Untitled

Hindi ito ang Unang pagkakataon na maging Bida sya sa aking Blog. Pero sa pangalawang pagkakataon, ibibida ko ulit sya sa ngalan ng pagdarasal, pagkakaibigan at pagiging Saludo pa rin ni Kosa sa kanya.

Kelan lang nuong makilala ko sya Bilang isa sa mga kasamahan natin sa Blogosperyo. Sa pamamagitan ng pakikisakay ko sa kanyang mahiwagang walis tingting na lumilipad, naipakilala at naipakita nya ang ilang baagi ng kanyang pagkatao.. pagiging isang ina at makikipagsapalaran sa Magulong buhay may asawa.. Pangingibang bansa at pakikibaka sa iba pang Hamon ng Buhay.

Nakakatuwang isipin na sa maikling pagkakataon eh, naging malapit na rin sya sa akin. Sya na ang madalas kong ka kwentuhan at kakulitan sa mga oras na batung batu ako. sya ang kinulit ko nuong nangangailangan ako ng tulong at kaisipan upang kalikutin ang layout ng aking walang kwentang kutang ito. Sya din ang umayos sa listahan ng aking Blogroll. sya at wala nang iba ang naging , janitor, tubera, basurera, karpintera at doktora ng aking Kuta..

Para sayo Yanah, nasa Hall of Fame ka na ng Trip Ni Kosa... Bidang bida ka dito... Alam mo naman siguro, Ginawa ko man to o hindi---kasama ka pa rin sa aking pakikipagkwentuhan kay PapaGod.

Alam kong Hindi pa tapos yung laban mo, pero kita mo naman kung paano bumuhos ang kabutihan sa gitna ng kawalan. kayang kaya mo yun alang alang sa mga minamahal mong tatlong ku-cute na anghel sa Buhay mo at alam kong tutulungan ka pa rin ni Papa God.

***********************************************************

ito ay pakikiisa sa pinasimulan ni LordCm na pagsisigaw.. este pagdarasal pala.. kasama si Pogi at madami pang ibang Blogero at Balgera na nakikiisa sa at tumutulong sa lahat ng aspeto sa laban ni Yanah..hehehe