Mayabang Ako!

Simula't sapul, MAYABANG talaga ako.. hehehe inaamin ko yun ng bonggang bongga at walang pag-aalinlangan... Malamang sa malamang, Bahagi yun ng aking pagiging dugong aso Kapampangan... FYI, ang tatay ko ay Kapampangan at ang nanay ko naman eh Ilokana. Ang malalapit na kaibigan ko nga, Hindi sila makapaniwala na ang dalawang nagbabanggaang betlogs lahi ang pinagmulan ni Kosa. Mula sa lahi ng magarbo, gastador..mayabang na kapampangan na nahaluan ng Kuripot, matipid, masinop---tahimik at mukang tatanga-tangang Lahi ng Ilokano.

Likas sa Kapampangan ang pagiging magarbo.. MAYABANG, magastos.. basta lahat na yata ng Bonggang bonggang mga bagay eh makikita mo sa Kapampangan. Tulad nung isa kong Prinsipyo nuon at magpahanggang ngayun "Kahit wala kang kapera-pera, kung nagbihis ka ng maayus---malinis at mabango ka, Hindi lahata na Butata ang iyung bulsa". ayan, kayabangan ba yan o isang sakit? hehehe Hindi mo naman kailangang ipakita kung anu ang nasa bulsa mo di ba?

Sabi ng Nanay ko, Ang kapampangan daw, sobrang init ang Pagtanggap ng bisita. Yung tipong ibibigay nila ang kanilang kwarto at malambot na kama para sa mga bisita.. kahit na matulog na sila sa ilalim ng lamesa sa kusina eh ayus lang. Ipagluluto ka ng kung anu anung masasarap na pagkain at with matching serbis pa.. ipagsasandok ka... at kulang nalang na sila ang magsalansan ng pagkain sa bibig mo ng pagkain hanggang sa mabulunan ka at hindi na muling bumisita sa kanila. hehehe joke lang! Hindi ko pa naman napapatunayan yun kase hindi pa ako nabakasyon sa mga kakilala at kamag-anak sa Pampanga..Pero darating din ang araw na yun..hehehe:) kelan, kapag puti na ang uwak.

Sa Ilokos ako Ipinanganak, Lumaki, nagkaisip (meron na ba?), nag-aral, naging gagu-tarantado, Pumampam, Lumandi at natutung makipagharutan. Halos lahat ng mga Puhunan ko sa pakikibaka sa karumaldumal na Laro at Laban sa Mundo ay sa Ilokos ko natutunan. Pagiging matipid maskilala sa tawanag na Kuripot---. Prodaktib--- yung mga bagay na akala mo wala ng pakinabang eh magagawa kong kapakipakinabang. alam mo yung kasabihang "may pera sa basura?" yun yun! Hindi naman sa binubuhat ko ang aking sariling Upuan... ganumpaman, Bubuhatin ko pa rin ito kase lilipat ako nga pwesto.. **at ayan nakalipat na ako sa maskumportableng posisyon**

Kahit kelan talaga hindi ako naging magaling sa iskwela. Simula pa nun, Likas na din sa akin ang maging Pasaway. Kung anu ang gusto kong gawin, kahit sinabihan mo akong wag kong gagawin "oo" ang isasagot ko sayo pero gagawin ko pa rin. Alam kong ang Lahat ng aking ginagawa sa Buhay ko eh kailangan kong panagutan.. At malamang sa malamang na kapag nagsisi ako sa pagsunod sa payo mo, at sisihin kita! babalik din sa akin ang sisi "kung bakit kita sinunod" kaya masmagandang desisyon at diskarte ko pa rin ang sundin ko. Tulad ng sinabi ko, Responsable ako sa lahat ng mga bagay na ginagawa ko.. At halimabawang nabukulan kita ng hindi sinasadya o sinadya ko man.. Ready ako sa consequences Murahin mo ako---o kung gusto mo, Bukul-Bukulan mo din ako *times two** ayus na ayus lang yun sa akin..hehehe

Ang Pogi talaga nga kombinado na gawa ng dalawang magkasalungat na Lahi.. Tignan mo naman ang resulta, Si Kosa na walang kwenta pero happy'ng happy naman..hehehe nagyayabang ako eh wala naman akong maipagyayabang..lolzz

Ngayung bagong bago ang ayus ng aking Kuta, naninibago din ako... Iniisip ko kung anu pa ang pwede kong ilagay dito.. Kung anu pang mga bagay ang ipapalaman ko dito.. at iba pa.. sabagay tulad nga ng madalas kong sabihin sa ibang makukulit na Blogger, "Ang paggawa ng post ay parang utot... Hindi pinipilit at malamang sa malamang--kapag pinilit mo lumabas nga pero may kasamang iba.." hehehe.. sige sige kitakits pa rin.. para lang akong gumawa ng Komento sa sarili ko nito..hehehe

pahabol:
At dahil sinabi kong mayabang ako.. opisyal kong ipinangangalandakan na isa na akong dotkomista! ohaaaa.. mula sa http://taxikel.blogspot.com napunta na http://www.kosapogi.com . Parang wala ngang nagbago eh. Bukod sa masmadali lang sigurong tandaan at itype.