Masaya at Kuntento AKo

Kaninang Umaga, isang nakakagulantang na tanung ang bumulaga sa aking umaga... nakasanayan ko na kaseng gumising ng 10am kapag ang pasok ko sa aking pagbabasura eh panghapon.

"MASAYA KA BA?" ang kanyang tanung...
**buntong hininga** napaisip... napatanung ako..
matapos ang ilang segundo,
"OO NAMAN---KASE KUNTENTO AKo" ang sagot ko..

Hindi ko talaga alam kung saan nanggaling yung sagot na ibinigay ko sa kanya.. Parang kusang nagtipa ang aking mga daliri sa sarili nyang isasagot... Pagkatapos kong manahimik... magmuni-muni.. magkunot noo.. mapa-isip ng ilang beses.. OO NGA MASAYA BA AKo? ang tanung ko sa aking sarili...

Sa isang banda ng aking konsensya, may nagsasabing OO.. Merong ding dyablo na nanggugulo't sinasabi ang malaking HINDI ako masaya... haaayssss.. diko alam kung sinu sa kanila ang paniniwalaan ko.. Likas din naman kase akong masama na minsan eh, Tinatamaan din ng Kurot ni Konsensya.

MAsaya ako.. OO nman... Hindi ko sasabihin na nabubuhay ako sa kalungkutan... Hindi naman kase sa lahat ng oras eh nasabanda ng kadiliman ang aking Buhay. Kung nasa kadiliman man ako minsan, madalas kong ipikit ang aking mga mata at isipin ang Liwanag at mga panahon na ako'y nasa Ulap... Nilalasap ang Liwanag galing sa walang hanggang pagpapala ng liwanag ni Haring Araw..

Ang Buhay ay sobrang mahiwaga.. Baku baku.. pabilog na gumugulong.. mahangin at madalas binabagyo... kundi man ay nililindol at inaatake ng iba pang mga Likas na hagupit ng kalikasan at ng Panahon.

MASAYA ako sa BUHay Ko Kase KUNTENTO AKO.
Kunteno sa Payak at Yagit na pamumuhay.

Saan nga ba nakabase ang kaligayahan sa aking Buhay?
Para sa aking walang kwenta at pansariling paniniwala, Hindi naman mahalaga kung anung mga materayal na bagay ang meron ako eh. Ang mahalaga, yung mga bagay na nagpapapaligaya sakin ng hindi panandalian kundi pangmatagalan... Yung tipong Hindi nabibili. Tipong natural... Tipong hindi Pilit---
Hindi nabibili nga pera ang TUNAY na saya.. may mga Ligaya at saya man na naibibigay ang pera pero PANANDALIAN lamang yun. Hindi nagtatagal.. parang alak na kapag nawawala ang Bisa hanggang dun na lang.

Hindi na susukat si Edukasyon mo ang kaligayan mo.
Hindi sa mga gamit mo...
Hindi sa Pera mo...
Hindi sa mga ari-arian mo...

Nasusukat sya sa kung gaano ka kasaya sa mga simpleng bagay na ginagawa mo.. wala kang inaapakang ibang tao upang umangat.. mga simpleng bagay na nagbibigay sayo ng PAGKAKUNTENTO eh ayus na ayus na. isama mo na din ang pagiging Pogi mo sa mata ng nanay mo.

Hwag mong hanapin ang mga bagay na di pa dumarating sa'yong Buhay.
Hwag mong angkinin ang mga bagay na di mo pa kayang panagutan.
Hwag mong madaliing pahinugin ang mga bungang bubut pa.
Hwag mong asahang tutubo ang butil na inamag na.
Hwag mong abutin ang mga bagay na alam mong di mo abot.

Tulad ng mga bagay na madalas kong sabihin, ang mga bagay sa iyung buhay ay darating at darating sa tamang panahon... Parang utot yan..Kusang lumalabas at Hindi kailangang pinipilit... alam mo na ang mangyayari kapag pinilit..hehehe

Sa kabilang Banda, may kanikanya tayong Pamantayan sa kung anung mga bagay ang nagpapaligaya sa atin... ito lang ang masasabi ko, MASAYA KA Ba?

Baku Baku

Hindi lahat ng mga Bagay na gusto mo, Nakukuha mo...
Hindi lahat ng naamoy mo, Halimuyak...
Hindi lahat ng nakikita mo yun na Mismo...
Hindi lahat ng mahal mo, mahal ka!
Hindi lahat ng akala mo, totoo...
Hindi lahat ng kinakagat mo, pagkain..
Hindi lahat ng kasinungalingan, Masama...
Hindi lahat ng maitim, Negro..
Hindi lahat ng pango, Pilipino...
Hindi lahat ng Tanga, engot...
Hindi lahat ng Lumuluha, umiiyak...
Hindi lahat ng di mo alam, kailangan mong malaman...
Hindi lahat ng Baku-baku, kalsada..
Hindi lahat ng kumikinang, makintab..
Hindi lahat ng kinakain mo, nilulunok mo..
Hindi lahat ng ahas may buntot..
Hindi lahat ng lalake may bayag..
Hindi lahat ng mga kaibigan, mapagkakatiwalaan..
Hindi lahat ng sinusubo, nginangata...
Hindi lahat ng nananaginip, natutulog.
Hindi lahat ng langit, mataas
Hindi lahat ng katok, tumutunog..
Hindi lahat ng lumipad, may pakpak..
Hindi lahat ng sakit, nagdadala ng pasakit
Hindi lahat ng nasa Libro, tama..
Hindi lahat ng araw, maaraw
Hindi lahat ng Bulaklak, Namumukadkad...
Hindi lahat ng sinasabi ni Lola, makaluma...

