Buhay Canada

Nuong i-Post ko ang Juana Bayani, naging maintriga ang trabaho ni Kosa!

Hindi naman sa pumasok na ako sa Prostitusyon at Pagbebenta ng aliw (wish ko lang!), kundi dahil sa aking tinuran na aking pinaggagagawa (trabaho) dito sa lupain ng pulang dahon ng Maple. May mga walang pakialam... may mga nagduda. Napakunot-noo.. napakagat-labi.. napatanong.. naningkit at nangulit! ANU NGA BA ANG PINAGGAGAWA ni Kosa dito sa Canada?

Pero ito ang totoo... Nahihiya man si KOsa... Taas noo ko pa rin aaminin na AKO ay isa sa mga libo libong naghihirap na utusan dito sa mundo...

Baliktanaw(ulit!?)

Kulang-kulang dalawang taon na rin simula nuong lumapag ang aking mga paa dito sa Bansa kung saan sinasabi ng iba, lupain kung saan ang mga pangarap ng katulad kong sawi ay natutupad. Sa ilang tao na pag-dadasal... paghiling sa bawat bulalakaw na masilayan.. manawagan sa lahat ng mga San - Santo—at Mga Santa, nakamit ko ang aking pangarap na makaalis sa Maralitang Isla ng Pilipinas.

Duon ako nagsimulang magkaroon ng Pag-asa sa mundo. Mag-iipon... bibili ng mapapangasawa... magpapatayu ng sariling bahay.. mag-nenegosyo, atbp.

Trabaho

Umentra ako dito sa Canada bilang isang dakilang caregiver... kung napanood mo yung pelikula ng Ninang kong si Sharon Kubeta, hindi naman ganun kakeso ang buhay ko! May mga Oras na nahihirapan ako pero oks lang dahil manhid ako. Lalo pa’t kapag tapos na ang trabaho ko eh, pwede ng lumayas finished or unfinished! Di tulad nung mga napasukan kong trabaho dati sa Pinas na usong uso kun‘di man ay bahagi na ang style Rosa Rosal na kawang gawa. At dito, kapag lumagpas na sa oras yung pagtatrabaho mo, that means OT nay un at kailangan nilang bayaran.. with certain percentage na masmataas kesa sa regular per hour. At iisipin ko lang na matatapos ko din yung probation ko dito... makakapasok sa masmatinong trabaho at makakapag-aral ulit.. yahoong yahoo! Solve na ako at may malaking rason na ako upang makangiti ng malaki..pamapapogi! pampabata.

Mga Raket

Ito ay illegal at sana ay walang makakalabas at magsusumbong... Ang unang raket (weekday nights) ni Kosa ay pagsama sa mga kriminal na nagpupuslit ng kontrabando, droga at mga pambomba sa amerika! gayundin sa mga Cleaning maintainance works... linis sa mga opisina kasama na ang kusina at kubeta! kadalasan, ginagawa ito sa gabi hanggang madaling araw kaya fit sa schedule ni Kosa. Ang pangalawang raket (sat&Sun) ay ang isang kapehan na kung saan nakapangalan akong empleyado sa hindi ko pangalan... Hindi kase ako pwedeng kumuha pa ng LEGAL na trabaho ngayun kase bahagi yun ng aking restriction sa programa ng caregiver para kapag natapos ko yung 24months employment as caregiver eh, entitled akong mag-apply ng immigrant status(sana nga!!!).

Minsan, sinasamahan ko mga batang anak ng mga Pinoy. Makikipaglaro, makikipagkulitan at papakainin. Hindi kase pwedeng iwan mag-isa ang mga bata dito (12y.o.below). at syempre may konswelo de bobo din yun! Mahirap tumanga at tumunganga na wala sa monitor ng computer ang iyung mga mata!

Looking Forward

Madami akong mga bagay na gustong gawin sa aking buhay. Sa edad ko ngayun, di ko pa naenjoy masyado ang buhay ko. Pero sabi nga nila, ang pagkatok ng mga oputunidad sa ating buhay eh minsan minsan lang. Kapag di mo sinunggaban, baka din a bumalik yan! kaya sabi ko, babalikan ko nalang ang aking pagkabata kapag ako'y tumanda na.. may mga ganun nman di ba?!