51st Post

Ito ang aking Pang-Limampu't Isang Post..
Eh anu ngayun? lols nagsasabi lang ako..
hahaha walang Espesyal..

Nakakatuwang isipin na nakakailang Hirit na rin pala ako sa walang kwenta kong kutang ito.. Hindi man ako ganun kagaling sa pagkukwento at pagsusulat eh may mga nakikiSakay pa rin sa aking Byahilong Byahe.. dito sa kung saan madalas pa sa minsan, baku baku ang aking ruta

Una sa Una,
Nagpapasalamat ako sa lahat ng palaging dumadalaw sa aking Kuta... Mula nuon hanggang ngayon, kayo yung dahilan kung bakit nananatiling Buhay si Kosa na nabuburo na dito sa aking Kinakukutaan.. Tanging dito nalang ako nagkakaroon ng Pakikipagkapwa tao Kung tao kayo..hehehe peace! pakikipagkapwa hayuf! Hindi Biro ang Buhay OFW kaya malamang sa malamang, kahit itanung nyo sa Ibang nangibang bansa, nakakabaliw ang Lungkot at pagkabato ang malayo sa mga mahal sa buhay, mga kaibigan at nakasanayang Buhay.

Pangalawa sa Una,
Natutuwa ako na makalilala ng mga katulad kong Abnuy (sabi ni Amor na kasali at pasimuno sa tropang abnuy!) kasama si LordCM(may 49th Post), si Prof Pajay(may 50th post) at madami pa... Pasensya na sa iba pang Abnuy na Hindi ko na Napangalanan... (isali nyo nalang ang sarili nyo sa Komento.. Piso lang ang membership fee). hehe

Nagagalak din ako na makalikom ng panibagong sirkulo ng mga kaibigan hindi lamang sa Pinas kundi sa ibat ibang sulok pa ng mundo. Naantig at nahaplos ako ng ibat-ibang makekesong kwento ng bawat isa sa inyo.. nakitawa sa bawat nakakatuwang pangyayari sa Buhay nyo. Nakisimpatya sa bawat pagkaapi na dinaanan nyo.. nakiluha sa bawat pagbalat ng sibuyas na inyung tinrabaho. Nakiliti sa bawat maharot na Hirit ng bawat isa sa atin. Kinilig at na-inlab sa bawat lab-istori na ibinahagi nyo sa inyung mga mambabasa.. nakimura sa bawat pagmumurang inyung ginawa.. nakisigaw sa bawat magugulong sigaw na pinasimulan ni Kung sino diko na maalala... at magdunong-dunungan sa bawat problemang dinudulog ng kapwa blogero at balgera dito sa Blogosperyo.

Walang kwenta
Sa simpleng pakikibasa at pakikisakay ko sa inyung mga Post at Trip sa Buhay, naging bahagi na ito ng aking Bawat pagbangon at bawat pagpikit sa araw araw na ginawa ni Papa God. Hindi na ako kasing adik nuong bago-bago pa lang ako sa Blogosperyo.. Pero aaminin ko, Kulang ang araw ko kapag Hindi ako nakakasilip sa Blogosperyo sa Isang araw. Kahit na siguro Hindi ako makatulog ng Kumpletong oras sa isang araw basta makagala lang ako blogosperyo. sa makatuwid adik pa rin ako Pero hindi na halata..lols


Sa Buhay Blogosperyo
Madami akong nakitang bago sa aking paningin... naamoy na mababango at mababaho.. nalasahang maaanghang, maaalat, mapapait at hindi mawari kung anung lasa pa ang ibang mga yun.. Hindi matatawaran ang aking naging paglalakbay dito sa Mundong ito ng Blog. Hindi ko inakalang ganun kasaya at kabuhay ang Buhay sa likod ng mga taong nakatanga at nakatunganga sa Harap ng bawat konchuter.

Pero kung susumain, sa sandaling pakikibasa ko sa mga bagaybagay na sinusulat ng bawat isa sa inyu dito sa blogosperyo, madami akong natutunan, napagtanto at nalaman. May mga bagay din na medyo nagpagulo sa aking katinuan, nagpaiba sa aking paninindigan at nagpabago sa niluluma at inaamag kong kaalaman.

basta, ito ay isang pasadang post lang at kailangan ko pang lumagare mamayang gabi kaya kailangan ko ng power nap. kaya many excuse kung medyo bitin at walang kwenta(as always) ang post kong ito.

tagay para sa aking 51st Post!!!!
ehehehehe
kitakits

Kosa