at madami pang bagay na akala mong tama eh mali pala. kaya minsan, nararapat lang na magtanung ka.. ayus ba?

***********************************************

At dahil nasapali ang Byaheng BakuBaku sa mga nominado sa poll sa Damuhan bilang Blog para sa unang Linggo, sana ay suportahan at iboto nyo ang Trip ni Kosa.. kitakits pa rin!

Astig na Kaguluhan

Anung kaguluhan to?

Sa totoo lang, noon ko pa dapat to Pinasadahan, pero dahil sa aking walang kwentang Problema sa trabaho eh umiksena, kinailangan ko munang magpakitanggilas at lunukin ang lahat ng Pride na meron ako... Hindi ko na natuloy ang aking Pagsasadula sa kung gaano ako natuwa sa Imahinasyon na to.. takte Prof Pajay, ang Lufeet nito.. sana nga... magkatotoo ito..pero tingin ko, Hindi malabong magyari to.. hehehe..libre nman ang mangarap eh. hehehe Peace Prof.. taena ang saya siguro nito kapag nangyari... sa mga kapwa ko blagero at Blagera, ipagdasal po natin na sana eh manalo ako ng Lotto at magiging Reyalidad ito..Pramis...hehehe
kitakits....

hehe.. salamat Prof at naisipan mo akong isali sa Pagtitipon na to..sana kapag may ginawa ka ulit na kawili-wili tulad nito eh hwag mo akong kalimuta.. kapag kailangan mo ng Litrato ko sa mukha, isang pindot lang ako..hehehe..

Tagaaaay para sayo Prof! astig ka!

Ito pa ang Isa: Kacute'an

ohhhh... kita nyo naman to! di ba ang Pogi?
lols.. dahil ginawan ako ni Marlon ng Perpektib ng ID.. at Hindi lang basta ID ahhh.. tulad ng nakikita nyo, certified cute Pinoy Blogger ID pa... bukod sa walang expiration ito, nakalagay din dyan yung pangalan ko.. address(url) at ang madalas kong shout nuon sa aking Frendster..

hayyyyys... wala lang.. Gusto ko lang ipagyabang tong bago kong ID..lols wala kase akong magawa eh.. eh anu ngayun kung may bago akong ID? hehehe wala lang..

Salamat sa ID pareng Marlon.. sa uulitin.. Sana kapag may gagawin ka pa ulit na ka-cute'an, Hwag mo din akong kalimutang isali.

Sagot sa Mga Tags

Ito ay pagtugon sa panawagan ng mga Katotong Pakialamerang Blagerot Blagera na nananawagan na itaas ko daw ang aking bandila ng dalawamput limang makatotohanan tungkol sa yorstrulili.

Para sa panawagan nila VanVAn at Lio Loco Loco isinama ko na din dyan yung tag ni Enjoy:

Panuto:
Ipangalandakan ang 24 na katotohanan tungkol sa iyung sarili at isang haka-hakang pandagdag upang maging ganap na 25.
At dahil iyan ang aking pagkakaintindi, eto na ang aking Listahan:

1. Isa akong Taong bahay. Madalas akong nakatambay lang sa bahay. nakatanga sa harap ng Konchuter. Halos 5hours ang ginugugol ko sa harap ng konchuter bago matulog abutin man ako ng syam syam.

2. Lima kaming magkakapatid at ako ang pangatlo. Sabi nila, ako daw ang pinakapasaway. Sabi ko nman natural lang yun. Hindi ko itinatanggi na pasaway ako pero nasa Lugar naman..hehehe

3. Mahina ako sa Math..Pero kung Physics at Chemistry ang pag-uusapan maning mani ko yung mga yun! Physics ang subject na nagpataas ng aking Gen.Average nuong nagtapos ako ng High School na nagbigay sa akin ng Puntos para makasama ako sa Upper 25% sa kabuoan ng nagtapos sa aming paaralan.

4. Nursing Undergraduate ako... pasensya na sa mga Nurse na masasagasaan... MAdami kaseng nag-aakala na bobo ako..lols Pero Hindi ko naman talaga passion ang magpakaNurse nuon. Akala kase ng mga nag-impluwensya sa akin, Nurses lang ang nag-aabroad. hehe. Kaya sinubukan ko pero Hindi pala yun ang gusto ko.

