahon na kaya kami sa hirap? nasagutan ko na nga kaya ang mga katanungan ng aking buhay na hanggang ngayun ay wala pang kasagutan at hindi ko alam kung kelan at kung saan ko makukuha ang kasagutan? Naging masmasaya kaya ang aking Buhay kung sakali? Nagkaroon kaya ako ng mga kaibigan na maituturing kong sandalan sa oras ng aking pangangailangan? Mapapadpad kaya ako dito sa Blogosperyo? Makikilala ko kaya kayo?

Mahalaga ang Edukasyon!
Yan ang palaging sinasabi ng aking Nanay simula't sapol! Pero hindi ako naniwala nuon... Hindi nga ba ako naniwala nun, o ayaw ko lang maniwala... Namulat ako sa mga paniniwala ng isang pasaway... Namulat sa kasabihang "ang malas eh mananatiling malas" na kapag timamaan ka ng swerte ay instant yaman ka ng bonggang bongga. Hindi pa rin naman nawawala sa akin yung mga paniniwalang iyun pero parang maspapaniwalaan ko na ang sinabi ni Nanay ngayon MAHALAGA ANG EDUKASYON..

Tumatakbo ang Oras...habulin mo!

Masaya ang Buhay; Sulitin mo!
Dahil hindi ko na maibabalik ang mga nagdaan, wala na akong magagawa dun. Tanging mga alaala nalang ang natira sa aking kabataan. Maaga kase akong sumabak sa mga Hamon ng Buhay. sa edad na 17 ay nag-umpisa na akong magtrabaho at mula nuon, hindi na nabaling ang aking attention sa pag-aaral... Nagpursige akong magtrabaho---kumita ng pera at magpakasaya na walang inaalalang school projects o di kaya mga assignments.
Nabulagan kase ako sa paniniwala ng isang kaibigan na
"Mag-aral ka man o Hindi! Pagtanda mo, Pera lang ang kailangang Kitain mo" Pero minsan iniisip ko, HINDI PALA.. Kung Saya at sulit na kabataan ang pag-uusapan, Hindi ko ipagpapalit ang aking mga karanasan. mga alaala at mga bagay na napagdaanan dahil hanggang ngayun, dala-dala ko pa rin ang masasayang alaala na kasama ang aking mga mahal sa buhay at mga kaibigan.

Panindigan mo!
Lahat ng bagay na aking Pinaggagagawa sa aking Buhay ay pinipilit kong panindigan sa abot ng aking makakaya. Naniniwala akong YUN ANG PINAKAMAHALAGA! Huwag mong isipin kung tama o mali ang iyung nagawa. Ang ginawa mo ay kabilang sayo at Hindi mo kailangang isisi sa kung sinu-sinung nilalang o sa kung anu-anung rason.
May mga bagay kang matututunan sa bawat pagkakamali na iyung napagdaanan. At hindi mo yun matututunan kung saan-saan lang! Hindi yun maituturo ng iyung magulang o maging ang sinung pinakamagaling na Guro.


pasensya na.. ito ay delayed post. Post ko sana ito bago matapos ang May.