Isang Taon!

Batang bata pa kung ikukumpara mo sa iba.

Walang panama kung ikukumpara sa iba na nagtagal na ng taon taon sa sirkulasyon. May mga nagbakasayon..bumalik. May mga nanatiling aktibo sa kabila ng pagiging busy sa personal na buhay. May mga nag-iba ng landas... Pangkabuhayan ang tinutukan at may mga nawala nalang na hindi nagpaalam...

Iba iba ang ating mga rason kung bakit nagbablog at iba iba rin ang ating nakukuha.

Maraming kakilala, maraming kaibigan, maraming aral, katatawanan. pilosopo sa buhay, kahalayan, kalokohan at minsan pa nga, nauuwi sa masayang pag-ibig.

ako?

bakit nga ba ako nagbablog? hahaha. Hindi ko rin alam kung bakit hanggang ngayon eh, nagbablog pa rin ako... Hindi na ako ganun kaaktibo tulad nung dati pero nandito pa rin ako at nakikigulo. Masaya ako sa kung anung nadadala sa akin ng aking pagliliwaliw sa bawat pook sapot na aking nabibisita. Sa mga bagong kaibigan na nakikilala. Sa mga teleserye ng mga totoong buhay na aking nasusubaybayan. Sa mga kuro-kuro at pananaw ng iba.

Wala naman akong materyal na bagay ang napapala sa pagbablog (asapa.lolz) walang pera, walang mga gamit. walang pagkain. walang pangkabuhayan atbp. Pero espesyal para sa akin ang mga simple pero walang katulad na bagay na nakukuha at natatanggap ko dahil sa blog na 'to. sa nakalipas na isang taon, nadagdagan ang aking mga kaibigan, kakilala, kaalaman, pananaw. Nag-iba ang ilan sa aking mga paniniwala bawat bagay. Nagkaroon ng pag-asa sa bawat umaga. Pagbangon sa bawat pagbagsak at marami pang iba.

Nagpapasalamat ako sa mga napapadpad sa walang kakwenta-kwenta kong kinakukutaan na ito. Sa mga simpleng mala-kaluluwang pagpaparamdam nyo tumataba ang puso ko..

salamat. salamat sa isang taong pagkakaibigan. salamat sa patuloy na pakikigulo.

Sana, masmarami pang taon ang dumating!

Tagaaaaay!