5. Pumasok ako bilang Crew ng Jollibee nuong nasa college ako... Hanggang sa nawili ako at iniwan ang eskwela. simula nun, Halos nilibot ko na lahat ng foodchain sa pinas. Jollibee, Greenwhich, Chowking, isama mo pa si Redribbon, Cindys, Pizzahut, tokyotokyo at Shakeys.

6. Isa sa isimusumpa kong karanasan sa Trabaho ay Nuong mapasok ako bilang isang Empleydo sa isang Resort sa Batangas (vigrin beach resort) Bulok kase ang patakaran.. Pagsamantalahan ka ba naman.. gagamiting knowledge absorber tapos isiSesante ang Visor tapos ikaw ang ipapalit. Parang sayo nacredit lahat ng kasalanan at kabwakawan sa mundo. Taena.

7. Natalo ako sa isang halanlan sa SK nuong 2003 (yata?). isa lang nman ang lamang... 117sya... 116 naman ako..pero dahil Bobo ako, hindi ko naisip ang magparecount. Taena.. Nakapanumpa na yung Maganda kong katunggali nuong maisip ko.. Pero di na ako naghabol dahil nahiya na ako.

8. Mahilig ako sa Animei Dragonball... Ghostfighter, Flame of Recca.. hanggang kila Sakura, Doraemon, Pokemon, Digimon... isali mo na rin yung RayEarth, Bioman, Ultraman, PowerRanger, Naruto at ang pinakanagustuhan ko, yung HunterXHunter.

9. Ipinanganak ako sa ilalim ng simbolong Cancer. Hindi ako madaldal. Tahimik lang ako kapag kaharap mo ako.. Pero kapag nagkakilala na tayo, Hindi naman pala ako ganun katahimik.. Masgusto ko madalas ang nakikinig lang sa kwento ng may kwento.

10. Mahilig ako sa Musika. Iyun ang bumubuo sa bawat araw ko. Kahit wala akong makausap maghapon basta may napapakinggan akong kanta, ayus na ayus at solve na ako.

11. May isang Patay na Kuko ako sa Paa at isa din sa Kamay.lols

12. Isa sa PinakaGusto kong naging trabaho ko ay maging bartender..lols ang saya nun.. Hindi nman sa magaling akong gumawa ng drinks pero kung may kodigo pwede rin.. ayus lang kase yung nagtatrabaho ka tapos nasusunod yung layaw mong maglalasing..lols

13. May dugo akong Kapampangan. Tatay ko, kapampangan... NAnay ko naman ang Ilokana. Weird na kombinado di ba? Isang Galante at isang Kuripot. Pero masnamana ko yata ang pagiging Ilokana ni nanay. Siguro dahil sa bukod sa lumaki ako sa ilokos, karamihan ng diskarte sa buhay eh napulot ko sa basurahan ng Ilocos.

14. May mga kapatid ako sa Labas pero iisa pa lang ang nakikilala ko talaga ng Personal. ayus naman.. Hindi maikakailang kalahi ko nga yun! Bukod sa maganda eh, Kinuha yata lahat ng talent sa aming Lahi. Bukod sa magaling Gumiling eh magaling ding Kumanta..

15. Madalas akong naka-sign in sa YM kahit wala ako sa harap ng Konchuter. Pero dahil hindi tagala ako makwento sa mga tanung ng mga nagtatanong, madalas naka-invi ako..lols (iba na ang popular!)

16. Bilang Volunteer ng DSWD Nagturo ako ng Kinder nuong 2005. Sa sobrang kulit ng mga bata, hindi ko natagalan---nagbitiw ako... balik trabaho sa mga Pagpuputa.

17. May isa akong super cute na 1y.o. son. kung gaano ako ka-cute nuong baby pa ako... ganun din sya ka-cute.

18. Isa akong single na single. Hindi kase ako marunong magdala ng relasyon. Bukod sa mukang bata na isip bata pa ako, wala din daw akong kayang ibigay na oras at panahon.. diko lang alan kung totoo.

19. Nasubukan kong maging Palaboy sa manila sa loob ng tatlong araw. Pinalayas kase ako ng Lola ko sa bahay nila. Pero dahil hindi ko pa tapos ang mga lakad ko sa mga bagay bagay tungkol sa aking buhay sa mga oras na yun, kinakailangan kong tumambay sa mall sa araw at Airport nman sa gabi Bago umuwi ng Ilokos.

20. Certified adik ako sa blog... simula nuong magkaroon ako ng blog, 5-6hours nalang ang itinutulog ko sa isang araw. kulang pa sa 5oras minsan. Pero dahil Priority ko ang magdagdag ng timbang sa taong ito, medyo dinagdagan ko ang oras ng aking pagtulog.

21. Mahilig ako sa Beer. Harapin natin ang isang Pitsel ng Beer... kapag naubus natin yun---dagdagan pa ng isa... panigurado kapag natapos yung pangalawa, Close na tayo at ninong ka na ng anak ko.

22. Bobo talaga ako.. Blessing lang na hindi masyadong halata.

23. Kapag tinamad ako.. Hindi mo na ako mapipilit na Gumawa ng kahit ano kahit pa lumuha ka ng dugo.. yun na yun..hehehe joke joke.. madalas!!! pero may kosensya at kosiderasyon naman ako..hehehe

24. Natutuwa ako kapag may nanggugulo at nagra-rally sa malacanyang. Inaantabayanan ko kung paano nila gigibain ang Lungga ni Pres.Glorya..hehehe sigurado kapag nangyari yun, bababa ang ekonomiya ng Pinas..hehehe. at tataas ang palit ng Dolyar sa Peso.

25. Isa akong masamang tao... mahilig akong Magmura. kahit itanung mo sa akin... hehe. Minsan lang ako magpakatino. Pero masgusto ko ang maging masama kase masmatino ang Ginagawa ko kapag nasa Kasamaan-mode ako.

Ayan na. Pili ka nalang kung saan ang paniniwalaan mo. Diko na sasabihin kung ilan ang tama at ilan ang mali dyan..hehehe

**********************************************************************

Salamat nga pala kay Yanah para sa Bagong Bihis na anyo ng aking Kuta. salamat salamat Yanah.. Hindi lang dito sa Bagong Layout kundi sa Pagtuturo mo kung paano magpalit ng Layout. Marunoooong na ko..lols

sigaw-sigaw

Bago pa man Dumating ang kamalasan ng friday the 13th, Nauna na akong tinamaan ng sandamakmak na kati-kati sa kilikili ulo... Yung tipong Hindi mo alam kung anu ang umaatake sayo.. Kung Kuto ba, alipunga o di kaya Pulgas sa kakakamot Ulo at kakaisip kung anung hakbang ang dapat na gawin para masolusyunan ang suliraning dumating...

Hindi ko na nga naramdaman ang init ng araw ng mga puso.. Ni Hindi ko napansin ang mga Haliparot na naghaharutan at mga papampam na naglalambutsingan sa gilidgilid... Pakiramdam ko tuloy, para bang umabsent ako sa mundo sa araw na yun! Pero okey lang.. atleast hindi ako nainggit at ang pangalawang Okey lang eh, alam ko nman na hindi ak nag-iisa.hehehe.. baka nman kasama kita..lols

Huli man ang magaling, late pa rin!
Belated Happy Valentines pa rin! yahooooo!
anung balita? ahhhh sige tuloy natin...

Pagkatapos kong makipagpatintero.. makigpagbakbakan.. makipagpataasan ng ihi.. magsunog ka kilay at magnilay-nilay. Sa ilang araw na Pagbisita ng mga katotong Pimples... Pag-arangkada ng mga kakosa kong kulubot sa mukha.. pagpasyal pasyal ng mga uban.. Paalis na sila..

Haaaaayssss!!!

Lagi nalang kase akong nagrereklamo at nag-iisip masyado kapag dinadalaw ako ng problema lalo na kung ang aking walang kwentang career(naks meron ba?) ang pinag-uusapan.. Buntong Hininga- Buntong Hininga times two (pahiram Lio loco) haaaaaysss... yun nga eh..

Nuong nakaraang Linggo, nagkaroon ng problema ang aking trabaho. Hindi ko alam kung dapat ko bang isa-isahin ang mga bagay bagay na tumama at bumalandra sa aking pagmumukha sa mga panahon na yun! Ang alam ko lang sangkatutak na kamot sa ulo ang inabot ko... Hindi naman kase sa lahat ng panahon eh isang Perpektong trabaho ang magagawa mo.. Lalo na kung sinanay mo sila ng isang trabahong Pulido at "halos" Perpekto eh talaga nga naman na ikukumpara yung nakaraan mong gawa... Haaaaaysss... Yun ang nakakatakot... Kumabaga kapag nagtrabaho ka ng isang bagay ayus lang sa una na pumalpak ka.. Pero kung inumpisahan mo ng Bonggang-bonggang pulido at halos perpekto, dapat pala eh masgalingan mo pa sa susunod... sa madaling salita, may improvement. Hindi katanggap tanggap na nagawa mo NOON ng tama tapos pumalpak ka NGAYUNG matagal ka na..

Normal sa Buhay ang pinuputakti ng sandamakmak na problema..

Aking napagtanto na ang Buhay ay isang mala-Kadenang KabitKabit ng Problema... Kapag nalutas mo ang iyung problema, asahan mo na yung ginamit mong panLutas sa Problemang iyun eh magdudulot ulit ng Problema... Haaaanggulo! Pero para maiintindihan ang malabulbol na buholbuhol na usaping ito, ganito yun! Ang sagot sa Isang Problema ay isang Panibagong Problema... Yun na yun! Self-explanatory na yun kaya di ko na papahabain..

Sa ngayon, nagbabalik Kuta (nawala ba?) ang isang Pasaway na Kakosa... Balik tambay na naman. Walang tanung tanung kung saan ako galing kase mapapakamot ulo lang ako..hehehe

************************************************************

Nagpapasalamat nga pala si Kosa kila Enjoy, at kay LioLoco para sa mga nakakalambot potoytoy na Tag para sa akin... at pramis.. itaga nyu din yan sa mga %^&%^$^ nyo..hehehe:p Papatulan ko din yung mga yan..hehe

Friday The 13th

Bakit ba ganun ang Buhay...
Palaging ang batayan ng pagkatao ay ang mga bagay na nagawa nyang MALI? Madalas kase, masnapapansin yung mga maling nagawa at yung mga TAMA at MAGAGANDANG nagawa eh ,kadalasang nadadaanan ng pataymalisya.

Kumabaga sa isang Telang Puting puti na Tela na nabahiran ng kongting dumi... Kapag inilarawan ng isang tao, masbinibigyan ng pansin ang Dumi kesa sa Kaputian..

Matapos kong ipangalandakan ang aking pagsaludo kay Yanah sa nakaraan kong pst eh parang bigla din akong Binalingan ng kakambal ng BigbadWolf nya at ako nman ang pinutakti ng Problema sa mga nagdaang araw... hindi ko na sasabihin kase problemang trabaho lang nman ito... Kapag natuloy ang kamalasan ko sa Buwan na ito ng mga Puso ay talagang mawawalan ako ng legal na trabaho at ang matitirang ikabubuhay ko lang ay ang mga illegal kong ginagawa (wag nman sana). At ang masakit pa dun ang Pagka-antala ng aking Papel at mapapatagal ang aking pagpila ng aplikasyon para sa pagiging permanente kong paninirahan dito. haaaay

Wala akong alam isulat ngayun.. Nagkalat pa nga ang Tag para kay Kosa pero di ko muna papatulan yung mga yun kase masBusy akong nag-iisip kung itutuloy ko ba yung plano ko kung sakali na pagtalilis papuntang Amerika kasama si Ninong Obama at dun nalang magTAgo ng TAgo...haaaaaaaaay
nakaka-stress ang ganito..nakakabagot.. nakakakulubot.. nakakaUban.. nakakapimples

Sige bago pa man mahuli ang Lahat,

Maligayang Araw ng mga Puso sa Ating Lahat!!!!

Saludo: Yanah

Kilala mo ba sya?
Isang saludo ulit Hindi para kay Bob Ong kundi para naman sa isang malupit na Blogger.

Si Yanah
Hindi ito basta featured Blogger kundi isang Saludo sa pagiging totoo at kahangahangang pagsusulat ng mga kwento tungkol sa sarili na pwede naman sanang gawing Personal na bahagi nalang ng kanyang pagkatao pero, nagawa nyang ibahagi sa katulad kong mambabasa.

Kelan ko lang sya nakilala sa mundong ito nga blog. Noong una, ayos lang.. simpleng pakikipagsapalaran sa bawat araw.. simpleng pakikipag-kwentuhan lang.. simpleng Yanah.. simpleng kaibigan na kakulitan.. simpleng simple.. hindi mo makikita at mararamdaman na dumaan na pala yun sa sanga-sangang daan ng buhay.. mga daan na nagtataglay ng ibat ibang uri ng pagsubok.. ulan, bagyo, ipo-ipo.. tsunami.. lindol.. baha at madami pang mga balakid para makarating sa minimithing pangarap at hinahangad sa Buhay.

Habang patuloy kong sinusundan ang kanyang mga kwento, unti-unti akong humanga sa kanyang tapang at lakas ng loob bilang isang babae. Tulad nga ng isang pagkadapa---nagawa nyang tumayo at patuloy na lumaban ng hindi lang minsan kundi paulit-ulit! Dala ang kanyang mga minamahal sa buhay at pag-asa na magiging okey pa ang lahat...

Sa aming mga kwentuhan at kulitan sa Ym, mga dis-oras na yun ng gabi (dito sa amin) madalas, lalo ko syang nakilala... nahahawig sa kanya ang kwento ng aming pamilya at ng aking SuperNanay... isang babaeng matapang.. may paninindigan at walang kinatatakutan... hindi ko na ikukwento kase tungkol lang ito kay Yanah..

Ngayon nga, base sa pagkakaalam ko, pauwi na sya sa Pinas dahil sa napakasensitibong bagay... lalo akong sumaludo nuong malaman ko ang tunay na rason kung bakit sya uuwi... Pinipigilan ko syang umuwi muna noon.. para sa pinansyal na rason pero ngayun na nalaman ko ang tunay na rason, Pipiliin kong maki-isa sa kanya sa kanyang pag-uwi. At kasama sya sa aking Dasal na sana ay maging maayos at okay pa rin ang lahat...

Nalulungkot lang ako para sa kanya kase minsan kung tutuusin, parang sobra na yung dinaanan nya.. sobrang daming sakripisyo na yung inabot nya... mula pagkabata---hanggang sa ngayon.. ganun pa rin.. parang kasali na sya ng listahan ng ruta ng problema sa mundo... Hindi naman sa tinatawaran ko ang maykapal pero yun lang ang nararamdaman ko.. Pero ito ang sigurado, Hindi naman siguro sya nag-iisa.. Ginawa silang superSTRONG tulad ng aking superNAnay kaya kayang kaya nila ang mga ganun na pagsubok... nataon lang na yung sport na yun ang napili nilang linya sa literal na buhay.

Tulad nga ng kasabihan, ang manlalaro ng BASketball ay hindi Pwedeng maglaro ng Boxing gaano pa sya kagaling.. ganun lang yun..

sayo Yanah.. akala mo nagbibiro ako ahhhh.. pero totoo.. super saludo ako sayo! iilan ang mga gaya mong may ganyang kalakas ng Loob at Tapang... Iba ka.. nararapat lang na bigyan kita ng saludo at tawaging SuperYanah..

amaTs ko

Isa siguro ang pagmamahal sa pinakamasarap na pakiramdam na dumadating sa ating buhay. Yung tipong nagmamahal ka... minamahal ka.. at nagmamahalan kayo...
Pero sa kabilang banda, bakit sobrang daming dapat isipin kapag nagmamahal ka ng isang tao?

Dapat bang isipin sa pagmamahal ng isang tao ang mga bagay na nakasabit sayo? Kung anung pamilya meron ka? Kung sinu ka? Kung saang Lipi ka nagmula? Kung anu ang Tinapos mo... kung may kakayanan ka bang sagutin ang sinasabi ng pamilya ng Minamahal mo. Kung anu ang sasabihin ng mga taong nakapaligid sayo.. at sa inyo.. ang sasabihin ng Pamilya nya at ang Pamilya mo... at sobrang dami pa!

Ilang taon na din ang nakararaan nuong nakilala ko si Prinsesa. Ipinakilala sya ng aking matalik na kaibigan... nasa Huling taon kami nuon ng Mataas na Paaralan.. Nag-aaral ako nuon sa Pampublikong Paaralan samantalang si Prinsesa naman ay Pumapasok sa isang Pribadong-Katolikong Paaralan. Madalas kaming magkasalubong sa daan.. magkumustahan at madalas, kwentuhan.. na nauwi sa pagkakaibigan.. Hanggang sa magtapos kami ng Highschool.

Pareho kaming Nakapasok sa isang Unibersidad sa aming Lungsod at pumasok sa iisang Departamento sa Kolehyo.. madalas magkita.. yayaan sa lakad.. magkasama sa pasyalan.. Hanggang sa maging kami.. Di ko na nga alam kung paanu nangyaring naging kami.. Kung paano nya ako niligawan at kung paano ko sya sinagot.. basta nakalimutan ko na..

Matalino si Prinsesa... Mayaman ang kanilang angkan.. Bigating Pulitiko ang mga kapamilya nya. Hawak nila ang Buong Syudad kung ako ang maglalarawan. Ganun pa man, Sobrang Bait ng aking Prinsesa. Walang halong kayabangan, Sobrang mapagmahal at sobrang wala akong masabing negatibo sa kanya... Minahal nya ako ng sobra sobra. At ganun din naman ako. Alam kong ayaw sa akin ng Pamilya nya.. Sinu ba namang magulang ang nanaiising ang mapangasawa ng kanilang anak na Prinsesa ay Isang Palaka... Waiter lang.. Dropped out sa iskwela.. mahirap pa sa daga.. Produkto ng basagbasag na Pamilya at Pogi! na wala ng ibang maipagmamalaki.

Tumagal din ng konti ang relasyon na yun.. Sya ang pinakaseryosong relasyon na dinaanan ko.. yung tipong nag-isip ako.. Di nakatulog.. di napakali.. kumausap ng maraming Santo, San at mga Santa.. at nagtanung ng WHY ohh WHY? Sa kabilang banda, madami din akong natutunan sa kanya.. madami akong binago sa Ruta ng buhay ko. dahil sa kanya, sinusubukan kong bumangon... magpatuloy sa pangangarap at abutin ang mga bagay na kaya kong abutin.

Nahihiya mang sabihin pero sa mga nagdaang taon, pinipilit kong umiwas muna sa kanya.. Parang nandun pa yung spark.. andun pa yung feelings pero, Alam kong kapag nagkakausap kami sa Ym at sa telepono, nabubuhay lang yung mga sakit at sugat na dala ng kahapon.. sugat na dapat naghihilom na ay sumasariwa pa. Makakasakit lang ako at ang masakit pa doon, masnasasaktan lang ako kapag alam kong ako ang nagdudulot ng sakit sa aking minamahal...

Di ako sigurado kung napadpad na dito yung Prinsesa ko. ipinagsigawan ko na din kase sa aking facebook, myspace at friendster nun ang aking blog eh, pero di ko lang alam kung nasundan nya ako.. pero kung sakali man, Prinsesa, Gusto kong kapag nagkita ulit tayo, may masasabi din akong bago sa sarili ko. May naabut din ako..at yun ay dahil sa mga leksyon na natutunan ko sayo. Madalas mong sabihin nun na ako yung taong hindi marunong magsabi ng "NO" na nakilala mo. sayo lang yun.. sayo lang ako napapa"oo" kahit na hindi dapat.. ganuun kita kamahal.

************************************************************************

yung tshirt sa litrato, yan yung regalo sa akin ng aking Prinsesa nuong pumasyal kami sa Vigan.
5years old na yung Tshirt na yan.. pero kita nyo nman mukhang bago pa rin.. Sobrang espesyal nyan... sabay baliktanaw at magmuni-muni.. at magpakabaliw..

Saludo: Bob Ong

Sa mga panahong ito, Isa si Bob Ong sa mga Hinahangan kong manunulat...

Kumbaga, sa aking pamantayan eh, nakahanay na sya kay J.K.Rowling. Hindi ko pa nahahawakan ni isang Libro ni Bob Ong; Pero ayon sa aking naririnig at nahahalukay sa internet eh, sobrang lufeeet nga nya.. Sa mga simpleng bagay na nakita kong gawa nya ay wala akong ibang magawa kundi ang mapanganga at Humanga!

May nakita din akong e-book sa internet binebenta pero sabi ng mga fanatiko ni Pareng Bob eh, Pirata daw yun kaya sobrang atat man akong mabasa ang mga libro ni Pareng Bob eh, hihintayin ko nalang yung pinabili kong Libro sa pinas..

ito yung isang Video sa Youtube kung saan nakaka at nakaka yung mga qoutes nya.. isa ito sa nagpatanga at nagnakaw ng aking paghanga para sa kanya..

oh, masisisi mo ba ako kung HUMANGA man ako kay Pareng Bob?
ikaw? humanga ka ba sa lufeeet nya?

Sulat sa Masa

Dear Manilenya,
Musta ka na? Bakit di ka na nagpaparamdam? Nagtampo ka ba Dahil ba feeling mo na-snob ko ang iyung Lab Letter para sa akin? pasensya na kase naging Busy din ako sa mga nagdaan araw at Linggo..

Una sa madami kong sasabihin, Alam mo bang madaming Sulat pa ang aking hindi natatapos para sa kung kani-kanino ang nakaimbak sa aking draft dahil sa kapag dumadating ako galing sa aking gawaing illegal eh, diretso tanga at tunganga ang aking ginagawa. andyan yung sulat ko kay Ate charo.. kay Tita Mel Tiangco.. kay Vicky Morales at ganun din kay Bernadette Sembrano(kilala mo ba sila?) hehehe.. hanggang ngayun hindi pa tapos..

Pangalawa, nagpapasalamat din ako sa aking konsensya kase habang kausap ko sya kanina, ipinaalala nya na sagutin ko na daw tong sulat mo kase nakakalimutan ko na daw.. malayo pa ang pasko at hwag ko na daw hintayin yun! sinabi pa nyang sobrang swerte ko nga daw at sa dinamidami ng pwede mong padalahan ng sulat eh ako pa ang napili mo... Hindi naman ako si Santa na madalas nakakatanggap ng sulat kaya kakaibang Tuwa at ligaya ang naidulot nito sa akin.. feeling ko nga isa na akong huwarang tanga... na sa pagiging tanga tanga eh nabobola nila.. hehehe..peace!

Minsan minsan ko lang ginagamit yung salitang Idol... at isa ka siguro sa mga may X-factor kaya iginawad ko na ang aking pag-idolo sayo.. wala naman talagang duda eh! Sa ilang mga post mo na binalikan ko kakaiba ang atake mo.. hinahaluan mo ng kakaibang pampalasa para bumenta.. diko alam kung anu basta nararamdama ko yun! "siguro" di ko tiyak kung ito nga... Yung pagiging totoo mo ang nagpaparamdam nun sa akin..

At dahil nasabi mo na isa ako sa mga dahilan kung bakit bumabalik ang saya sa mundo ng Blogging... napakasarap namang pakinggan yun... At ang masasabi ko lang dun, ako hinding hindi ko iiwan ang blogging! Dito lang ako hanggang kaya ko at hanggang may Internet pa..

saludo ako sayo...

Manilenya..bobang pinay na nangarap na ang mga letrang tinitipa ng mga kamay ko ay magkakabuhay at lilikha ng mga kwentong….sapin-sapin.

********************************************************************

Isasali ko na din yung mga espesyal na blagero at blagera na naging dahilan ng pagsilang at patuloy na pananatili pa ni Kosa sa blogosperyo...

Keno,
di ko pa nasasabi sayo pero ikw yung unang nagpakilala sa akin sa mundo ng Blog.. nung tumatambay palang ako sa blog mo.. kinukulit mo akong gumawa ng sarili kong blog kaya ipinanganak ang aking unang blog.. ahhh pangalawa pala kase may blog na ao dati sa Fs. salamat pareko.. dahil sayo andito ako.

Sunny,
nuong masiraan ng Bait este PC si Keno, ikaw yung nagturo sa akin ng mga ilang gadgets sa blog. madalas mo nga akong sabihan na gawing pangkabuhayan ang aking blog. pero di ko talaga linya yun... siguro kaya ko naman pero masmasaya kase yung parang ganito na walang kwenta ang pinagsasabi ko eh.. pero sa kabila nun, nagpapasalamat pa rin ako sayo.. ikaw ang unang sertipikado na naging SUKI ng aking blog.. hehehe

DocRJ
alala mo nung new year doc? taena.. salamat sa oras ng pangungulit.. sa mga impormasyon.. kwentong makabuluhan..pasyal pasyal at madami pa! salamat..lols alam mo na yun... p.s. palitan mo na yung pangalan mo.. Doc Aga.. mas sikat..hehehe

PaperDoll
ikaw yung salarin kung bakit may nagmura sa akin nun.. lols alala mo yung sabihin mong ako si Badoodles? lols.. sinu ba yun? hahaha..salamat din sayo..isa ka sa pinakatotoo sa blogosperyo.. at yung date ko sayo, sige sige kapag nagkita tayo.

Amor
taena..salamat sa mga walang kwentang usapan.. pero may mga usapan talaga na di nman kailangan ng kaseryosohan eh... yun yung usapan ng mga walang kwenta...pero nagbubunga ng masasaya at tunay na ligaya.. yung ligayang hindi panandalian..hehehe

Marco
sa mga taebreak na sandali at sa walang hanggang pagtutula.. lols ang lupit nun!

Mulong
lols.. taena pareko.. isang masigabong palakpakan para sa mga malulupit na post! at yung mga passes na sinabi mo na sinabi ko.. hahaha.. di ko kakalimutan yun pareko.. naks naman.. baka makalimutan mo yun ahhh?!

Joshie
nakita ko sa aking lumang pahina na nuon pa pala eh kilala na kita.. napapadpad at nagkokomento ka na din pala nuon sa blog ko at di ko lang naalala.. akala ko dito ka lang sa Trip ni Kosa napapabisita. napapadpad ka na din pala nuon dun sa aking dating blog.. salamat at patuloy pa rin tayong kitakits

Dhianz
Salamat din sa pakikigulo sa byahe kong baku baku... byahilo man ako ngayun, nakakawala nman ng pagod ang mga malulupit na hirit mo sa comment at maging sa YM..
godbless dhee!

Bino at SuperGulaman
Bukod kay Pareng Bob Ong, kayu yung dalawa sa pinaka astig magsulat sa pamamaraang swak sa aking panlasa.. ang lufeeeet at sobrang astig! at sa mga kagaya nyong sobrang galing magsulat tapos pinapansin nyo pa rin yung tagahanga nyong gaya ni Kosa eh sobrang napaka-cool.. pramis isa ako sa tagahanggan ng inyung mga Likha..hehehe Peace!

Saul at LordCM
isang Apeeeeeeeer para sa mga nakakakilig.. emo.. nakakatuwa at iba ibang muka ng tunay ba buhay at buhay pag-ibig! mabuhay kayo at mabuhay tayo!

Yanah, Pogi at Dyen
para sa malufeet na grupo ng tatlo..lols kakainggit naman ng EB nyo.. sige sige sana magbunga yun ng isang makabuluhang bagay... sinali ko lang yung isa para di halata..hehehe
peace!

Prof Pajay at Ronturon
para sa malakaluluwang paramdam.. pero nakita ko din na dati pa pala eh napapabisita na din kayo sa dati kong blog.. at isang tagay yun para sa mahaba-habang samahan na dati pa pala na ngayun ko lang napuna.. Tagaaaay!!

GillBoard
Para sa madalas na palitan ng kuru-kuro sa komento at sa pagiging single..lols
salamat..

sobrang dami ko pa sanang isisingit pero sobrang haba na pala nito.. salamat din sa mga patuloy na dumadaan dito sina Myk2ts, Ronald, ilocana, ms.donna, Dylan, Hiraya, mavs, madjik, si Mr.Thoughtsnyayun, kasama na din sila Bomzz, Akina, Marlon, superboi, Lucas, Vanvan, gasDude, Everlito, OR, stylishchiicQ, Rehabman, Buraot, Lio Loco, si Onats, sa nawawala pa rin si Yods at sa madami pang di ko na nabangit pasensya na, inaantok na ako at iadd ko nalang kayo sa susunod na pabati ko..hehehe..

Napapa-Tumbling talaga ako kapag nakikita ko kayo sa pamamaraan na alam ko.. yun ay ang basahin ang inyung mga sinusulat at Ang bawat hakbang patungo sa hinaharap ay sumasarap kapag ibinabahagi natin sa isat isa..kitakits pa rin at sana mahaba pa ang ating lakbayin.

Ang bawat paghakbang ay nagsasabing lumalaban ka sa Buhay.. Kung di mo na kaya eh, di sana umatras ka na.. Pero mapalad ka dahil sa iyung paglalakad, Nananatili kang Humahakbang Paharap...-kosa